حب في الثانوية

140

آدم بعد ماراح غسل ورجع قالي اعطيني البيسي تاعك نديه عند السيد يشوفو بالاك يرجعلك فيه حوايج . حطيتو في كارتابل تاعو ومديتهولوا كي عاد خارج قالي من بعد ونتفاهمو عليها تاع تضربي الطفلة تزرقيلها يدها . سكتت . هو خرج وانا رجعت لريتاج لقيتها قاعدة في سريرها ومعنقة دبدوبها مشنفة الدموع في عينيها غاضتني رحت عنقتها بعدتني عليها قاتلي ماما نحبش زعما ماما منحبكش قتلها علاه ماما . قاتلي درتيلي ديدي في يدي . قتلها بصح حتى انتي فزدتي حوايج ماما وهيا تعبت عليهم شافت معايا علابالي مش فاهمتي أصلا علواه راني نهدر ، قتلها خلاص سامحيني مبقيتش نديرلك ديدي . شافت معايا زعما تخمم من بعد عنقتني قاتلي ماما حبك . قتلها وانا نموت عليك يا عمري . وليت خليتها في حضني ونبن عليها  حتى رقدتت . من وراها سمعت الباب تفتح عرفتو آدم ، حطيتها في بلاصتها وخرجت عندو لقيتو في الصالة قاعد قالي علابالك محب يرجع فيه والوا البيسي. قتلوا راك تحكي صح آدم وكيفاه الحل دوك ياك علابالك مبقاش منبا سمانة على الستوننس تاعي . قالي غدوة نروح للاونكادرور تاعك نحكي معاها على الأقل بالاك تلقاي عندها نسخة تكون عندها في الايميل . قعدت قتلوا وش المصيبة هادي كيفاش ندير انا علابالك بيا مش موجدة روحي مليح . قالي راني قتلك غدوة نروح نحكي مع لونكادرور تاعك سينو خليها حتى دورة الثانية . قتلوا لا امبوسيبل ديجا مايكفيش راحولي عام من قرايتي نزيد يروحلي عام وحدوخر . قالي وش راح نديرلك انا انتي معندكش حتى كوبي. بكيت وكيفاش ندير انا دوك منستناش حتى لعام الجاي انا . تنهد قالي اصبري نهدر مع لاونكدرار من بعد ساهل ، وين راهي ريتاج . قتلوا رقدتها راهي في سريرها . قالي كيفاه هادي تضربي الطفلة تزرقيلها يدها ، قداه من مرة نقولك مش هكا تتعاملي معاها في عمرها عام ونص راح تعقديها بالضرب ، راهي مزال صغيرة نقعد نعاود في نفس الهدرة اريج . بقيت ساكتة وحاطة راسي . وقف راح عندها للشمبرة . وليت نضت للكوزينة طيبت لعشا  وحطيتو من بعد دخلت عندهم لقيتها ناضت وقاعدة تلعب وهو يكونكتي ،قتلوا هيا تتعشا راني حطيت . خرجت شوي ولحقني هازها في يدو قعد  على الطابلة وقعدها في حجرو قتلوا حطها في الكرسي تاعها باه تتعلم تاكل وحدها.  قالي لا خليها برك دوك نوكلها انا.  قتلوا راهي غير توالف نوكلوها حنا نتاجاتها راهم حتى من لاكوش ونحاوها . قالي اريج تعشاي وبلعي عليا هيا  متبدايش . سكتت كملنا تعشينا قالي لبسيلها الفاست تاعها راني مخرجها   . لبستها وخرجو .انا كملت غسلت وفرزت الدار من بعد عيطت لماما بقيت نحكيلها قاتلي كل عطلة فيها خير ادا مكانش كيفاش خلي لدورة الثانية تاع سبتمبر وسوتني ،طفلة متزيديش تضربيها كيما قالك دوك مش كي بدات تتسقم حياتك راح ترجعوا  في مشاكل علجال ريتاج  اسمعي كلاموا وصاي . قتلها ايه صاي منزيدش ندور بيها قبيل قريب  كلاني علجالها تقول ماراهيش بنتي حتى انا . قاتلي عندو الحق الضرب ما يجيب حتى فايدة مع لولاد غير يزيد يعقدهم.  قتلها بحال انا شبعت ضرب من عندك ولا غير دوك وين عرفتي بلي ضرب غير يزيد يعقد هيا انا نخليك  راح نرقد تصبحي بخير . كوبيت دوك ضهرو كل يفتيو عليا.  سمعتهم جاو . خرجت لقيتهم في صالة .  غير دخلت تخنزر فيا قالي هدا وين تجي مع من كنتي تهدري . قتلوا مع ماما برك . شاف التلفون في يدي دارلي بيدو هاتيه مدتهولوا بقا يقلب فيه من بعد رجعهولي .ديت ريتاج غسلتلها وحطيتها في شمبرتها تتفرج وخرجت عندو لقيتو راح للشمبرة راح يرقد قتلوا غدوة ياك تروح تهدر مع لاونكدرار.  قالي ياك قتلك غدوة نروح . رحت قعدت بجنبو قتلوا وشبيك مشنف عليا . قالي علابالك بديتي تقلقيني اريج . قتلوا علاه وش درت انا .  قعد قالي شوفي باه تتفاهموا اريج علابالك ريتاج كون تكبر  شوي تلقاك بعقليتك هادي وتتعاملي معاها بطريقتك هادي راح تتعقد مسكينة  ،علابالي هاد الشي مش قاعدة ديري فيه بلعاني مي راكي تبينيلها بلي راكي تكرهيها ، تفكري شحال عانيتي وعانينا باه جات للدنيا وفرحنا بيها . قتلوا وشبيك آدم تهدر هكدا تقول شفتني نكرها ولا كل يوم نسوط فيها   . قالي بصح مراكيش حنينة عليها اريج راكي تتعاملي معاها كشغل راهي كبيرة وتعرف كلش وهيا مسكينة صغيرة راهي غير عام وشهور هدا هو وقتها لي تلقا فيه الحنانة من الوالدين ، يعني طفلة وحدة مش قادرة تمديلها حنانتك  ، انتي وينا نهار سمعتيها تبكي في ليل ونوضتي عندها شفتيها وينا نهار حطيتيها في حجرك وقعدتي تلعبي معاها علاه هاد الجفا كامل معاها كون ما جيتش علابالي بيك كنتي راح تموتي باه تجيبيها كون قلت بلي مكيش حابتها ومكنتيش حابة تجيبيها .بقيت ساكتة قالي من ليوم راح تبدلي معاملتك معاها خليها تحس بيك شوي وتحس بلي عندها ام تخاف عليها وتحن عليها  تفاهمنا . درتلوا براسي ايه وسكتت