أسماء : هانيا راني عارفة لي كاين مع الطريق و السفر واللبس بحراا تكونو جبتوها فالوقت
فيروز : صباار بعدا نشوف [ بعدات عليها شوية ] الله الله على الزيين لمن عطاه الله [ تبسمات لها ] فاين كونتي مخبعة علينا هاد الزين كاامل
بقات كاتتغزل بجمالها و طلع لها فالمورال حتى ضحكااتها بزز عليها عاد عطاتها الكادو ديالها و فبلاصة ماتمشي تجلس مع الضياف بقات شااداها أسماء معاها تخفف عليها السطريس و ماتخليهاش بوحدها فهاد النهار وحتى هي نيت جاتها من الجنة و الناس و عجبهااا الحال بديك المكانة لي عطاتها أسماء حتى لبسوها اللبسة اللولة ووجدوها باش تخرج
• عـنـدو •
بلاصا الطوموبيل قدام القاعة فشارِع لي كان مپلااااااني غير بالحديد ديال العائلة و المعارف و هبط من الطوموبيل كان لابس على غير العادَة ... شوميز نواغ مع سروال كوستيم بنفس الكولور جاي مكحلها بيهم كي الغراب ، مع بغا يعتب الرصيف باش يدخل للقاعة و هو يوقف بحالا عينو شافت شي حاجة
مشاو عينيه للباب ديال قاعة العيالات بانو ليه واقفين حداها جوج من رجال فاروق كان بااين فيه دايرهم على ود ختو لي عارف راسو ماغاتكونش قدام عينيه فداك المجمع ... دابا عاد عرف الجوج لي كانو ناقصين فين مشاو حتى للهنا كان كلشي طبيعي ولكن لي ماشي طبيعي هو دوك لي كانو واقفين فالجانب الثاني من الطريق
7 ديال الرجال كل واحد فيهم عندو يااا صحة ياااا صحة و من وجههم و الوشام لي مغطي عنق الأغلبية فيهم كان باين فيهم ماشي مغاربة
دخل للقاعة فين جالسين الرجال كايقلب بعينيه على مُراد حتى بان ليه واقف مع جوانكا و فبلاصة مابعيداش عليه بزاف كانو جوج خرين حتى هما ديجا شافهم كانو هاد 3 بالضبط أفراد ذاات وَزن ثقييل فعائلة المُوَرِد لي كايتعامل معاه ... ماجاا فين يدوز لعندهم حتى بدا كايجي لعندو بنادم يقوليه على سلامتو منين خرج من الحبس
- على سلامتك ا خويا عِز
- كنا عوالين نزوروك فيه والايني ݣال لينا الواليد ديالك ماكايخليوش بنادم يدخل لعندك على سلامتك ا ولدي
جاوبو داير معاه الصواب و عينيه كانو مفيكسيين فالحاج الرحماني لي كان جالس هو و قاسم مع الحاج المُرتضى و فبلاصة خرا كان واقف فاروق و مُصعب في حين البقيّة كل واحد واقف مع شي صاحبو لقاه هناا ولا شي معرفة قديمة
عِز : الله يسلمك الحاج
دار الصواب مع ݣاع دوك لي جاو لعندو و مع نوا يمشي لعند مُراد لي كان سالاا مع جوانكا .. من الأساس ماعندوش مشكل يكون العرس بكل مرة تبديلة مخلي داكشي غير لأسماء تفرح براسها وسط العيالات في حين هو كتافى بكوستيم متأنق بيه و مخلي للرجال الجو ديال العرس بالموسيقى و السربايا كايدورو عليهم بالحلاوي على مايوصل العشا
أنت تقرأ
زوجة الكولونيل / 𝐂𝐎𝐋𝐎𝐍𝐄𝐋'𝐒 𝐖𝐈𝐅𝐄
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
