حب في الثانوية

chapitre 71

تفاعلوا حبوباتي ❤️❤️

من لي خرج أدم وانا حاطة يدي على قلبي معنديش حتى تلفون باه نعيطلوا ، كل دقيقة نخمم زعما وش يكون عمل في كريم بعد ما عرف بلاصتوا ، وكريم وش يكون قالوا ، قادر    من الخوف تاعو يكدب عليه ويحصل كلش في راسي . طلع النهار في وجهي وانا في بلاصتي قاعدة نستنى في أدم يجي غير اذن الفجر   سمعتوا فتح الباب ودخل خرجتلوا نجري. قتلوا وين كنت علاه طولت هكدا . غير كملت هدرتي باه تولهت لقشوا كان خامج بالدم ،هنا الماء ساحلي  في ركايبي قلت سير قتل كريم باين ، خبطت صدري . قتلوا آدم من جا هاد الدم وش عملت . هو تقول نهدر مع حجرة والله ما رجعلي فات الكوزينة وخلاني نهدر وحدي ، لحقتوا جبدتوا من يدوا قتلوا راني نهدر معاك وش عملت من جا هاد الدم ، جبد يدوا مني وقالي طيري من قدامي مش حاب نشوف خليقتك ..قتلوا ماعندي وين نروح حتى تقولي وش عملت في كريم علبالي راك لقيت بلاصتوا .انا جبدتلوا على كريم وهو عاد تقول شيطان ولا تلبسوا جن يا لطيف ديراكت حكمني من شعري ملور. قالي وانتي وش دخلك ولا خايفة على حبيب القلب تاعك . قالوا وش راك تقول انا خايفة عليك مانيش حباتك توسخ يديك بيه . قالي مدخليش روحك من ليوم منحبكش تزيدي دخلي روحك فيا ، انا قلقني كي قالي هكدا . قتلوا حتى انت من ليوم معندك ما دخلك فيا ندير وش نحب . قالي هادي الهدرة قوليها كي نطلقك وتمديلي ولدي ، ثما لازدت سقسيت عليك راني رخيس . قتلوا قولي وش درتلوا ياك مقتلتوش والله راه كان مش في وعيوا وكي فاق مع روحوا جا طلب مني السماح . خزر معايا قالي امشي من قدامي . قتلوا آدم .ناض يعيط امشي من قدامي برا عليا منحبش نزيد نشوف وجهك قدامي فهمتي ولا . قتلو منروحش حتى تقولي وش درت فيه . زاد عاود حكمني من شعري ويحرك فيا .قالي انتي متفهميش قتلك طيري من قدامي ولا حابة نعطيك طريحة باه يبرد قلبك . جات عجوزتي تجري قاتلنا وش بيكم يهديكم ربي تتعاركوا حتى على الصباح وش هاد لمعيشة الواحد عاد يرقد على صواتكم وينوض على صواتكم . قالها يما ياك قتلك الكلبة هادي منحبش نشوف وجها قدامي .شحال جرحني بكلاموا هنا تأكدت بلي آدم كرهني تاع الصح في لول كنت نقول بلاك راه زعفان برك بصح راه باقي ويأكدلي بلي راه كاره حتى انوا يشوفني قداموا. قاتلوا عجوزتي شوف متهبلونيش معاكم الله يسهل عليكم مش حاب تشوفها لديها لدار باباها ،.  يا سيدي انا مش راح نربطها في الشمبرة ، خزرت معايا وقاتلي وانتي روحي لدار باباك ازعفي كي النسا ولا راح تقعديلوا هنا وهو وين يدور يعطيك طريحة وش هاد الحالة . انا خليتهم ودخلت للشمبرة قفلت الباب بالمفتاح ودخلت تحت الغطا نبكي في اللحظة هادي ندمت اني زوجت انا مزلت صغيرة على هاد المسؤولية كاملة مزلت منعرفش حتى نطلب السماح  ولا حتى ندير كيما يديروا النسا غير يزعف منها راجلها تقولوا كلمات حلوين مع سهرة شابة يسامحها ،انا أصلا تربيت مدللة على خاطر غير انا طفلة في الدار بين ليلة و نهار لقيت روحي في مسؤولية اكبر مني لازم كلش بالحساب . تفكرت ماما كي قاتلي منقبلش نزوجك ليه راه كبير عليك ظهرت  عندها الحق في هدرتها هو كبير يعرف يتصرف يعرف يخمم يعرف الصح من الغالط . بصح انا مزلت منعرفش حتى نفرق الصحيح من الغالط لهوا لي يجي يديني كون واحد ما يقوليش ديري هكدا وديري هكدا منعرفش .  