حب في الثانوية

chapitre 52

حبيت نشكر كل المتابعين لي يدعمو فيا ويمدولي ارائهم الايجابية في شي لي راني نكتب فيه  ونقولكم يعطيكم الصحة ومرسي بزاف رايكم راه يطلعلي المورال ويفرحني ويعطيني طاقة باه نواصل في الكتابة 😘😍😍😍😍😍😍❤️

غدوة الصباح جا روحني لداري قررت ندير سهرة رومانسية من لي تزوجت ما درتش سهرة شابة مع آدم   ،  كي وصلت ديراكت نقيت الدنيا وطيبت ماكلة خفيفة كملت دخلت دوشت جبتها ساعة وانا في الدوش كملت خرجت نشعل جبدت شعري ودرت الحرقوس في يديا  وفي صدري . كي كملت بديت نوجد في الشمبرة  حطيت ورد احمر  في الارض و فوق السرير وحطيت الشمع ووجدت طابلة تاع الماكلة في النص .
خزرت مع الساعة لقيتها الثلاثة مزال الحال هو يروح على 10قلت مالا  نزيد نطيب حاجة حلوة طيبت تورتة وزينتها وحطيتها في الفريجيدار . كملت نوجد في روحي مكييت سامبل ودرت غوجلافر احمر غامق ولبست غوب  ميني قصيرة فوق الركبة حمرة سير طاي مع صندال طالوا وعمرت روحي بالكريمات و الريحة .
وصلت التسعة ونص عيطتلوا قتلوا وقتاه تجي .قالي راني في الطريق .وليت شعلت الشموع وسخنت العشاء وحطيتو في الطابلة مع المكسرات  وطفيت الضو . خزرت مع الدنيا كلش مريڨل . قفلت الباب تاع الشمبرة وقعدت نستنى فيه .سمعت الباب تحل عرفتوا جا .سمعتوا يعيطلي قالي  بطة وينك ومن بعد قال باينة رقدت والله هاد الطفلة شكارة تاع رقاد ههههه  .وقفت في نص الشمبرة نستنى فيه يدخل  فتح الباب  بقا يخزر ويشوف معايا  تبسم وقالي وش هدا الكل . رحت بستو قتلوا سهرة لراجلي حبيبي . حط يديه ورا مسلاني وجبدني ليه وقالي علابالك بلي راجلك يموت عليك . قتلوا صح . باسني وقالي ايه ، ضحك وقالي ليوم سهرة للصباح  مكانش رقاد بستو على صدرو وقتلوا ايه للصباح .
بقا يشوف معايا قالي مكنتش علابالي بلي لي غوب ميني تجيك  هكدا .قتلوا جاتني شابة  .قالي قتلتيني بزينك ودلالك كل يوم نزيد نحبك اكثر  من قبل . قتلوا حتى انا ،بعدت عليه قتلوا ليوم انا لي نتهلى فيك نحيتلوا الفاست وحكمتوا من يدوا قعدتوا بديت نحطلوا في العشا  وهو يشوف معايا كي كملت جبدني و قعدني فوق رجليه وبقا يبوس فيا قالي  مرتي بنتي صغيرونة تاعي الشابة تاعي علابالك  بلي كون تطلبيني في عينيا نمدهملك . تنهد وقالي كل ما نضربك و نشوفك تبكي قدامي نكره روحي ونقول يا ريت تتقص يدي قبل ما تتمد عليها . قتلوا بعيد الشر عليك . قالي المرة لي فاتت كي ضربتك وقعدتي تبكي حسيت نار شعلت في قلبي ، بصح يشهد عليا ربي ماضربتك خاطر نحڤر فيك ، بصح انا جاي هكدا منقدرش نتحكم في روحي كي نتقلق . بستوا على خدوا قتلوا علابالي. تعشينا وحنا نتحكاو ونضحكو مڨصرين . كي كملنا قتلوا استنى نجيب ناكلوا  التورتة لي طيبتها . قالي اهيه الفحلة تاعي طيبت تورتة . جبتها وقسمتها حطيتلوا طرف وقتلوا هاك ذوق واعطيني رايك راني اول مرة نطيبها. مع حط اول لقمة في فمو وجهو عاد احمر حط لمغرف وقالي هايلة بصح درك راني شبعان خلي غدوة ناكلوا منها . قتلو علاه معجبتكش .قالي لالا هايلة انا برك شبعان غدوة الصباح ناكل منها . توسوست قتلوا استنى نذوق ، مع حطيت لقمة في فمي رميتها لقيتها مالحة بحر ..خزرت مع آدم قتلوا وشبيها مالحة .ضحك وقالي ما نعرف ياك  انتي لي طيبتيها بالاك خلطيها بالماء تاع البحر ههههه. خزرت معاه وقتلوا راك تضحك عليا .قالي يا عمري ديجا  عينيك تعباو دموع راح تبكي والله نڨصر معاك برك باينة غلطتي حطيتي الملح في بلاصة السكر . قتلوا اففففف تعبت روحي بيها في الباطل . قالي غدوة نجيب لعمري احلى تورتة . قتلوا صح قالي ايه حاجة ما تغلى على بنتي. ضحكت وقتلوا كي تقولي بنتي نحسك صح بابا .قالي وانا  نقولك بنتي على خاطر انتي صح بنتي ومرتي ودنيتي وحياتي  .
