حب في الثانوية

chapitre 21

فات نهار تاعي كامل وانا نخمم في التبهديلا لي صراتلي الصباح من نتفكر كيفاه ماما ضربني قدام شهرة وادم البكية تجيني en plusمتحلفة فيا ثاني هدا كل على خاطر الهاملة تاع شهرة اما معليش انا نوريلها كفماه تحرش عليا ماما وتكدب عليا .فض نهار وصونات تاع الخمسة ، بقيت نستنى في الغاشي يخرج ونراقب في شهرة من لبعيد . انا شفتها فاتت لقاعة الاساتذة .طليت لقيت واحد ما كاين معها غير هي وحدها دخلت ،دارت خزرت معايا قاتلي وش تسحقي . قتلها  جيت نحكي معاك زوج كلمات افهميهم مليح أخطيني ولا اقسم بالله نفزدك لا يهمني فيك كبيرة ولا صغيرة فهمتي . قاتلي ايه زيدي درتي لڨرون هههه وليتي تهددي فيا  يرحم ليامات لي كنت نحكي معاك كلمة تولي تبكي من الخوف . قتلها  واحد ماعندو ڨرون بغيرك انتي يا البقرة ،قاتلي نوريلك انا تقولي عليا بقرة  قتلها وش راح توريلي يا الشارفة يا البايرة . انا كملت هدرتي وهي تلاحت فيا حكمتني من شعري وتجبد فيه قاتلي انا تقوليلي يا البايرة ليوم نربيك بقات تجبد في شعري وانا نخبش فيها على يديها رجعتهم كامل دم ،حنا هكداك نشوف آدم دخل يفك فينا . قالنا وشبيكم هبلتوا تتعاركو في الليسي . شهرة ديراكت ولات تبكي تستت قاتلوا انا كنت نلم في حوايجي باه نروح لقيتها تلاحت فيا كي المكلوبة شوف كيفاه خبشتني وتوريلوا في جرح .قتلها مكانش وحدة مكلوبة غيرك يا البايرة . قاتلي والله ليوم ندير بيك تقرير ولا ما نسماش شهرة انا وحدة قدك انتي تهز يدها عليا وتضربني وتسبني  . قتلها روحي ن###$بيك بالتقرير تاعك وتزيدي دوري بيا نفزدك سمعتي .انا كملت هدرتي ونحس في كف هبط على خدي . حكمني آدم من شعري قالي يالكلبة متحشميش تخسري في الهدرة قدامي ما جيت نهدر نحس في الكف الثاني حسيت وجهي شعلت فيه النار وليت نبكي قالي انتي صح ناقصة تربية بصح معليش انا نربيك .بقا حاكمني من شعري وقال لشهرة روحي تروحي غدوة نتفاهم معاك  قاتلوا منروحش حتى درك تطلب مني السماح الكلبة هادي ولا والله درك نعيط لباباها نقولوا وندير بيها تقرير نسحتها من الليسي قتلها انا نطلب السماح منك يالهاملة ياالكذابة يا البايرة .من قوة الغش لي راني فيه نسيت بلي آدم راه واقف فقت غير كي ضربني على فمي ونشوف في الدم ولا يشرشر من فمي . وليت نبكي بالصوت تالمو وجعني .دار خزر مع شهرة قالها روحي تروحي غدوة نحكيو ،شفتها خزرت معايا بشماتة وخرجت . راح آدم قفل الباب وانا واقفة في بلاصتي نمسح في فمي من الدم ونبكي رجع حكمني من شعري قالي وشبيه ر####انتي تحوسي نقتلك اه قولي ، كفماه تتعاركي معاها وتضربيها راهي كبيرة عليك وزيد  مخفتيش المدير يشوفك ولا واحد يروح يوصلها لباباك . قتلوا هي لي بدات قالي بلعي فمك كلبة وزيد تخسري في الهدرة قدامي رخيسة . قلقني  قتلوا انت من بكري راح تحامي عليها وش غضاتك كي سبيتها وضربتها   en plus     ما عندك ما دخلك فيا ندير وش نحب ديجا وش تكون نتا حتى تجي تحاسبني . قالي زيدي صحي وجهك معايا بصح  انا نعرف وش ندير ق####  .  نحا يدو من شعري وراح جاب لنجات . كنت مهبطة راسي ونبكي قالي طلعي راسك طلعت راسي حكملي وجهي وبقا يمسحلي في الدم .انا حكمتني الندامة كيف حكيت معاه هكداك . قتلوا استاذ اسمحلي بصح والله هي لي ضلمتني وكذبت على ماما . قالي بلعي متهدريش معايا . بقيت نبكي وهو يمسحلي في الدم كي كمل قالي روحي تروحي دوك . خرج وخلاني وليت هزيت حوايجي وروحت . انا وصلت لدار مع دخلت حكمتني ماما بالتيو قاتلي ارواحي هنا يالكلبة بقات تضرب فيا على رجليا وتسب وانا نبكي حتى جا خويا فكني منها انا دخلت نجري لشمبرة تاعي وقفلت الباب .بقا خويا يسقسي في ماما علواه ضربتني قاتلوا والو قلقتني برك قالها متزديش تضربيها علابالك بيها مريضة . انا بقيت ليلة كاملة وانا نبكي حسيت الناس كل حڨرتني وواحد ما يحبني حتى ماما صدقت الهدرة  تاع وحدة متعرفهاش وضربتني بلا حتى ما تسمعني .