الحاج الرحماني : هادي هي البنت الصغيرة ديال المرا لي خدامة هنا
فيروز : [ تبسمات ليها و سلمات عليها ] و شحال فنيييونة و على حنيكات عندا ياا الحبيب ربي قوليا شني اسمك
غاا مازاادت حشمات البنت حتى مابقات عارفة ماتقول مع قالت سميتها ستأذنات و مشات تكمل فشغالها مخلياهم يتحركو من تما و هاد المرة قصدو الكوري الثاني لي كان عاامر بالبهايم البݣر و الحوالا لقاو تما مرا تكون فالخمسينات من عمرها و بنت عندها 18 العام معاونين
فيروز : و هاد الغنم لي هنا ا بّا سيدي كادعلفوم [ كاتعلفهم ] و دبيعوم [ تبيعهم ] فالعياد ياك؟
الحاج الرحماني : و حليب البقر ا بنيتي كاياخدو منو الناس لي هنا داكشي لي خاصهم يطرو ولا جوج و تّاباقي كايمشي لشركة سونطرال
زاد شرح لها مزياان بلان الكوري الثاني لي كانو فيه 2 مشاريع كايدخلو المدخول لهاد الفيرمة ... سلـمو على المرا و بنتها لي كاينين تما من مور ماخلّا فيروز تعرفهم و من تم خرجو و تمو قاصدين الأراضي الزراعية لي كانو ضايرين بالفيرمة ... و هادوك بووحدهم كانو فيهم 3 مشاريع بحكم الأرض مقسمها على 3 الطرف اللول كان فيه العنب لي كايدوزوه لزنيبر إمبراطور الخمور فالمغرب و الطرف الثاني فيه لاڤوكا لي كايتصدر للسوق و داك الثُّلُث الثالث كان خاوي
عجبها بلان هاد الفيرمة لي كانو مَصادِر الدخل ديالها متعددة كيفما عجباتها قضية يخلي عائلة كاتتكون من أم و 2 بنات و 2 دراري كبيرهم عندو 30 عام هما لي يشدو الفيرمة ولكن كان عندها تساؤل
فيروز : و هاد الأرض ا بّا سيدي علاش مازارع فيها والو؟
نطق بصوت خَفيض ممزوج بحنان الجد مع ذبذبات الشيخوخة
الحاج الرحماني : هاديك ا بنيتي خليتها لماليها يزرعوها و يشوفو شغايديرو فيها
فيروز : [ عقدات حجبانها بإستغراب ] علاش ا بّا سيدي هاد الفيرمة ماشي ديالتك؟
تبسم لها و نطق بصوت حنون و فنفس وقور
الحاج الرحماني : لا ا بنتي ماشي ديالي هاد الخير
مافهماتش ... ياك الساروت كان عندو و هو كايعرف هادو لي هنا و عارف كل مشروع هنا مديور
فيروز : والله مافهمت ا بّا سيدي ياك تينا عارف كلشي على هاد الفيرمة اكا ماكانتش ديالك ديالمن ماش دكون؟
ماجاوبهاش جلسات كاتسوط بيديها تبرد حر الصهد و كادور عينيها في حين الحاج الرحماني فهاد الأثناء عيـط لواحد من دوك ولاد السيدة لي مقابلة الفيرمة كانت عندو 24 عام غير جا لعندو و هو يوشوش ليه فودنيه موصيه يدير شي حاجة معينة ولي بدورو غبر لبِضع لحظات قبل مايعاود يبان و هو هاز فيديه واحد الكلاسور
الحاج الرحماني : [ مدو لحفيدتو و تبسم قبل ماينطق بصوت رصيين و قار ] ها مولات الشي
شدات من عندو الكلاسور و واحد الشك بدااا كايشير لها بيديه باش تفرح فاش سمعات ديك مولات الشي و بدون وعي بتاسمات واخا مزااال ماعرفات اش كاين .. جمعات تبسيمتها ماباغاش تسبق الفرحة قبل العيد و تصدق فرحانة على والو و مادازتش حتى 3 دقايق صحيحة و هي كاتقرا فدوك الوراق لي كانو فالكلاسور حتى خرجاات عينيها فيهم بالفرحة لي عتارات قلبها و لا إرااديًا شدات فقلبها و نقزات واحد التنقييزة خفييفة و هي كاتقرا سميتها على داك الملك لي كتبو لها فسميتها
أنت تقرأ
زوجة الكولونيل / 𝐂𝐎𝐋𝐎𝐍𝐄𝐋'𝐒 𝐖𝐈𝐅𝐄
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
