حب في الثانوية

chapitre 54

قالي مكانش روحة  تقعدي هنا مع يما حتى نكملوا العرس ونفيق بيك مخبية عليا حاجة نقتلك . قتلوا  ما عندي ما نخبي ،مش حابة نقعد هنا مش بسيف .قالي اريج متهبلنيش لا نجهل  عليك في ديار الناس . قتلوا ادا مش راح تقدر تروحني نقول لبابا يجي يديني . وقف خزر مع عجوزتي قالها اهدري معاها راح تهبلني الطفلة هادي . قاتلي اريج والله عيب قدام الناس تروحي ، وش يقولوا علينا. قتلوا مدخلنيش في الناس انا . خزرت معاه وقتلوا ادا انت عجباتك القعدة مع حبيبة القلب القديمة ،انا معجبتنيش يا تديني انت نروح يا نعيط لبابا يجي يديني . قاتلي عجوزتي اريج وش قاعدة تهدري انتي  قالها  اقسم بالله راح تجهلني الطفلة هادي ، خزر معايا قالي والله ما راكي متحركتها من هنا تكملي السمانة كيما تفاهمنا المرة لولة  مش انتي لي راح تمشيني برايك ديجا ماشي فارغ شغل لهبالك ودلالك . قتلوا ايه انت  فارغ شغل غير لكوثر عندك الحق .قاتلي عجوزتي اريج احشمي وش الهدرة لي راكي تقولي فيها.  قالها انا نخرج خير من نكسرلها ر# فمها القح##  هادي تحب تهبلني باه يبرد قلبها. خبط الباب وخرج  . قاتلي عجوزتي اريج بركاي من صحنية الوجه تاعك هادي راكي قاعدة تجيبي   في المشاكل لروحك ياك من لول سقساك ادا تجي معانا وانتي قبلتي  علاه درك بدلتي رايك . قتلها معجبتنيش القعدة هنا .قاتلي احملي على خاطري راهي سمانة وتفوت . حشمتني ما لقيت ما نقول قتلها خاطرك غالي . قبلت وسكتت . رقدت مع عجوزتي لغدوة كملتو كامل  وين تتحرك عجوزتي نتحرك معاها خايفة لا نتلاقى بهداك . فليل عاونتهم في العشاء كي خلصنا حبيت نبدل قشي من العرق وريحة الماكلة عديت مع عجوزتي الدوش  . غسلت من بعد قتلها هيا تطلعي معايا نبدل قشي. قاتلي روحي برك رجليا يوجعوا فيا من الدروج . وليت طلعت وانا خايفة قلبي راح يحبس وصلت للشمبرة دخلت قفلت الباب بالمفتاح بدلت قشي لبست قندورة كحلة بالاصفر ودرت مكياج مشطت شعري درتلوا ضفرة لاتراس على الجنب .كملت  رحت الخمار على راسي سترت روحي هزيت التلفون تاعي وحليت الباب راح نخرج مع حليت الباب واحد دزني دخلت وقفل الباب قريب لاطحت في الارض هزيت راسي شفتوا كريم قفل الباب بالمفتاح ودار خزر معايا وتبسم قالي رانا واحدنا انا وياك . انا قلبي حسيتو حبس وصاي من الخلعة رجليا جمدو مقدرت ندير حتى ردة فعل . فقت مع روحي كي هدر . جبدت نفس وانا نحاول منبينش بلي راني خايفة منو . قتلوا أفتح الباب خليني خارجة وهاد الهدرة لي راك تهدر فيها تخلصها غالية . ضحك وقالي واعرة ، علابالك كل حاجة منك تخليني نزيد نحبك اكثر. قتلوا عمري لا شفت واحد رخيس كيفك، راح ندمك على وش راك  دير ودرك أفتح الباب . قالي مانفتحش حتى ندوق هدوك الشوارب من لي شفتهم طار عليا  النوم . انا وليت نرجف من الخوف بصح طاحت عليا وحد القوة  يعلم بيها غير ربي ، قتلو  كي دوق  شوارب يماك يا وحد### . مفقتش حتى كيفاه قدملي وحكملي يدي قالي انتي ماتجيش بالعقالة تجي بالقباحة ،انا ندير واش نحب بسيف عليك . قتلوا بعد عليا يا وحد###. قالي لسانك نقصهولك لا منتسماش كريم .