° طاحت عينيها على طوموبيلتو لي تبلاصات قدام الباب ، بقات حاضيااه حتى بان ليها هبط وهز راسو للفوق ، بقات كادعي غيير مايكونش بحال عائلتها لي ماعندهومش مع ديك القضية ديال البنت تبقا تطل من الشرجم مدلية سوالفها و تخلي الغادي والبادي يشوفها ... وصلها الجواب فالبلاصة سمعات صوت الخبيط لي خبط بيه الباب ديال الطوموبيل
هزات جلايلها هبطات كي الزّواق لعند الحاجة هنية جلسات حداها و هي كاتلهت بالعيا و تبلع ريقها .. شادة فدراعها في حين عينيها مع الدخلة ديال الباب
الحاجة هنية : [ كمشات جبهتها لي كانت دييجا مكمشة من عند الله ] مالك ا بنتي؟ ياك لاباس؟؟ شكون كايجري عليك؟
ماجات فين تجاوبها حتى سمعات صوتو كان بااين فيه ماشي ديال الهضرة ولا التحزار
[ الحوار بالريفية ]
عِز : [ نطق مغززف و عينيه غيير كايقلبو عليها ] فينها؟
الصبر باش يتسنا نجية تجاوبو ماكانش عندو ، دخل ديريكت كايقلب عليها بعينيه باغي يبخ الدممم عليها
° زادت زيراات على دراع الحاجة حاسة بمعدتها تقلبات عليها بالخلعة ودنيها تصمكو مابقات ݣاع كاتسمع لهضرة الحاجة
الحاجة هنية : شواقع بيناتكم ا بنتي؟ شدرتي ليه؟؟ مالو كايسول عليك
عقلها كان غير مع هاد تهجار لي غايهجرو لها من النهار اللول ديال رمضان ، مع طاحت عينيها فعينيه و بان لها فديك الحالها ديال يشدها فهاد الساعة ياا غايخليها فشي عجب يا غايخررج منها شي عجب
الحاجة هنية : [ نطقات بصوت باينة عليه الشيخوخة مخلط بالقلق لي بدا كاينتابها و هي مافاهمة والو ] ا وليدي عِز شواقع؟ مالكم
عِز : ماواقع والو الحاجة ساعَةُ اللّه [ شاف ففيروز ] طلعي قدامي
مابغاتش تحكر عليه كتر ... حطات يدعا على يد فيروز لي كانت غير ماكاتزيد تزير عليها ونطقات
الحاجة هنية : بنتي شكاين؟ عاودي لي مالكم ا بنتي؟ قولي
عينيها كان غير معااه ماجات فين تخليها تكمل هضرتها ولا تجاوبها ولا تجاوبو حتى كانت تنطرات منها و ناضت... سقممها بالخلعة لي ماحسات براسها حتى طلقات من الحاجة ومشات كاتجري لأقرب طواليط سدات عليها الباب و طررقاتها بالساقطة غيير مازادت جهلاتو علييها و غيير ما زادت قوداتها على راسها
° حطات ضهرها على الباب وقلبها حاسة بيه غايسكت بالخلعة ، شوفاتو ليها ماكانوش هما هادوك و لحمها ماقادرش يزيد يهز شي دقة .. فين الحاج المرتضى لي يجي يهضر معاه؟ فين مصعب لي يجي يهضر معاه؟ شي راجل بحالو بحالو لي يدير لو العقل
الدعوة فالدار بدات كاتترون لا ختيمة فاهمة اش كاين والا اسماء سايقة الخبار لشنو كاين الا الحاجة هنية عارفة اش دارت ليه والدقان ديالو فالباب ديال الطواليط ماكانش شي دقان نورمال ، فرييع ديال الباب باليدين هداك
أنت تقرأ
زوجة الكولونيل / 𝐂𝐎𝐋𝐎𝐍𝐄𝐋'𝐒 𝐖𝐈𝐅𝐄
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