بقيت نبكي حتى وجعني راسي كرهت كلشي ياريت نقدر نرجع الوقت للور وقت لي كان كل همي اني نجيب معدل مليح ولا نخرج نحوس مع ماما وبابا وقت لي بابا يدللني . رقدت حتى لنص نهار نضت راسي راح يتكسر عليا خرجت لقيت غير عجوزتي وحدها ،ادم يخدم ودنيا تقرى تفكرت قرايتي عندي بزاف مروحتش كنت نقرا غيرمن الدار برك ..وليت قلت لعجوزتي راني رايحة نقرى عندي امتحان قاتلي روحي . وليت لبست حجاب وخمار وروحت نقرى . دخلت قريت بدلت الجو شوي مع القراية نسيت ڨاع المشاكل تاع الدار ، كملت نهاري حتى الخمسة مع دخلت للدار لقيت آدم في الباب بعد باين بلي كان يستنى فيا وهنا تفكرت بلي مقتلوش بلي رايحة نقرى . ديراكت ضربني بكف قالي تخرجي بلا ما تقوليلي حيط انا قدامك مش مدايرتلي حساب ولا تشوفي فيا  طحان . سكتت زاد عاود ضربني قالي ياك وصيتك قتلك الباب تاع  برة متخرجيش منوا ولا شوفتيني  سكت عليك  قولتي خلي نطير عليه . انا هنا مقدرتش نحمل كل يوم الضرب ياسر الضغط تاع نهارين كامل رجع عليا . جا راح يلوح يدوا يضربني حكمتلوا يدوا بيدي وتلحت فيه نضري بيديا ورجليا ونعيط متزيدش تضربني متزيدش تضربني .وهو هبل كي تلحت فيه ، قالي تلوحي يدك عليا وتضربيني زيدي ارواحي ني####خير وطاح عليا بالضرب بصح هو يضرب وانا نضرب دخلت في هستيريا ، تعرفوها هديك تاع انك تكوني مش في وعيك خاطر حاسة روحك ظلموك هكداك صراتلي بقيت غير نطير بين يديه وهو يضرب فيا ويقولي اركحي لا نقتلك ليوم وانا نضرب فيه بيديا ورجليا ونعيط متزيدش تضربني يا الحڨار يا الرخيس يا ###، زاد سمعني نطيحلوا في الهدرة زاد هبل اكثر وعجوزتي تفك بيناتنا مقدرتش ، حتى نطقت قاتلوا آدم اطلق الطفلة راهي اونسانت كشما يصرالها دنبها في رقبتك . طلقني وناض يعيط وقالي قحبة طيري عليا من اليوم منزيدش نشوف خليقتك قدامي والله نطلقك ولا مانسمانش آدم اصبري برك ، هاملة ومش دايرتلي حساب راح تطحني الكلبة  قد صبعي وتحوس طير عليا ، وانا خليتوا ودخلت نجري للشمبرة  قفلت الباب ونسمع فيه يعيط ويسب ويكفر خرج من ملة محمد وعجوزتي تسسكت وتهدئ فيه وهو والوا محبش يحبس . قاتلوا وش دارتلك حتى راك كارها هكدا ياك انت لي كنت ميت غير باه تزوج بيها وش صرى بيناتكم فهمني درك . قالها يما حاجة بيناتنا . قاتلوا واش هاد الحاجة محبتش تعطيك حقك ولا حكمت عليها حاجة مش مليحة  . قالها يما واش راكي تقولي انتي . قاتلوا ملا وش هيا الحاجة هادي . قالها متبقايش تسقسي كي نحب نقولك دوك نجي نحكيلك وحدي هكدا مليح . سمعتوا كان حاب يخرج بصح عجوزتي مخلاتوش، دخل للشمبرة تاع الضياف وخبط الباب ، انا هنا صاي يأست انو يسامحني . وليت حوست على الدوا تاع الرقاد بين الدواوات حتى لقيتوا شربت منو مغرف وحكمت بلاصتي زوج دقايق رقدت ، سمعت دنيا جات تنوض فيا باه نتعشا بقيت راقدة حتى حسيت بيه دخل للشمبرة بقا ينوض قالي اريج هيا نوضي تتعشاي تقلبت على الجيهة لخرى  وقتلوا خليني وكملت رقادي أصلا كنت حاسة روحي راني نحلم ، حسيت بيه باسني على رقبتي وقالي علاه صرا فينا هكدا علاه خبيتي عليا ، انتي لي وصلتينا الحالة هادي عجبك الحال دوركا عجباتك حالتنا هكدا  ، كاين يهدر معايا بحنانة خلات دموعي يهبطوا ، قتلوا آدم ، قالي ياروح وقلب آدم . رجعت غفيت مزلت حاطة روحي راني نحلم . وهو كي شافني غفيت طفا الضو وخرج.