كملنا سهرنا  تفرجنا فيلم رومنسي  حتى 12قتلوا استنى دوك نجي . قالي وين رايحة قتلوا دقيقة برك. دخلت للشمبرة لخرى جبدت نويزات لونها أكحل لبستها  لمعري اكثر من لمغطي  بينت الحرقوس لي في صدري ولبست خلخال في رجلي ورجعت نمشي بالحفا . رجعت للشمبرة لقيتو نحا تريكو وتكسل في السرير دخلت نمشي والخلخال يدير في الصوت شافني بقا يخزر من بعد تبسم قالي البطة تاعي معولة على ليلة حمرة ليوم ، طلعت في السرير وقتلوا ليوم راح ندلل راجلي . طلعت فوقوا وبقيت نبوس فيه ، اول مرة من لي تزوجت انا لي نبادر ونبدا في  العلاقة بيناتنا، عشنا احلى ليلة بعد ليلة العرس حتى الخمسة باه رقدنا .
غدوة الصباح فطنت على لوجاعة في كرشي عرفتها ليغاڨل راح تجي ، طاحلي المورال على خاطر كنت نستنى غير نولي اونسانت ونفرح آدم ونجيب بيبي يعمر علينا الدار. شفت آدم خرج من الدوش جا عندي باسني و قالي علاه نضتي مزال الحال . قتلوا نديرلك لفطور  قالي مكلاه نشرب قهوة برك دوك نديرها وحدي . قتلوا اوك كيما تحب .قالي صحا هيا ارجعي ارقدي معندك علاه تنوضي . باسني وهز حوايجو وخرج . بقيت صبحة كاملة وانا نتوجع ملڨري قالولي بلي كي تزوجي لوجاعة تاعها تروح بصح مزالت كيما راهي .  دخلت التوالات لقيتها صاي جات . جيت نشوف الاوان لقيتها خلاصتلي بقات وحدة برك ستعملتها ورجعت رقدت في بلاصتي مش قادرة ناكل قلبي داير عليا والوجاعة قتلتني مقدرتش حتى  نوقف نطيب لغدا . عيطت لآدم هز  عليا قالي  الوا وي حبي لاباس قتلوا لاباس راح نوصيك كي تجي اشريلي معاك الاوان فضتلي .ضحك وقالي وش جاتك .قتلوا ايه متنسايش راني مستحقتها . قالي اوك هيا تهلاي في روحك  باي . قتلوا استنى وجيبلي معاك الكيوي راني سخفانة عليه . ضحك وقالي نجيب لحبيبي .

