نطقات بإعتراض
أميمة : الله يهديك ا مرات عمي دار فيها الزينة باش ترجع لعندو؟ ايلا كان غير الشمل مع واحد مدوز عليها الدݣاݣة مامتاقي فيها وجه الله ماداير بحساب راها مرا ماعندها صحة لهلا يجمع بَابَاه
لالة فخيتة : ستغفر الله ا أميمة شكادقول؟ حنا باغيين نديرو ماين الما يݣوز و نتا ادعي بهاد دعوة الشر شماش يوقاع لاطلقا الراجل ديالا؟ شكون باقي يساوم فيها؟ دجلس معانا ودبقا دشوف فݣراناتها كايدزوجو و يديرو ديورهم؟
أميمة : وا الله يهديك الله يهديك ا خالتي البنت باقا صغيرة 20 عام فكازا راهم كايكملو قرايتهم و كاتقولي لي ماكاين لي يساوم فيها مالها ناقصها شي حاجة؟
تحركات للتلاجة كاتجبد شي حاجة خفيفة تعطيها لها تاكلها و ماتخليهاش باغا ترد و فنفس الوقت بثات مكملة هضرتها
أميمة : راه معذرهم قالوها الفول كايتعطا غا لي ماعندو ضراس البنت بلّارة الزين زينة و حادݣة داخلة سوق راسها تحطيها على الجرح يبرا و يدير فيها ديك الحالة؟ عيب عليه ݣاع والله حتى عيب
لالة فخيتة : الدار البَيظا [ البيضاء ] شي ا بنتي و تاونات شي ، هاذشي لي كادقولو ماعندناش هنا [ وصّاتها بتشديد ] و يرضي عليك وَيّاك دعمرلا راسا بهاد الهضرة فيروزة غا نص عقل لي سمعاتو ادمشي ديرو ، العائلة والناس دهنا ماعاندومش شي حاجة سما الطلاق [ سميتها الطلاق ]
مشات كاتكمل فتوجاد الفطور باش يحطوه و يفطرو غير بيناتهم بحكم رجال العائلة ماكانوش فالدار
لالة فخيتة : [ ستأنفات هضرتها ] شماش يوقاع لاطلقات؟ نرفد الهم لهضرة الناس و العائلة ولا نرفدو ليها؟ شماش يوقاعلا؟ دجلس هنا معانا ماكاين لي يساوم فيها دجلس لا دار لا دوار حنا ا بنتي مادايمينلاش ما ايدوم لا غي زمانها اللهم درجع ندارها
أميمة : [ نطقات بإعتراض شديد ] وا سمحي لي ا خالتي علاش مايساوم فيها حد؟ نهار يطلقها المخير يجي يدق باب الدار يديها ها خويا كان شافها غير زوج مرات و غايحمااق عليها غير نهار عرفها رجعات للدار مشا صونا على طارِق و علمو نهار تتطلق و تسالي العدة ديالها من الصباح يجي يخطبها و راكي عارفة مانحتاجش مانشكروش ليك حيت خويا ولا حيت غانجي من جهتو ... راك شفتيه كي داير
لالة فخيتة : الله يهذيك ا مرات بني البنت باقا مزوجة و باقا محسوبة على الراجل ديالا [ بتنبيه ] غي مادقولش هاد الهضرة قدام عمك
أميمة : راني عرفتها ا مرات عمي باقا ماطلقات انا لي بغيت نقولك ها هي معانا و باقا مزوجة و الخطاب كايجيو فيها لايمشي يقول مع راسو راه غير هو لي راجل و ساترها وهي ماكاين لي يساوم فيها وسمحي لي ايلا قلت شي هضرة ماشي هي هاديك
هزات البلاطو لي فيه ديك الماكلة و مشات للبيت مخلية عݣوزتها مع غزلان لي دخلات للكوزينة .. كانت لالة فخيتة هازة الهم لبنتها و للمستقبل ديالها لاتصدق جالسة فالدار و تكمل ما تبقى من حياتها بوحدها هازة الهم لهضرة خوت راجلها عمام فيروز و اش غايقولو من بعد .. الفّام غايتحلو عليهم و هادشي لي مابغاوهش والا قابلين عليه
أنت تقرأ
زوجة الكولونيل / 𝐂𝐎𝐋𝐎𝐍𝐄𝐋'𝐒 𝐖𝐈𝐅𝐄
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
