فاروق : [ ستأنف هضرتو ] جدي ماباغيش يخلع فيروز والايني كانشوف غايكون حسن ايلا جات تشوفو قبل ماتطرا شي على غفلة والخبار فراسك
لاح البونتة لي بقات ليه فيديه و ودنيه كانو مع فاروق .. سكاتو طال و ماباينش فاش كايفكر بالضبط و زاد كمل على غموض تفكيرو جوابو المُبهَم
عز : يكون خير ا فاروق
حتى كان غايكتافي بداك الجواب وهو يخرج جواب اخر من شفايفو
عِز : واش نشوف لكم مع واحد الدكتور؟!
فاروق : ا بن عمي يلا غير الطبّة راه ماخلينا فين ديناه ما خلينا بيه كازا ما خلينا الرباط و فاش رجع للدار و باقي الطبّة كايمشيو و يجيو والايني مكاين نفع صحتو مشات و هما نيت ݣالو راه معجزة منين باقي عايش حتى لهاد الوقت كان موالف يمرض و يصح ولكن هاد المرة مبقاش كايهز الراس شدق الخبز مابقا يقدر يكملو
عِز : الموت علينا حق شي سابق و شي عاد لاحق حتى واحد فينا ماغايبقا عايش لديما [ بلاصا الطوموبيل قدّام الديپو ] بلغ سلامي للحاج قاسم و ختك دابا ندوي معاها فهادشي
فاروق : مُبلغ و حتى نتا بلغ سلامي لمّالين الدار ، ماتنساناش
قطع هو وياه و كل واحد فيهم مشا لشغالو
° عــنــدهــا °
سالات هضرتها مع أميمة و جلسات حدا الفيكس .. كاتتفكر أش وقع عاد هادي 5 أيام
____ فـلاش بـاك قـبـل 5 أيـام ____
كانت جالسة هي و أسماء حدا الفيكس كايحاولو يوصلو لمعاذ باش يشوف شي حل لهاد الخطبة المسݣدة
حاطة لاباراي فودنيها و عينيها مع فيروز
أسماء : [ حركات راسها بالنفي و اليأس متملك عينيها ] ماكايجاوبش
فيروز : [ تأفأفات ] مشكلة مع هدا وشني دابا؟ واش ماكادعرفش شي واحيد يكون كايعرفو؟
أسماء : [ حركات راسها بالنفي ] نجية لي كانت كاتعرف وايني راكي عارفاها غبرات
فيروز : [ عاودات تأفأفات ] وايني مشكلة هادي [ هزّات عينيها فيها ] عرَفتي أ اسماء والله تا كانندم ذي بعط المرات
حطّات لاباري و نطقات بخيبة أمل
أسماء : ا ختي فيروز هدا ماشي الغلط ديالك والله انا لي كان خاصني مانزيدش نخبع هادشي
فيروز : لا ، كون غي قنعتك تهضار مع خاك قبل مانسافرو كون بعدا ايكون فراسو و ديك الساعة معاذ يصبر تا نجيو عاد يجي يطلبك من عيلتك على الاقل ماكانوشي ايشوفوه هايدا
عارضاتها بيأس
أسماء : اودي ا ختي فيروز كون...
تقطعات هضرتها و عينيها مشاو دييريكت لجهة الباب ... كان هو بِشَحمِه وَ لَحمِه واقف قدام الباب
فيروز : لا أ أسماء كانت اتكون عاندك ديك الساعة فرصة انا ديك المرة قولت مانتدخلش و نقوليك شنو دقول لمعاذ بالحَق....
أنت تقرأ
زوجة الكولونيل / 𝐂𝐎𝐋𝐎𝐍𝐄𝐋'𝐒 𝐖𝐈𝐅𝐄
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
