حب في الثانوية

chapitre 27

Flow, vote and comments 😘❤️😘
شربت الجي ومن بعد هبطت غسلت وجهي ورجعت قعدت في القسم مع شروق  كيما قالي  . بقيت نحكي انا وشروق وناكلوا في الشيكولا حتى شفت آدم دخل باين من وجهو بلي متقلق قعد على البيرو وهبط راسو مع التلفون قاتلي شروق في ودني انا نروح قتلها وتخليني وحدي معاه قاتلي راهي جاتك الفرصة فرغيلوا قلبك  . خرجت وبقيت غير انا وياه في القسم. مع شاف  شروق خرجت جاء قعد بجنبي في الطابلة في البلاصة لي كانت قاعدة فيها شروق بصح ما نطق حتى كلمة ورجع هبط راسو مع التلفون . حتى انا حشمت منو كيفاه جا قعد بجنبي بقيت ساكتة و ناكل في الشيكولا من الحشمة و الستريس لي راني فيه كملت الباطة وجبدت وحدة اخرى فتحتها راح نبدا ناكلها . خطفهالي من يدي طلعت راسي خزرت معاه قالي حبسي بلا شيكولا راكي ديجا كليتي باطة . قتلوا نورمال اعطيني خليني نزيد نكمل لباطة هادي قالي مانمدش . قتلوا يا وعلاش اعطيني . ضحك وقالي لا من قبيل وانا قاعد قدامك مقلتليش كول معايا ، قتلوا يا والله نسيت باه نقولك اعطيني لباطة هادي دوك نقسمها انا وياك. قالي لا صاي راني ديتها ، خزر معها قالي تاكلي غير النوع هدا قتلوا ايه نحب غير هدا النوع  ، بدا ياكل فيها وانا عينيا رايحين يخرجو مع هديك الشكولة ديجا هي نقطة ضعفي . خزر معايا شافني نشوف  معها قسم نص وقالي هاكي عينيك راه تخرج معها خايف لا تعينيني هههه. قتلوا بصحتك . سكت شوي ومنبعد قالي المرة الجاية كي تجي شهرة تحكي معاك متزديش تسمعيلها ولا تعمري راسك بيها . قتلوا ايه بصح هي وين تشوفني تجي تبدا تهدر وتخرط . قالي راني هدرت معها المرة الجاية ادا حكات معاك قوليلي انا نتفاهم معها ok.قتلوا ايه ، حط يدو ورا الكرسي تاعي وحكملي شعري لي كنت مسيبتو قالي علاه مسيبة شعرك قتلوا هكا برك حبيت نسيبو قالي علابالك شعرك فتنة قتلوا كيفاه فتنة ، ضحك وقالي انتي صح مزلتي صغيرة ، فتنة يعني شعرك مليح بزاف ومواتيك لي يشوفو يقعد يخزر معاه وكي تسيبيه مع لونو من البعيد تباني كي الحبة  تاع الشيكولا ههههه الناس الكل تقعد تخزر معاك  . انا وجهي ولا احمر من الحشمة اول مرة واحد يقولي هكا . قرصني على خدي قالي وشبيه وجهك ولا احمر حشمتي هههه .قتلوا اول مرة واحد يقولي هكا قالي اممم مليح بصح مبقتيش تسيبيه درتلوا براسي ايه وسكتت . صونا التلفون تاعي جبدتو لقيتها ماما هزيت علاها بقات تسقسي وتوصي فيا باه نشرب الدوا ,بقا هو يلعبلي بشعري وانا نقول في قلبي الحمد الله كي درتلوا البلاك الصباح ههههه . كوبيت مع ماما قالي وش قاتلك الطبيبة كي رحتيلها المرة لخرة قتلوا قاتلي راكي تتحسني maisزادتلي في لادوز تاع الدوا قالي نورمال المهم ترتاحي ، دخلت المراقبة خزرت معانا حايرة انا هبطت راسي حاشمة وهي قاتلوا استاذ آدم قالك المدير بلي انت لي راح تكون المشرف على التلاميذ في الرحلة تاع غدوة قالها اووو وعلاش حتى تحصلوها فيا شوفي كاش معلم واحد اخر ، قاتلوا بصح المدير لازم الاستاذ آدم هو لي يروح معاهم وزيد معاكم شهرة وزوج وحايد اخرين قالها صحا من بعد نحكي معاه . راحت قالي شفتي كيفاه حصلوها فيا قتلوا علاه بالعكس راح تجيك تحويسا باطل . قالي وهادي الناس يسموها تحويسا غير حشيش وشجر . ضحكت وقتلوا لاه وين رايحين تدوهم قالي المدير قال programme تاع  غابة . سكت ومن بعد قالي رايحة تجي انتي قتلوا مانعرف  انا درك وين سمعت حتى نسقسي ماما . قالي ادا رايحة تجي نبدل programme بلى مايفيق المدير . قتلوا تقدر قالي bien sûr نقدر . سكت شوي ومنبعد قتلوا بصح شهرة رايحة تجي قالي راني قتلك متكسريش راسك بيها  تجي على روحها . قتلوا ملا خلاص انا نجي قالي وماماك قتلوا نقول لمحمد هو يخليها تقبل .  خزر مع الساعة قالي رايحة تصوني ، حكملي يدي شاف البراسلي لي جابهالي في عيد ميلادي لابستها.  قالي مزلتي لابستها قتلوا ايه تبسم و  نحالي astiqueتاع شعري لي كنت دايراتو في يدي قالي دوري قتلوا علاه قالي دوري برك . درت حسيت بيه هزلي شعري وحكمهولي دارلي cot de chouvale قالي هكا خير قتلوا مرسي قالي de rien ، قالي  انا نروح بيسك عندي réunion مع المدير ، هيا باي وقرصني على  خدي قتلوا باي وخرج .