حب في الثانوية

chapitre 26

،flow ، vote and comments 🥰❤️😘✌️
غدوة الصباح رحت نقرى لقيتهم دايرين اضراب بصح قالونا لازم تقعدوا في الليسي بيسك قادرين des enseignants يقريو قعدت في الساحة مع صحاباتي وشروق زيد جا جلال قعد معنا malgré وش صرا بصح جلال مزال علاقتي بيه نورمال صحاب  maisمنخرجوش مع بعض يعني نحكي معاه غير في الليسي. فاتت ساعة قتلهم انا نطلع الكلاسة نقعد راسي وجعني من الحس و السخانة لي هنا قاتلي شروق روحي دوك نلحقك مبعدا قتلها ok. 
انا وصلت وين القسم لقيت شهرة خارجة من La boratoire قاتلي اريج مزلتي حية هههه انا قلت راكي متي من الغيرة هههه ،حڨرتهاومشيت قاتلي حبسي نهدر معاك درتلها وانا شادة البكية بسيف قتلها وش تسحقي قاتلي شفتي راه خطبني راني قتلك آدم تاعي غير نحيه من بالك ههههه. قتلها اشبعي بيه يا البايرة راح نروح قاتلي راكي  تقوليلي اشبعي بيه وانتي تبكي دم عليه ضحكت ومن بعد قاتلي تحبي نعطيك تتفرجي على الخطبة. قتلها تفرجيها انتي برك تالمو قعدتي بايرة مش مصدقة بلي تخطبتي . ضحكت وقاتلي  منردش عليك علابالي بيك غايرة مني بصح عندك الحق تغيري مني بيسك انا لي خيرني آدم وخطبني من بين البنات الكل هههه . راحت تمشي وتضحك انا دموعي هبطو عندها  الحق هي لي خيرها من بين الكل ،دخلت الكلاسة وقفلت ا الباب  حطيت حوايجي ،انا راح نقعد حتى لقيت الباب تحل ودخل منو آدم واختو دنيا خزر معايا وقالي اريج راكي هنا . قتلوا ديجا كنت خارجة رجعت هزيت حوايجي راح نخرج حكمني من يدي قالي علاش تبكي قتلوا والوا قالي كيفاه والوا وشبيك تبكي خزرت مع أختوا لقيتها تشوف معانا  ساكتة وحايرة . قالي اهدري علاش تبكي مريضة كنت راح نقولوا لا مانيش مريضة حتى حسيت بحاجة سخونة هبطت من خشمي كي مسيتها بيدي لقيت يدي معمرة بالدم . قدم آدم يجري طلعلي راسي لفوق قالي اريج وشبيك وش الدم هدا  ،انا تخلعت كي شفت الدم قاعد يهبط بيسك جامي صراتلي حاجة كيف هكا ،كان الدم هابط من خشمي قاوي حتى ولا يسيح على رقبتي ،وليت نبكي ،دنيا قدمت عدنا قتلوا آدم وش هدا الدم الكل وش صرالها ماجوبهاش قالها دنيا ازربي جيبي حاجة نحطها على خشمها راحت تجري جابتلوا لنجات . جبد قداه وحدة تاع لنجات حطها على خشمي وبقا مطلعلي راسي لفوق قالي موالفة تصرالك درتلوا براسي لا وانا نبكي خزر معايا عرفني بلي تخلعت كي شفت الدم قالي نورمال رعفتي برك متخافيش دوك يحبس .نطقت دنيا قاتلوا شوف بصح دم راه قاوي قالها دنيا اسكتي مش تشوفي فيها ديجا خايفة . قعد عشر دقايق كل مرة يبدلي في لينجات من خشمي والدم محبش يحبس  . قالي اواه الدم محبش يحبس هيا نديك لسبيطار خير دخلت شروق شافتني جاتني تجري قاتلي اريج وشبيك .انا غير نبكي وساكتة  تخلطت عليا من  الخوف والهدرة تاع شهرة لي سممتني بيها .قلتلها دنيا رعفت هدا ماكان .  قالي آدم نعيط فيساع نقول لباباك ونديك لسبيطار .قتلوا خلي برك بلاك دوك يحبس مش لازم تعيط لبابا . قالي نزيد عشرة دقايق اخرين ادا ماحبش يحبس نديك لسبيطار اوك درتلوا براسي ايه . قالي كيفاه حتى صرالك، هكدا بقيت ساكتةقاتلوا شروق من قبيل وهي تقلي بلي راسها وجعها من الشمس ،خزر معايا وقالي انتي علاه قاعدة في الشمس علابالك بروحك مريضة وقاعدة في الشمس .قال لشروق ودنيا اهبطوا اشرولها الجي تركبيري بيه الدم هدا بلاك طاحلها السكر ،خرجوا في زوج . قعد بحدايا قالي شهرة هيا السبة قتلوا خاطية هيا ،قالي ماتقوليش خاطية راني شفتها واقفة تهدر معاك سكتت قالي وش قاتلك حتى وليتي تبكي . بقيت ساكتة قالي مكيش حابة تقوليلي معليش .قدم عندي نحالي لينجات من خشمي لقا الدم حبس قالي خلاص راه حبس هبطي راسك نمسحلك وجهك قعد يمسحلي في وجهي ، ياربي راني نعشق في حنانتو . جاو لبنات جابولي الجي فتحلي الباطة قالي هاكي اشربي ومن بعد كي تكملي اهبطي اغسلي وارجعي اقعدي هنا okقتلوا ايه قالي صحا .دار خزر مع شروق قالها اقعدي معها حتى نجي قاتلوا ايه .
آدم هبط لقا شهرة ديراكت جبدها من دراعها قالها وش قتلك انا على اريج اه يخي قتلك متزديش دوري بيها ولا لا قاتلوا شهرة مدرتش بيها . قالها شفتك بعيني واقفة تهدري معاها وتقوليلي مدرتش بيها. قاتلوا وكي هدرت معها واش فيها انا ما فهمتش وش دارتلك حتى راك هابل علاجالها قول بلي راك تحبها وميت علاها . قالها شوفي شهرة نحبها منحبهاش معندو ما دخلك نزيد نشوفك هدرتي معاها ولا قلقتاها ما نتفاهموش فهمتي . شهرة ولات تبكي قاتلوا ادا راك تحبها علاه ملا خطبتني . قالها اريج عندي خط احمر حابة تكملي معايا اخطيها . راح وخلاها تهدر وحدها قالت انت تاعي انا غير انا لي تديني .