- شغانݣولك انا مابقيتش مولاه والايني ولدي ماعندو مايݣول فهادشي غايشوف حتى يعيا غايݣول اللهم يعيش فبلاصة خرا والا يموت
فيروز : بالحَق ماقولتيشي لي شحال الثمن؟
سند ضهرو على الأعمدة و شاف فيها
- وشكون غايخلص ا الرحمانية؟
شافت فجدها لي نعت لها بعينو جهة الشيباني ديال صاحبو باش تكمل هضرتها ... هزات عينيها فيه و نطقات بنبرة هادئة رقيقة
فيروز : ايوا مدام ا عمي قولت لك انا لي انشريه انا لي انخلصو
- يوا زيدو نخرجو من هنا نفرجك على الفيرمة وتشطري لينا مع راسك فالثمن [ شاف فالرحماني ] على هاد الحساب داك الدوا لي جبتي ليا مابقا عندو نفع
الحاج الرحماني : كتاب ليه عمر حديد شغادير ا المختار
جبد القرعة و بقات كاتحقق فيها شحااال بانت ليها نفس القرعة و نفس السائل لي كان فيها ... عطاها لو ونطق
الحاج الرحماني : ها هي عندك ماتعرف تحتاجها شي نهار ا المختار
فيروز : و مايعرف نكون جبرت شي طبيبة تقة كاداوي الخيل و مايبقاشي محتاج يقتلوم [ شافت فالمختار ] المهم انا حطيت هادشي فراسي وماش نبدا نفتش و نسقسي من مور العيد ان شاء الله و ادا جبرت شي حاجة انقولا لبّا سيدي و هو يقولا لك
- ماكرهناش ا بنتي صعيب الحال تربي الكبدة على الخيل و يجي شي نهار دوك اليدين باش ربيتيه هما باش غاتقتلو
كانت حاسة بيه و حاسة حتى بولدو وهادشي غيير مازادها إصرار باش تشري داك الخيل ... تحركو من تما ومشاو لبلاصة خرا فالفيرمة كانو فيها خيام عتيقة مزينة بألوان زاهية غير مازادت عطات للفيرمة واحد الجو فريد من نوعو ... كانو خيام للزوار باش يرتاحو و يستمتعو بالمشهد الخلاب ديال المراعي و الخيول فالوقت لي كايكونو تحت ظل الخيمة
جلسو فوحدة منهم مبعدين على الناس و كايتناقشو على الخيول و المعيشة ديالهم على منظر غروب الشمس
بدات كاتغرب الشمس و بدا كايتعالى صوت الخيول العذب مع صوت الطيور لي كايغردو خالقين بيناتهم أجواء سحرية بألحان الطبيعة لي كايتسمعو فكل قنت من قنات الفيرمة ... النهار سالا ووقت الرجوع ديالهم لتاونات وصل و الثمن لي غايتفاهمو عليه على الخيل نسااوه حتى تفكراتو
فيروز : باقي ماقولتيشي لي شحال اتبيعو لي ا عمي المختار؟؟
المختار : [ حط يدو على راسها ] هداك الرحمانية الصغيرة خوديه كادو من عندي على العرس لي ماحضرتش ليه نشاعالله المرة الجاية جي و جيبي معاك حتى الكولونيل الفيرمة محلولة لكم فوقما بغيتو تجيو مرحبا بيكم
• فدار عائلة بلحاج •
واقف الحاج المرتضى على برّا حدا الطوموبيل كايتسنا الحاجة هنية تخرج و شاد فيديه التيليفون كايهضر مع ولدو
أنت تقرأ
زوجة الكولونيل / 𝐂𝐎𝐋𝐎𝐍𝐄𝐋'𝐒 𝐖𝐈𝐅𝐄
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
