_ فمدينة كازا بلانكا - البرنوصي _
وسط حي من أحياء البرنوصي ... حي كاينبض بالحياة قريب للطريق الرئيسية فين كاتتدفق المارّة كان محل ديال الخياطة جاي فقلب الحي الشعبي .. محل كايعكس روح الثقافة و الفن التقليدي المغربي العَريق مع كادخل ليه كايضربك عِبق التُّراث والأصالة .. كان صوت ليباري و ماكينات الخياطة القدام كايتسمعو فكل قنت من قنات المحل بَينما الحيوط كانو مزينين بتصاور الزي المغربي التقليدي و التواب الملونة و غيير كاتشوف خدمة القفاطن و الجلالب لي ملبسينهم للمانكات البلاستيكية كاتفهم علاش هاد الزحام كااامل كاين على هاد المحل بالضبط.
وقفو قدام المحل جوج رجال مألوفين و واحد منهم كان شاد فيديه ورقة كايحقق واش هدا هو العنوان ولا لا
المُحقق 2 : هادي هي لادريسا لي عطاك فالورقة
خشا الورقة فالفيستا و تم داخل هو وياه
المُحقق 1 : داكشي لي بان لي ها حنا غانشوفو اش غانلقاو هناالمُحقق 2 : [ دخل للداخل هو و صاحبو ] السلام عليكم
طل عليهم واحد الراجل من وسط الكليان كانت لحيتو بييضة وجهو بشوش كايدخل للخاطر
جيلالي : وعليكم السلام ورحمة الله كاين فاش نعاونك ا ولدي؟شير لو بيديه جهة الكليان
المحقق 1 : ماشي مشكل سربي لي عندك حتى تساليعيط لواحد دري من دراري الصغار لي خدامين معاه و خلاه يتكفل بالكليان لي كانو على مايشوف هاد جوج اش باغيين
المُحقق 2 : [ واقف قدام واحد الجلابة كايدوز يدو عليها ] السلعة عندك زوينة شحال داير لهادشي؟
جيلالي : [ بتاسم ليه ببشاشة ونطق ] باغي شي جليليبة للمرا ا ولدي؟ الخياطة ماتخافش عليها تتحل ديها ݣرانطي من عندي و الطرز فيها مخدوم باليد
المُحقق 1 : مرة خرا ان شاء الله [ ضار لعندو ونطق ] ماجيتش على ود هادشي ا سي الجيلالي جيت على حاجة خرا
شاف فيه و عاود شاف فالمحقق الثاني لي معاه و نطق بصوت رصين كايناسب شخص فعمرو
جيلالي : الله يسمعنا خبار الخير ا ولدي ياك شي باس ماكاين؟المُحقق 1 : كاتعرف عِز بلحاج؟
عقد حواجبو لي كلااهم الشيب كي كلا اللحية ديالو و نطق
جيلالي : عِز بلحاج؟ [ سكت شوية كايدقق و يحقق فيهم بجوج ونطق ] ايه كانعرفو شكون نتا لي كاتسول فيه؟المُحقق : منين كاتعرفو ا سي الجيلالي؟
نعـت ليه بعينيه للمحل و السلعة و الكليان لي كاينين فيه
جيلالي : راك كاتشوف على عينيك ا ولدي خدمتي خياط والعائلة ديالو كانو الكليان ديالي زماان هدا الله يعمرها دار [ شاف جهة الكليان و عاود شاف فالمحقق ] اجي دخلو معايا لداخل نبعدو من الصداع ونهضرو فخاطرنا
أنت تقرأ
زوجة الكولونيل / 𝐂𝐎𝐋𝐎𝐍𝐄𝐋'𝐒 𝐖𝐈𝐅𝐄
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...