وقف مقابل معاهم ب3 ولكن عينو غير مع الݣارد شومبري
مُراد : دغيا توحشتي الكاشُّو؟
كان بااين فيه جاي و نااوي على خزييت
الݣارد شومبري : هاد الخطرة ماغانمشي غير وانا مسييفط الزامل بوك بشي تهريسات يكمشوك واحد 3 شهور بالجبييرة
ماكانش ناوي يضارب والا يدير راسو فيه و فيهم ... هز الكرسي باليد الثانية ونطق
مُراد : النهار باقي طويل شد لك شي ݣارو قاد بيه الراس ، الباب لي كادق فيها ماكاتديش غير للكاشّو [ شاف فدوك 2 ] جمع عشرانك و دووب غبرة [ غبر عليا ]
كان فااهم التهديد ديالو و شنو قصد بهضرة الباب لي كاتدق فيها ماكاتديش غير للكاشو .. بصريح العبارة قاليه يلا عاود حك عليه غايلقا شي حوايج فين يبااان الحبس المنفرد.
لاح هضرتو و مازادش دار راسو فشنو كايقولو ... تم دايز من حداهم باش يخرج و الكرسي باقي فيديه حتى شدو الݣارد شومبري من حوايجو وردو اللور مع بغا يهبط عليه بالكرسي شدو السكرتح بالشدة لي شدووو جا الݣارد شومبري دييريكت خشا ليه كروشية فالكرش
الݣارد شومبري : وانا غانوريك ا ولد القحـ/ـبة دابا بابي اش فييها
بدا السكرتح كايحاول يحيد لمراد الكرسي من يدو حتى صدق ضااربو بيه ولايحو عليه خلااه كايعربط بالسبااان ... دفعو من قداامو و حيـد من الوسط باش مايبقاوش ضايرين بيه و يقدر يشوفهم مزياان و منها نييت يدوزو لعندو واحد بواحد ولكن شكوون يدير هاكا و الشمايت لي قدامو قربو جوج للقدّام ناويين يتحاماو فيه هدا كايبغي يضربو من هنا و هدا كايبغي يضربو من هنا بقا مضااارب معاهم و ملاهي حتى جا السكرتح من موراه و ضربو ضرربة وحدة للكلوة ... و فبلاصة مايتكمش و يتسنط للحريق بحررر ديك الدقة ضار لعندو و شد لو راسو ب2 يدين دخل فيه بروسيّة رعفوو بيها و ضار لعند الثاني ضربو بالكوو لكرشو زواااه خلاه كايتلوّاا بالحريق و ما جاا فين يبالي بالݣارد شومبريحتى لقاه كان نااوي يغفلو بكروشيّة للعين ... ماعطلووش شد لو يدو و عووج لو الصبعان ديالها خلااه كايتلوا بالحريق ماجا فين يفك يدو حتى كان دخل فيه بكروشية ضبب لو الشوف ديال عينيه اما الصبعان لي كان ملوييهم لو حلف مايطلقهم كان ناوي يسيفطو بالڤري يمشيو يديرو لو الجبيرة
كان الغوااات و الهايلالا و السبااان غير من السمطة للتحت نايض فديك الشومبرا حتى جاو ݣاع الحباساا ديال داك الكارتيي كايتفرجو فيهم ما عدا شي وحدين قلال شي مشا يعيط للشاف كارتيي و شي مشا كايجري لعند عِز اما مُراد عااود دخل فيه بكروشية خراا و مع بغا يزيدو و هما يشدوه السكرتح و الثالث لي كان معاهم .. بدا كايترطااا و يدفع و ولكن حكمووه من الكتاف ماخلاوهش يتحرك
حط يدو على عينو كايشوفها واش بدات كاتتنفخ و عاود حيدها و هو مغزززف عليه .. سنانو خيزو
الݣارد شومبري : هاني غانوريك 3 ايام ديال الكاشُّو ا ولد القححبة
أنت تقرأ
زوجة الكولونيل / 𝐂𝐎𝐋𝐎𝐍𝐄𝐋'𝐒 𝐖𝐈𝐅𝐄
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