بقا يحاول كيفاش يجبدني ليه باه يبوسني . وانا نبعد فيه خبطت يدي في القرعة تاع الريحة هزيتها وضربتوا بيها على دراعوا طلقلي يديا .وحكم دراعوا يتوجع ، انا هزيت يدوا وضربتوا كف على قوة جهدي قتلوا تزيد دور جيهتي نڨلبك مرا يا وحد لمخنث .  قالي تخلصيها غالية اشفاي عليها مليح ،فتحت الباب وهبطت نجري . دخلت الكوزينة ملقيت حتى واحد خاطر كل في الصالة يتعشاو. .قفلت الباب وطحت في لرض نبكي بالصوت حطيت يدي على فمي باه واحد ما يسمعني ، كنت حاسة بخوف عمري ماجربتوا ، اول حاجة خممت فيها كون شافنا  أدم  ولا  كاش واحد وراح وصلهالوا  يتصدم صدمة عمرو والله ه يقتلنا لزوج  بلا حتى ما يسمعني  . بقيت شي ربع ساعة وانا نبكي كلش فيا يرجف  مقدرتش نهدي روحي اول مرة في حياتي نتعرض لموقف كيف هدا جاب ربي عطاني القوة باه قدرت نقاوموا . Si non الله اعلم وش كان يقدر يدير فيا . حسيت بحاجة سخونة هبطت من خشمي هزيت يدي مسيتها لقيتها دم . تقول واد تاع دم القندورة كاملة ولات بالدم وقفت نحوس  على سربيتة  وانا نرجف . لقيت وحدة حطيتها على خشمي وطلعت راسي ، حتى  تعمرت بالدم ، طيشتها ودرت وحدة اخرى كيف كيف تعمرت . محبش يحبس ربع ساعة ودم يسيح من خشمي .هزيت تلفون عيطت لأدم   هز عليا  . انا نبكي بالشهقة  قتلو آدم ارواح . قالي اريج وشبيك . قتلوا راني في الكوزينة ازرب ارواح . قالي دقيقة نكون عندك . جا قعد يفتح في الباب لقاه مقفول بالمفتاح. بقا يطبطب  قالي اريج افتحي علاه راكي قافلة الباب بالمفتاح  .وقفت بالسيف فتحتلوا . ورجعت قعدت في الارض  دخل شافني  تخلع طبس عندي  قالي وشبيها حالتك هكدا وش صرالك . انا مرجعتلوش بقيت غير نبكي أصلا مش قاعدة نسمع فيه ، مزلت في الخلعة . هز السربية علي خشمي لقاه يسيح بالدم تقول عليه واد . قالي من وقتاه و خشمك ينزف هكدا . قتلوا معلاباليش . خزر شاف في الارض لقا سربيتة مطيشه معمرة دم .  قالي اوقفي نديك لسبيطار .  قتلوا منيش قادرة حتى نوقف ،  دوك يحبس . قعد بجنبي في الارض وطلعلي راسي وحط سربيتة جديدة . انا نبكي ونرجف وحدي لا اراديا تقول ضربني تريسيتي . قالي وشبيك ترجفي هكدا . بقيت ساكتة مخي راه بعيد نخمم كون نقول لآدم وش يصرى   راح يقتلوا يباصي عليه نورمال وانا نخسر راجلي على جال واحد مايسواش كيف هداك  . لازم نلقى حل هاد راجل مفيهش لامان ليوم منعت منو المرة الجاية لا ،مدام المرة هادي تجرء وحب يبوسني المرة الجاية يطلب حاجة اخرى . غير تفكرت كيفاه دنى ليا و حب يبوسني قلبي دار عليا مفقتش مع روحي حتى كيفاه هبطت راسي  تقيت في حجري تالمو ماني جايبة خبر لحتى حاجة ، بقيت نتقيا ونبكي وادم يمسحلي على راسي ويقولي حتى شئ دوك يتنحى على حبي خلاص ماتبكيش   ، فرغت كامل وش في كرشي حتى كملت طلعت راسي وتكيتو على الحيط وغمضت عينيا عايفة روحي .