حب في الثانوية

chapitre 3

انا كملت نهاري مع القراية  نسيتو خلاه اما جيست ما روحت وحكمت بلاصتي راح نرقد بقيت نخمم فيه كيفاش يهدر مبعد تفكرت واش قالي بلي أنا لازم ندي عندو أعلى علامة والكلاسة لي نقرا فيها كول قارين . غدوا نقرا عندو ساعتين في المخبر تاع TP,لازم نحضر الدرس باينة يهبلني بالاسئلة وليت حضرت الدرس ورقدت غدوا الصباح نضت ناشطة و فرحانة حابة غير نروح نقرا عندو باه نشوفو ونسمع صوتوا  وجدت روحي لبست قشي وطابلية وسيبت شعري بعد ما بلاكيتوا ورحت. انا وصلت وين الليسي نشوف فيه  داخل هاز ڨاروا في يدو و يتكيف يبان خارج من مسلسل تركي .نشوف البنات الكل يكحلوا عليه ،دخلت رحت وين الصف تاعي باه نديرو تحية العلم على الصباح سلمت على شروق وبنات تعرفت عليهم البارح يقراو معايا ڨعدنا نحكيو نضحكوا حتى تبدا تحية العلم جيت ندور نلقاه مقابلني وين جيهة قاعة الاساتذة ويخزر معايا انا لعبتها مشفتوش حتى قاتلي شروق وقيلا يخزر معاك   قتلها انتي مهبولا علاه حتى يخزر معايا قاتلي بلاك عجبتيه قلتلها انتي وقيلا هبلتي صح علاه حتى نعجبو انا من قلة البنات ديجا اني قد بنتو ناضت تضحك قاتلي نتي مزلتي صغيرة على روحك ماكي فاهمة والوا قاتلي نبصملك بالعشرة بلي عجبتيه قاعد يخزر معاك مفقتش معى روحي قتلها انشاء الله قاتلي تسما عاجبك يا حلوفة ضحكت وقتلها كلش فيه يعجب ويهبل ناضت تضحك قاتلي طحتي على راسك باينا عشقتي فيه قاتلي ارواحي نوريلك أختوا لي تقرا هنا كيفنا شفتها باينة فيها متكبرة زعما كيعاد خوها بوڨوص ويقري هنا وزيد البنات يسقسيو فيها ادا متزوج ولا خاطب وهيا داتها في روحا .زيد درت نلقاه يخزر معايا وشبيه ادا زعما صح عجبتوا بصح انا زي تاعي عادي وزيد سمرة ساعات نلقا ناس يحبو يتنمروا على سمورية تاعي مي نوقفهم عند حدهم ديجا انا قد أختوا الصغيرة  مبعد قلت بلاك يخزر برك  المهم كملنا وطلعنا للمخبر باه نبداو نقرا شفتو دخل خزر معايا وكمل قعد على البيرو تاعوا قالنا اليوم الدرس تاعنا على صبغة الميلانين يعني على السمر انا كنت نكتب كي سمعتو طلعت راسي حتى نشوف في شعب كامل يخزر معايا اديك الحشمة لي حكمتني انا ديجا عندي عقدة من سمورية تاعي مي منحبش نبين