حب في الثانوية

chapitre 13

كي قلت لماما ڨلبي يوجع فيا قالت ماما لخويا روح عيط للطبيبة تجي تشوفها قالها آدم دوك نروح انا نجيبها وخرج .شفت ماما وخويا يخزرو مع بعضاهم عرفتهم حابين يقولولي حاجة بصح خايفين قلتلهم وش كاين قالي خويا والو جيست الطبيبة قاتلنا بلي لازم متتعبيش بزاف سكت هك شوي جات طبيبة مع آدم قاتلي cvشوي قتلها وي قاتلي لازم تبعدي على التعب و القلقة دوك نعطيك راحة حتى ترتاحي قلتلها ok.خويا خرج شوي ورجع قال لماما ام عيطولي مالخدمة لازم نروح وانتم دوك يروحكم آدم قاتلوا ماما خلاص .جات الطبيبة قاتلي راهو فض السيروم تقدري تروحي ،بقينا نستناو في أدم حتى جا قالنا هيا نروحكم ركبنا في طموبيل انا وماما ملورة وهو يسوق انا تكيت على كتف ماما حسبيني راقدة  حتى ماما نطقت قاتلوا آدم ولدي كيما وصيتك توله علاها راك سمعت الطبيبة وش قالت قلبها مريض كي تتعب ولا تتقلق  تجاها هاد الحالةقالها بربي انشاء الله بلا ما توصيني قاتلوا ربي يسترك ويجيبلك بنت الحلال انشاء الله قاتلوا هاد الفترة برك حتى نلقاو حل   بقاو هم يهدرو وانا نخمم تسما انا مريضة بقلبي وهم مش حابين يقولولي .وصلنا هبطنا كي عودنا داخلين للدار عيطلي آدم قالي تهلاي في روحك درتلوا براسي ايه ودخلت .
جبت سمانة كاملة وانا في الدار على خاطر عطاتني الطبيبة راحة شبعت رقاد لقيتها سبة هههه بصح توحشت أدم بقيت غير نتفكر فيه مقدرتش نحيه من بالي .غدوا صبحت فرحانة على خاطر راح نرجع نقرا ونقدر نشوف آدم ونسمع صوتو وجدت روحي وماما توصي وتعاود عندك وعندك عطاتني دوا وقاتلي اديه معاك كي تشوفي روحك تعبتي اشربي منو قتلها تعواه هاد دوا لعبتها معلاباليش قاتلي تاع ربو خرجت كي دخلت للقسم صحاباتي كل جاو يسلموا فرحانين عندهم سمانة مشفونيش شفت جلال جا قالي حمدالله على سلامتك اريج هادا جلال طفل يقرى معايا اكبر مني بعامين بوڨوص يڨتل .قالي اريج منبعد نحكي معاك نسحقك في حاجة قتلوا ok وقت الساحة نحكيو تبسملي وراح قاتلي شروق وقيلا راح يدومنديك باه تولي معاه قتلها راكي غالطة قاتلي مشفتيهش كيفاه يخزر معاك قتلها يخزر عادي قاتلي دوري شوفي راهو يخزر معاك درت لقيتوا يشوف معايا صح