دفيت روحي  مليح ورقدت فطنت على آدم يبوس فيا قالي صحا النوم  ، قتلوا يعيشك .قالي راني جبتلك وش وصيتيني قتلوا مرسي حبي. بقا يمسحلي على شعري قالي وشبيه وجهك اصفر هكدا موجوعة . قتلوا ايه لوجاعة قتلتني مقدرتش نتحرك من بلاصتي حتى لغدا ما طيبتش .تكا بجنبي في السرير وحط يدو على كرشي وبقا يمسدلي فيها . قالي ادا موجوعة بزاف نديك لسبيطار يديرولك أبرا تاع لوجاع .قتلوا نورمال راني موالفة بيها . بقيت ساكتة  باسلي راسي وقالي وشبيها لعميرة تاعي  . خزرت معاه وليت نبكي قتلوا مانيش اونسانت كنت حابة نكون بالحمل شهر هدا. بقا يخزر حاير تنهد وقالي اريج يا اريج علاه راكي تبكي راهي حاجة تاع ربي وديجا رانا عندنا غير شهرين من لي تزوجنا مزلنا عرسان جدد ولعمر قدامنا علاه تخممي في الاولاد من درك.قتلوا مها  انا حابة نجيب بيبي نلعبو بيه ونربيه . شفتوا تبسم دور وجهوا . رجعت نبكي وقتلوا انا نحكي معاك سيريو وانت تتضحك عليا . درت للجيهة لخرى وغطيت راسي بالغطا . سمعتو يضحك وقال هاي بدات حكاية الهرمونات ارواح انت ورضيها درك . طل عليا وهز لغطا شافني نبكي قالي خلاص حبي راني مكنتش نضحك عليك.قتلوا ملا على شكون تضحك ، باينة تضحك عليا ،انا نشكيلك وانت تضحك . دورني عندو وبقا يمسحلي في دموعي قالي خلاص حبي كنت نضحك على روحي   حبسي لبكى برك . قتلوا راك تتمسخر بيا ، تحسابني ما نفهمش. ضحك وقال يخي حالة درك يا بنتي  والله ماكنت نضحك عليك . درت للجيهة لخرى وقتلوا خليني ديجا باينة متحبنيش انت راك غير تتمسخر بيا . بقيت نسمع فيه غير يضحك. قالي انتي لي ضحكتيني  عمرك شفتي واحد يقول نجيب بيبي نلعبو بيه غير انتي ، ديجا انتي راكي بيبي زيد تجيبي بيبي نديرو حضانة هنا هههه ، قتلوا اخرج عليا  خليني وحدي . عاود دورني ليه وجبدني لحضنو قالي صاي مبقيتش نضحك . دخلت في حضنو وسكتت .قالي وش تحبي تتغداي نجيبلك .قتلوا والوا قلبي داير عليا كون ناكل حاجة نتقيا . قالي اواه لازم تتغداي متقعديش بالجوع هكدا . سكتت شوي من بعد قتلوا آدم . قالي نعم حبي .قتلوا كرشي توجع فيا .قالي ياعمري انتيا دوك نديرلك تيزانة تحبس عليك  . راح الكوزينة دارلي تيزانة وجبهالي مع الدوا تاع السطر . قالي هيا حبي نوضي اشربي وارجعي ارقدي . قعدت بسيف عاوني شربت التيزانة مع الدوا ورجعت تسطحت على السرير . قالي انا نروح نجيب لغدا ونرجع كشما حاجة عيطي قتلوا . اوك .راح وحد الساعة ورجع جاب الغدا حطو في بلاتو وجبهولي للسرير . قعدت يوكل فيا وانا لقمة نبلعها  بالسيف ، قالي انتي غير لوجاعة تاع لي غاڨل مقدرتلهاش كيفاه راح ديري مع لوجاعة تاع  الولادة ادا كتب ربي  ،قتلوا نورمال نتحمل ربي يعطيني القدرة .قالي ان شاء الله يجي هاد النهار كي ليوم . كملت كليت قالي هيا ارجعي ارقدي. قتلوا نرقد عندك . قالي دوك نجي . حط لبلاتو في الكوزينة ورجعلي رقد بجنبي وجبدني لحضنو وحط يدو على كرشي يمسحلي عليها . قالي اريج راني نحكي صح متبقايش تخممي بزاف على لولاد وقت ما يكتب ربي راح يجيو ديجا كي تبقاي تستناي راح تتعطل . بستوا على صدروا قتلوا عندك الحق بصح انا حابة نجيب بيبي .ضحك وقالي خلاص حبي غدوة نشريلك واحد من الحانوت . ضحكت باسني على رقبتي وقالي هكا نحبك لازم ديما نشوف ضحكتك .