رصاو امور العرايض بيناتهم وداز داك النهار و كلها فين حاط راسو شي شاغل بالو الصلح و الهدنة وشي حالف بحلوفو لابقات شي نسوبية على أرض الواقع وشي كايضمر الشر لغيرو وشي غير حااضي و كايتختل من بلاصة لبلاصة باغي يتعلم صنعة جديدة اما النص لاخر كان همهم كاافيهم كايحسبو غير فليام لي كايدوزو واحد مور واحد هاد النهار مشا و النهار لي موراه ها هو جا
° عـنـدهـا °
مربعة رجليها فوق الناموسية و حاطّة حداها القراعي ديال عشوبها مستفاهم و فيديها ورقة ديال النيبرو خاوية مخشــعة معاها ... بدات كاتفرش فيها بوصير حتى سطـراتو سطر خفييف ، زادت عليه شوية ديال القرنفل مطحون نص طحنة .. حاولات ماتكترش منهم باش مايجيهش قاصح ، مشاو عينيها للقراعي لاخرين كاتقلب على شي حاجة باش تحاول تزييد تهرس ديك القصوحية ديالهم مالقات قدامها غير جدر عرق السوس مطحون نص طحنة دارت منو غيير شوية قياس رشيشة ... هزات البونتة ديال الݣارو خشاتها فيه و بدات كاتحاول تلوي داك النيبرو باغا تقاد جوان و ربي كبير
على حساب ما عاقلة هاكاا شافتهم كايقادوه و يلويوه ياك؟
حطات من يدها داكشي و رجعات ضهرها اللول كاتتفكر واش هاكا ولا ماشي هاكا
#فلاش_باك_قبل_ساعات
جالسة وسط خوتها و باها كلها كايلغي بلغاه ما عدا هي و فاروق شي جالس و عينيه مع الورقة ديال النيبرو كايبرم فيها و شي عينيه مع اليدين لي كايبرمو حاضيين العبار ديال التبغ وكيفاش كايلوي داك النيبرو ... جالسة و مخشــعة معاه حتى قاطع خُشوعها صوت خوها
بوبكر : الحاجّة راني داوي معاك
خرجات من سهوتها و شافت فيه بإستغراب
فيروز : هاه؟ [ مافاهمة والو ] نعام هانا كانسمعك [ شافت فباها و عاودات شافت فيه ] شني قولتي؟
فاروق : [ لصق طرف الجوان و نطق بلا مايشوف فيه ] خليها بلا مادوي معاها [ هز عينو فيها ] غانرجع العشية و نشوف هاد الحريرة ديالها
الحاج قاسم : [ نعت لها بحجبانو جهة الباب و نطق بصوت وقور ] نوضي شوفي مك واش خاصها يد العوين
ناضت من بلاصتها وشافت جهة فاروق لقاتو بدا كايبرم جوان اخر
فيروز : [ شافت فباها و نطقات بنبرة هادئة ] واخا ا بَابَا [ بترقيق الباء ]
خرجات من الصالون دايرا راسها بحالا غاتمشي للكوزينة و مع ضارت وقفات فالقنت ديال الباب بقاو عينيها مفيكسيين مع يدين خوها حاضياه كيفاش كايبرم و متبعة معاه دقة دقة غافلة على الخطاوي لي كايقربو موراها بشويـة بشويـة حتى وصلو لموراها بالضبط
أميمة : [ نطقات بشويية حدا ودنييها ] فيروزة؟
قفزااتها من بلااصتها حتى نقزااات حاطة يدها على قلبها
فيروز : [ نطقات بشوية ] الله ياا مرات خااي واش حالفاها فياا
أنت تقرأ
زوجة الكولونيل / 𝐂𝐎𝐋𝐎𝐍𝐄𝐋'𝐒 𝐖𝐈𝐅𝐄
عاطفيةهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
