حب في الثانوية

chapitre 95

بعد ما حكيت مع آدم رجعت غفيت شوي سمعت ماما كي جات بصح ماقدرتش نوض بقيت راقدة حتى نسمع في الباب تاعنا تفتح بالجهد وتخبط وصوت خويا يعيط ويقول لماما وين راهي بنتك الكلبة وين راهي لي حابة تطحننا وين ، وانتي تخبي على خرايبها و تبعي فيها . تخلعت وقفت شفتوا دخل ميضويش ديراكت جا عندي هز يدو وضربني على وجهي قالي شكون هدا لي كنتي معاه لبارح شكون . انا من خلعة ديراكت تخبيت ورا ماما لصقت فيها قتلوا محمد والله ما درت حاجة .قالي انطقي متجهلنيش شكون هدا لي كنتي راكبة معاه .قاتلوا ماما بالعقل سع إفهم لحكاية قالها انتي اسكتي تبعي  فيها  وتخبي عليها وزيد رايحة عند آدم تلومي فيه كون جيت شفتها انا اقسم بالله نذبحها وش وصيتك المرة لي فاتت قتلك تزيدي ديري حاجة نربيك ولا لا راح تولينا قحبة هنا والله نباصي عليك  والله نقتلك ناقصة تربية كبولة راح طحنا تفو عليك موتي  . كان يهدر ويلوح في يديه حاب يوصل عندي . قاتلوا ماما والله يا تحط يدك على اختك لا نسامحك الا يوم الدين راني حلفت . بعد عليا قالي من ليوم ما راكي اختي ما نعرفك والشارع متزديش تعتبيه فهمتي . هز روحوا وخرج .دارت عندي ماما قاتلي راح تخليلي داري انتي مشاكلك ما يخلاصوش . خلاتني وخرجت بقيت نرجف وحدي من خلعة من وين سمع واحد ما علابالوا بالحكاية ضربت ديراكت في راسي يكون آدم هو لي قالوا مكرة علابالي باين هو لي قالوا .هزيت التلفون تاعي عيطتلوا غير هز عليا قتلوا وانا نبكي وش ربحت كي قلت لمحمد وحرشتوا عليا ياك وصيتك قتلك منيش حابة لا محمد لا بابا يسمع وش ربحت بصح والله ما نسامحك حياتي كاملة كيما ليوم خويا بسبابك راني دعيت عليك تخرجلك في اختك.  قالي اريج وش قاعدة تقولي وش صرى علاه ضربك محمد . قتلوا تلعب فيها زعما ما علابالك بوالوا بعد ما حرشت عليا خويا .قالي اريج وش راكي تهدري انتي شكون حرش عليك خوك .قتلوا وآله نقتل روحي ونهنيكم مني كامل دوك تشوفوا ياك كرهتوا مني ومنيش متربية ونجيبلكم في المشاكل والله نقتلك روحي بصح والله ما نسامحك لا دنيا لا اخرة . كوبيت وانا نرجف وحدي ياك انا منصلحش ومنيش متربية . هزيت لبواط تاع دوا تاع القلب نورمالمو نشرب منها زوج حبات برك .فرغت في يدي خمس حبات شربتهم بلا ما عاودت فرغت خمسة اخرين شربتهم . غير كملت وليت نشوف في خيالات تاع عباد معايا في شومبرة والارض تتحرك قلبي يحرق وصحتي كاملة ترجف . مشيت حتى وصلت للسرير قعدت حسيت بالدم يخرج من فمي وخشمي ضحكت دوك نموت ونهنييكم مني خلاص فات بلاك خمس دقائق حسيت بحاجة مبلولة تحتي هبطت عيني لقيت روحي كاملة بالدم من تحت . صاي عرفت روحي راح نموت للحظة ندمت مزلت صغيرة مزلت ما عشتش حياتي مزلت حابة نجيب ولاد من آدم ويعيطولي ماما مزلت حابة ننجح في حياتي نكمل قرايتي ونخدم ونسافر نحوس مزلت صغيرة .