× كان جالس هو وباه وجدو كايتسنط لهضرتهم ومخلي هضرتو عندو ولكن باه رد البال لسكاتو وجلاسو بداك الهدوء والكالم كااامل
الحاج قاسم : ولدي فاروق واش طاري شي مشكل لهيه؟
فاروق : لا ماشي هادشي الواليد [ دوز يدو على لحيتو وعقلو مع فيروز ] هاد نهار دوا معايا عِز فشي حاجة
شاف فجدو ولقاه مركزز معاه نييت باش بحال المرات لي دازو فاش كايكون كايهضر
فاروق : داكشي لي مابغيناهش هو لي طرا ، جا دوا على فيروز السيد باغيها وماباغيش غيرها .. ݣلت لو عاطيينها لراجل خور وهو نزوجو ليه غزلان ولكن مابغاش من غيرها راه كانݣول لك الواليد شي خطرة غانحيد لها شي رجل على هاد التقزقيز ديالها ، فالعرس ديال زبيبة ماشداتش لرض ، باش غانجاوب دابا السيد؟
الحاج قاسم : هادشي مافيهش تفكر جوج مرات ، الكلمة عطاها الحاج لراجل خور ماغانهرسوهاش [ شد حط تسبيحو فوق الطبلة ] ماكناش باغيين نردوها ليه فوجهو والايني هادشي لي عطا الله .. الله يسهل عليه
كان غاينطق فاروق حتى صدق نطق الحاج الرحماني بهضرة ماكانوش كايتسناوها من ورا سكات لي داز عليه شحااال
الحاج الرحماني : [ شاف فالحاج قاسم ونطق بصوت غالب عليه الوقار والقصوحية ] عيط لو وݣوليه البنت غانعطيوها لو ، خليه يدوي مع الحاج المرتضى ويديرو نهار ويجيو ندويو فهادشي
الحاج قاسم : والكلمة لي عاطي للناس الحاج؟
فاروق : الناس لي مفاهم نتا وياهم تهرسات الكلمة من جهتهم ا جدي ولا اش طرا؟
الحاج الرحماني : الكلمة ا ولدي كانت معطية لبات المرتضى الله يرحمو و يوسع عليه على حساب ولدو عِز من الوقت لي كان عندو 18 العام
ماتصدمش بزاف حيت عارف مزيان طبع الحاج الرحماني وعارف بلي ماكايدير شي حاجة حتى كايكون عندو سبب يعني مستحييل يكون تهاون بحال هاكا ولا دار هاد الفعل بدون سبب
الحاج قاسم : والايني السيد تزوج وبقا عايش هو ومرتو شحال علاش ماݣلتيهاش لينا الحاج؟
صدمتو كانت كبر من باه وفبالو كانو شلا أسئلة
فاروق : هاد الوقت كلو وهي مرشومة لعز؟ [ شاف فباه ] هاد الهضرة عمرني سمعت سيرتها من عندو ولا من عند الحاج المرتضى واش هو عارف؟
الحاج الرحماني : كان ا ولدي عارف فواحد الوقت ترشمات ليه وحدة من بناتنا والايني هو والمرتضى ماكانوش باغيين ، بقات الكلمة دايزة غير بيني وبين جدو المرحوم وحناه
كانت معلومة خرا مع ديك الهضرة ولي ماقالهاش ليهم ، ببساطة ماقالش ليهم بلي السيد ولا عارف شكون لي مرشومة ليه ولكن لا هو قال لفاروق بلي عارف والا الحاج الرحماني قالها.
فاروق : الكلمة تعطات بيناتكم ا جدي والايني على هاد الحساب تهرسات من عندهم هما فاش تزوج عِز ولا لا؟ لي مابغاش يدخل ليا العقل منين هي
أنت تقرأ
زوجة الكولونيل / 𝐂𝐎𝐋𝐎𝐍𝐄𝐋'𝐒 𝐖𝐈𝐅𝐄
Romantikهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
