အခန်း (၂၁၃)
အိမ်ရှေ့စံကို လုပ်ကြံတဲ့သူတွေကို ရှာမတွေ့သေးဘူး။ ဒါပေမဲ့ စုံစမ်းရေးအရာရှိ ပြန်လာတဲ့အချိန်မှာ အိမ်ရှေ့စံကို ဒဏ်ရာပေးခဲ့တဲ့ မြှားကို ရှာတွေ့ခဲ့တယ်လို့ ပြောတယ်။
မြှားတွေပေါ်မှာ ခိုင်ခံ့စေတဲ့ ပျော်ရည်လောင်းထားတာဖြစ်ပြီး သာမာန်မြှားတွေထက်ပိုပြီး ထိရောက်တယ်။ ဒီလိုမြှားတွေက ကျင်းရင်ဝမ်နန်းတော်က ရဲမက်တွေသုံးတဲ့မြှားတွေပဲ။ ဒီသတင်းထွက်လာတာနဲ့ နန်းတော်ထဲမှာ ရုန်းရုန်းရုန်းရုန်း ဖြစ်သွားတယ်။ ဧကရာဇ်က တလီဘုရားကျောင်းကို သွားနေတာဖြစ်တယ်။
ကောလဟာလတွေက ကျင်းရင်ဝမ်၊ ကျင်းရင်ဝမ်ကတော်နဲ့ ဆယ့်သုံးယောက်မြောက် မင်းသားတို့က တစ်ဖွဲ့တည်းလို့ ပြောနေကြတယ်။ ဒီအကြောင်းက မသင့်တော်ပေမဲ့ ဒီနန်းတော်ထဲမှာ အခြေအနေက အတော်လေးတင်းမာနေတာဖြစ်တယ်။ ကျင်းရင်ဝမ်က ဘယ်သူ့ကိုမှ မကြောက်ဘူး။ ပြီးတော့ ဟောင်အန်းကျွမ်းကျူ့က ဘယ်တုန်းကမှ ဒီလောက် မမောက်မာဖူးဘူး။ ဒီကိစ္စက အရမ်းစိတ်ရှုပ်စရာကောင်းတယ်။ ဆယ့်သုံးယောက်မြောက်မင်းသားက ဧကရာဇ်ရဲ့ သဘောကျမှုကို ဆုံးရှုံးသွားနိုင်တယ်။
စီနင်နန်းတော်ထဲမှာ မယ်တော်ယိတျယ် သူမလက်ထဲက ပုတီးကို တင်းကျပ်စွာ ဆုပ်ကိုင်လိုက်တယ်။
"ကျင်းရင်ဝမ်နန်းတော်က မြှားဟုတ်လား"
"ဟုတ်ပါတယ်"
မိန်းမစိုးယန်က မယ်တော်ယိတျယ်ကို သေချာကြည့်လိုက်တယ်။
"ဧကရာဇ်က အရမ်းဒေါသထွက်နေတယ်။ သူ တလီဘုရားကျောင်းကို လူတွေခေါ်သွားပြီးတော့ ပြန်မလာသေးဘူး။ ဒီသတင်းကလည်း နန်းတော်ထဲမှာ အရမ်းပြန့်နေပြီဖြစ်တယ်။
"အခု ဒီနန်းတော်ထဲမှာ မြွေတွေထွက်လာပြီပဲ"
မယ်တော်ယိတျယ် ပြုံးလိုက်တယ်။
"သူတို့က ပြဿနာလိုချင်မှတော့ သူတို့ကို ပေးလိုက်ပါ။ ဒီနေ့ပြီးရင် တစ်ခုခုဖြစ်လာလိမ့်မယ်"
"မယ်တော်ယိတျယ်ဆိုလိုတာက..."
မိန်းမစိုးယန်ကပြောလိုက်တယ်။
