حب في الثانوية

chapitre 2

قالنا هيا وقت لقراية مبعد طلعنا للقسم قعدنا انا و الطفلة لي تعرفت علاها اسمها شروق تموت على لحكايات ههههه المهم هو راح قعد على البيرو وبدا يعرفنا على روحو انا اسمي آدم ،،،،،،،،، استاذ مادة العلوم هو قالها وانا مت بالفرحة تسما يقري المادة لي نحبها وزيد نشوفو تقريبا سمانة كاملة بيسك مادة اساسية ياسسسس😍😍😍❤️ المهم قعد يهدر قالنا أيا كل واحد يعرفنا يروحو ووش هيا طموحاتو أنا في قلبي قاعدة نقول كيفاه راح نهدر ڨدامو مع انا حشامة ربي تستر برك ومنبخصش بروحي بدا كل واحد يهدر ويعرف على روحو حتى وصلت دالتي خزر معايا وقالي عرفينا على روحك وضحك مبعد قالي باينة عليك حشامة درتلو براسي ايه ناضوا يضحكو كلاس كاملة حتى هو مبعد قالهم أيا اسكتوا ديجا زدتوا حشمتوها وانا ميتة بالحشمة تشجعت  وبديت نهدر قتلو اسمي اريج،،،،،،،، ونحب العلوم طموحي نولي معلمة تاع علوم وسكت ناض يضحك قالي اول مرة نشوف وحدة طموح تاعها تولي معلمة ههههه انا قريب قتلو وشدخلك فيا اما حكمت روحي بصح قتلوا هاك انت معلم  ضحك وقالي ههه قصفتيني بصح مكانش طموحي التعليم قتلوا كل واحد حر في روحو قلقني 😤😤😤😒خزر معايا خزرة تاع كون يحكمني يقتلني ههههههه . كملنا تعريف وبدينا في الدرس وهو كل مرة يسقسيني سؤال يقلي هيا جاوبي لي حابة تولي معلمة تاع علوم مسكين قاعدة تحرق في ڨلبوا  البخصة تاع بڨيلة. انا فيا لقطة ادا قلقني واحد نولي منحشمش ومنعرفش  وش نخرج من فمي . انا كل ميسقسيني سؤال نجاوب عليه صحيح الله غالب  نعرف نقرا ههههه المهم حتى فضت الحصة  بداو كل يخرجو غير انا وشروق وكعبات محبناش نخرجو مزلنا نكتبوا في درس حتى نشوف فيه جا وقف توالي وقالي حشامة و وجهك صحيح ديما عندك الصرف انا هنا مت بالحشمة قولت باينة مش راح ينسهالي هدرة تاع بڨيلا شاف وجهي حمار وشروق ميتة عليا بالضحك ضحك وقالي نحبك ديما انتي لي تجيبي أعلى علامة في المادة تاعي انا هنا طلعت راسي وخزرت معاه لقيتو يشوف فيا بوحد لخزرة خلاتني ندوب فيه ولا ضربني على راسي بصبعو وخرج هنا قاتلي شروق وقيلا طاح فيك  هاد الاستاذ وتضحك انا منيش معاها خلاه نخمم كيفاه كيفاه يهدر كيفاه يمشي كيفاه يضحك عمري لا شفت واحد كيفو كلش فيه مميز يخليك غير  تحب تشوفو وتتفرج فيه .