مع سمعاتها جبدات هاد التفاصيل نغزاتها بيديها فجنابها وقربات لودنيها وهمسات
فيروز : [ همسات لها بشويية ] واش نتينا فيييو ولا مالك؟ حنا قولنا مانمشيوشي فالكار باش مايعرفنا حِتة واحيد ونتينا كادقول سميتي وسمية خاي قودامو؟؟
شافت فيه واش كايشوف فيهم لقاتو كان كايشوف فيهم من جهة المرايا وهبط عينيه وفهاد الاثناء قربات نورة لودنيها
نورة : [ همسات بشوييية ] ماتخافشي موحال يكون كايعرف خوتك ا صوحبة
بغات تعاود تهضر معاها ورجعات شافت فالمرايا لقاتو كايشوف فيهم ورجع تاني هبط عينيه ، شدات هضرتها ففمها وجبدات التيليفون كاتكتب لها بزربة باش تعطيها تقرا
" ا زبلة نتينا ماشوفتيش دهايبي لي مشينا لعاندو على ود الخاتومة ، ماكونتشي بمرة عارفاه كايعرفو هو وداك الهيماجي تا صدموني صدقو كايعرفوه هو والعيلة ديالتو "
مدات لها التيليفون تقرا وشداتو من عندها حتى هي كاتكتب لها
" وا صافي تا نتينا ا فيروزة واش كاين فاروق واحد فهاد دونيا كولا؟ ماتبقاشي تعمر راسك هايدا ماغايكون غي الخير ان شاء الله "
عطاتها التيليفون تقرا وبقاات كاتقرا حتى قاطع الشيفور داك السكات لي كان فالطاكسي
- الليل عليكم وماجاتش نحطكم فين ما والا ، واش عندك شي عنوان تعطيه لي نوصلكم ليه؟
شافت فيروز فنورة ورجعات نورة شافت فيها ، فين غايمشيو بضبط وشمن قنت؟؟ هما ماعارفين تما حتى قنت من الاساااس
فيروز : خاي حوطنا غي قودام المحطة دلكيران
- لاكنتو باقيين ناويين تسافرو ا ختي نتعامل معاكم فالتمن ، جيتوني وليات وعندي خواتاتي فالدار على ربي تخليوني ندير معاكم هاد الخير ويرجع ليا مع الوقت
فيروز : ا خاي ماغانسافروشي بالحق انا ماعاقلاشي على العنوان و قولت لولد عمي يساينني فالمحطة ، الله يقَوّي خيرك ويكتَّاار من متالك باينة فيك ولد الناس ربي يحافضاك لخوتك
- وا لي بان لك ا ختي نتي تعرفي
حدرات راسها على التيليفون وبدات كاتكتب لنورة تاني
" شوف غانبدل سمية نمرتاك بفاروق و غانعيّاط لك بالحق ا عمال الفيبرور لتيليفونك و غي دوز شويش دلواقت و عيّاط نتينا وغي دشوفني عطيتو ليلو قطع "
دارت لها اشارة بيديها بمعنى واخا في حين فيروز بدات كادير داكشي لي قالت لها وغير بغات فيروز تهضر معاه وهي ضربها نورة ليديها وحيدات لها التيليفون باش تكتب لها شي حاجة بزربة
" شوف مورانا غاتلقا واحد الطوموبيل شوفتيها؟ "
ضارت تشوف موراها ، لقات واحد الميرسيديس ولكن ماعرفاتهاش كانت اول مرة تشوفها ... رجعات شافت فنورة وحركات حجبانها بمعنى مالها؟
أنت تقرأ
زوجة الكولونيل / 𝐂𝐎𝐋𝐎𝐍𝐄𝐋'𝐒 𝐖𝐈𝐅𝐄
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