فقت في الليل وانا في حالة دايخة ومنيش قادرة نتنفس وزاد عليا الدوا تاع الرقاد ماني جايبة خبر لحتى حاجة حاسة روحي نموت تغميت لدرجة قلبي وجعني ، حطيت يدي على قلبي ووقفت نمشي ، اول واحد خممت فيه هوا آدم ملڨري وش دار فيا بصح هو اول واحد خممت خرجت من الشمبرة بسيف حتى وصلت للشمبرة لي كان فيها فتحت الباب ودخلت شفتوا تقلب ومن قعد شعل الفيوزة تاعوا شافني قالي اريج وشبيك ، رجعتلوا وانا ننهج قتلوا منيش قادرة نتنفس  كنت نرجف بكلي .وقف ليه ليه  وجاني حكمني قالي خلاص متخافيش  ارواحي اشربي دواك  دوك تحبس عليك ، قعدني فوق السرير وشفتوا فات للخزانة بقا يقلب فيها حتى جبد الباطة تاع الدوا ولاباراي تاعي . قتلوا وانا حايرة هاز معاك دوايا . خاطر الدوا تاعي خليتوا في الشمبرة
.قالي ايه عطاني شرب حبة تاع الدوا و درت لاباراي خمس دقايق ورجعت نتنفس شوي . وقفت راح نخرج حبسني فات تمدد على السرير وجبدني لحضنو شحال توحشتوا وتوحشت حنانتوا ، ياريت حكيتلوا بكري سينوا رانا عايشين هانيين ،حطيت راسي على صدرو نبكي. قالي  اشششش خلاص علاه راكي تبكي حاجة توجع فيك ،حط يدو على قلبي قالي قلبك يوجع فيك . درتلوا براسي ايه قالي خلاص دوك يتنحا على بنتي هيا غمضي  عينيك وارقدي دوك تتنحا عليك. ولا تحبي نحكيلك قصة باه ترقدي .ضحكت ودرتلوا براسي ايه . قالي هيا اشششش يزي من البكا باه نحكيلك قصة . مسحت دموعي وسكتت بدا يحكيلي ويمسحلي على شعري وضهري . وانا الندامة قتلتني انا وين وصلت روحي ياربي راني منقدرش نعيش بلا بيه .
غدوة الصباح فطنت فرحانة في بالي صاي رانا تصالحنا  لقيت روحي وحدي خرجت لقيت عجوزتي في الكوزينة قاتلي صباح الخير .قتلها صباح النور  وين راه آدم قاتلي خرج راح يخدم ، هيا وجدي روحك . قتلها علاه وين رايحين .قاتلي آدم قالي اديها وصليها لدار باباها ، انا هنا احلامي كامل طاحت في الارض ،قتلها علاه نروح عند بابا .قاتلي هو قالي هكدا .قتلها منروحش قاتلي لوقتاه راح تبقاي ساكتالوا وهو يخرج بطريحة ويدخل عليك بطريحة ، روحي لدار باباك اغضبي وازعفي كي نسا كامل سينوا راه يوالف عليك وزيد هوا بفمو قالي اديها  وانتي مزلتي حابة تقعديلوا هنا .قتلها لا منروحش خلي يقول على روحوا .قاتلي الله يسهل عليك انتم الجيل تاع دوركا تموتوا على الراجل لي يضربكم ويذلكم ، ديجا راني شاكة فيك بلي تحبيه كي  يضربك . ضحكتني بهدرتها ملڨري راني في موقف نورمالموا نبكي بصح ضحكت من هدرتها . قتلها على خاطر نحبوا منيش حابة نبعد عليه وهو غير راه زعفان مني برك سينو ميضربنيش .