ادم وقف راح يجري جابلي قراعة تاع ما صب منها في يدو وقعد يمسحلي في وجهي قالي هيا اوقفي نديك لسبيطار خير راكي في حالة . بقيت ساكتة ومغمضة عينيا حطني دخت بقا يفيق فيا ، فتحت عينيا شفت معاه ونبكي حابة نقولوا وش صرالي  وخايفة خاطر علابالي يقتلوا . قدم مسحلي دموعي قالي وشبيها الكبيدة تاعي مريضة . درتلوا براسي ايه . قالي هيا ندي بنتي للطبيب دوك يتنحى عليك .قتلوا مانيش قادرة حابة نتكسل برك . قالي اوقفي جا عاوني وقفت قعدني في الكرسي وانا حالتي حالة القندورة خامجة بالدم والقي عفت روحي . خرج جاب الفرتوار صب الما والجافل والصنيبو في الارض سيق الدنيا وخرج الما على البالكوا  .كمل نظف الحالة وجا هزني داني لدوش ، جاب ربي الغاشي كامل يتعشا واحد ما كاين . دخلني الدوش قعدني في الكرسي قالي استناي نجيبلك قشك ونجي. راح جابلي قشي وجا . هزني وحطني في البنوار نحالي قشي وبقا يدوش فيا يغسلي في شعري وجسمي . في كل حاجة يعملها يأكدلي بلي صح يحبني ، حنانتو ما نلقاها عند حتى واحد ، حتى علاقة الجسدية بيناتنا آخر حاجة يخمم فيها كي نكونو مع بعض . انا كل مرة نزيد نعشق فيك اكثر . بقيت نخزر معاه ونبكي حاسة روحي خنتو ملڨري مخلتوش يدنى ليا ولا يمسني . كملي ونشفلي جسمي وشعري من الماء عاوني لبست قشي   .وهزني داني للشمبرة حطني على سرير . قالي نجيبلك حاجة تكليها يكون طاحلك السكر من الدم لي نزفتيه . حكمتلوا يدو قتلوا خلي برك متروحش اقعد معايا.  هزلي راسي وحطو فوق فخدو وبقا يمسحلي على شعري . قالي تنحا عليك شوي قتلوا ايه . حكمتلوا يدو بستها قتلوا كون تعرف شحال نحبك منقدرش نعيش بلا بيك . خزرت معاه قتلوا مهما يصرى بيناتنا متخلنيش . باسلي راسي وقالي عمري مانخليك . انا مزلت نرجف قالي وشبيكي ترجفي هكدا بردانة قتلوا ايه هز لغطا راح يغطيني. قتلوا دفيني عندك. .ضحك قالي ايه ندفي عمري . تمدد بجنبي وفتحلي يديه قالي ارواحي عندي حبيبي ارواحي . دخلت في حضنو ودفنت راسي في صدرو ونشم في ريحتو لي حسستني بالأمان وهو يمسحلي على شعري  وضهري . ويبوسلي في  راسي رجعت نبكي مقدرتش ننسا وش صرى الرعب لي عشتوا ميتنساش بالساهل لازم نلقى حل والا راح يولي كابوس في حياتي و مستحيل نقول لآدم منيش مستعدة نخسروا على جال واحد رخيس كيفوا .قالي وشبيها بنتي تبكي وشبيها لعميرة تاعي اه وشبيها لمدللة تاعي . طلعت راسي قتلوا حباتك تبوسني . ضحك وقالي لعميرة تاعي متوحشة حنانتي وانا لا خبر . بقا يبوس فيا حتى نسيت روحي بين يديه ورقدت  .