حب في الثانوية

chapitre 30

حبوباتي في رايكم كيفاه راح تكون النهاية.  😊، حطو رايكم في الكمونتار 🥰😍.
Vot, comment and flow 😘😘❤️
كمل هدر في التلفون ومن بعد  .  جاني قالي cv دوك درتلوا براسي ايه . قالي ملا هيا نرجعو بيسك طولنا . وقفت ومشينا قالي وشبيهم يديك يرجفو  قتلوا معلاباليش خزر معايا ومن بعد قالي خوفتي  بزاف قبيل قتلوا ايه . حكملي يديا بقا يمسح عليهم بيديه قالي يديك راح يتجمدو . قالي اريج لي صرا ليوم واحد ما يسمع بيه قتلوا علاه قالي راني قتلك واحد ما يسمع بيه حتى ماماك فهمتي قتلوا كيما تحب ما نقول لحتى واحد . طلقلي يديا وتحضني قالي اسمحيلي خوفتك  مني . انا جمدت آدم تحضني و لا راني نحلم . حسيت يديه على ظهري باه تأكدت بلي صح حتى انا هزيت يديا وحكمت في الفاست تاعو على جنابو وغطست في صدرو . يا يما راني نحلم عمري ما توقعت بلي آدم راح يجي نهار ويتحضني فيه دبت بين يديه دفنت راسي في صدرو ونشم في ريحتو تمنيت نقعد عمري كامل بين يديه علابالي بلي شئ لي صرا حرام جامي لاتحضنت واحد بخلاف خويا وبابا بصح ماقدرتش نقاوم  ضعفت حضنو دافي وحنين تمنيت لوقت يحبس ونقعد بين يديه   . دموعي طاحو بعد عليا بصح انا قعدت حاكمة  في  الفاست تاعو  ونشوف مع صدرو ماقدرتش نطلع راسي ونخزر معاه قالي ريجا شوفي معايا . محبيتش ولا هزلي راسي بيدو قالي علاه راكي تبكي شفت معاه لقيتو يخزر معايا وحد الخزرة كلها حنانة للحظة ضعفت كنت راح نقولوا نبكي على خاطر نحبك ونموت عليك فتحت فمي راح نهدر ومن بعد حبست ،بقا يخزر معايا ومن  عاود قدم عندي وعاود تحضني وانا دموعي محبوش يحبسو كون يقولي اعطيني عمرك نمدلوا نورمال وصلت لمرحلة وليت نحبو اكثر من عمري .
خرجني من حضنو وقالي هيا امسحي دموعك ومد يدو يمسحلي في دموعي قالي لازم انتي كل يوم نشوف دموعك . كمل قالي هيا نرجعو علابالك طولنا . حكملي يدي ورجعنا نمشيو كي قربنا نوصلوا قالي اريج كيما تفاهمنا قتلوا ايه علابالي . وصلنا انا رحت عند لبنات وهو راح يهدر مع المعلم لي معاه . قاتلي شروق علاه طولتوا قتلها نسينا الطريق قاتلي هيه احكيلي وش درتوا قتلها ما درنا والوا تغدينا برك .
وصلت الثلاثة تاع العشية قالولنا بلي رايحين يدونا للبحر نقعدو لثم حتى نروحو في الليل. هبطنا وصلنا للبحر كان جو يهبل مع العشية  قعدنا في الرمل وجبناها غير حكايات حتى طاح الليل وصلت التسعة جابولنا لعشا في باطات  قاتلي شروق والله ماخسارة الميتين الف لي خلصتها حق هد الرحلة قتلها علاه انا ماقالوليش خلصي قاتلي انتي راكي تابعة لآدم علا هديك ماقالولكش خلصي وضحكت . 
حليت الباطة تاع العشاء تاعي  لقيت فيها بيري مع السلاطة وles fruits  والجي ،والساشي تاعها فيها  باطة تاع شيكولا نفس النوع لي نحبو . شفت لباطة تاع شروق لقيت فيها لحم . عرفتها بلي آدم لي جابها  شحال زاد حبي ليه من الجاست لي دارو . كملنا السهرة حتى قالونا هيا رانا مروحين . ركبنا في البيس ديمارا انا نعست قلت لشروق كي نوصلوا نوضيني مقدرتش راح نرقد، حطيت راسي على كتفها ورقدت حتى حسيت بيها تنوض فيا,هبطنا بقيت نستنى في خويا عيطلوا قالي راني جاي. هكا شوي جاني باسني على خدي قالي واش الشابة تاعنا عجباتك التحويسة قتلوا وي تهبل راني تصورت منبعد نعتلك les photo. روحت لدار حكمت بلاصتي وبقيت نتفكر في التحضينة تاع أدم . فاتت سمانة تاع اضراب كنت منروحش حتى لليسي غير في الدار .
حتى جا نهار الجمعة قاتلي ماما غدوة معروضة للعرس تاع جارتنا مريم قتلها ايه علابالي بلي راكي معروضة قاتلي لازم تروحي معايا عيب قتلها منروحش غير فوتيني قاتلي والله غير تروحي عيب تحبي ناس تاكل وجهي يقولولي علاه ماجاتش بنتك . المهم قعدت تحاول فيا حتى قبلت . غدوة الصباح هبطت لسونتر فيل شراتلي صواري في الموف طويلة جاية شكل تاع الحوتة .  مع صندال وحماير نفس لاكولار تاع لاغوب . لبستها جاتني سير تاي مع كول bâtou. وليت نبان في عمري 25 وزيد لبست معها الطالو مع انا سمينة وليت نبان اكبر من عمري ، درت شعري بابيليز ودرت مكياج كامل مع هداك الحماير تبدلت كومبلي لي يشوفني مايعرفنيش ، شافتني ماما قاتلي صلاة نبي على بنتي ليوم يخطبوني فيك . وصلنا خويا حتى la salle. دخلنا قعدنا في الطابلة لقينا الجيران لثم بقينا معاهم حتى جيت ندور راسي لقيت دنيا اخت آدم قاعدة في الطابلة لمقابلتني ومعاها زوج نسا يشبهولها باينة امها وخالتها . طلعت راسها شاورتلي شاورتلها قاتلي ماما شكون هادي لي تشاوريلها قتلها اخت آدم .