حب في الثانوية

chapitre 23

   اسمحولي حبوباتي طولت عليكم🥰😘😘❤️❤️

دخل خويا وادم خزر معايا خويا خزرةشعلني بيها ، هبطت راسي حاشمة منهم لزوج .  بقا خويا يهدر مع هداك البوليسي لي جابني  سقساه  علاه حتى جابني  قالوا  صرات عركة و هي كانت حاضرة وعلاجالها هي لي صرات هدي العركة قالوا كيفاش علاجالها قالوا واحد كان يتبلى فيها  شافوا سيد جا باه يهدر معاه جبد عليه الموس ومنبعد تعاركوا وكبرت بيناتهم . شفتهم غير كيفاه خزرو معايا لزوج كون ما جاش هداك البوليسي قاعد  راهم ناضوا ضربوني في زوج  هنا تأكدت بلي تستنى فيا طريحة .انا دموع محبوش يحبسو بيسك خفت تاع الصح ، بقا يهدر مع هداك البوليسي منبعد راح شكر هداك الراجل وخرجنا حنا وصلنا وين كان  مڨاري الطونوبيل حتى دار ليا خويا ضربني بكف حسيت ضروسي تخلخلوا ،حكمت خدي وبقيت نبكي مقدرتش حتى نهز عيني من الحشمة كان راح يزيدني الكف الثاني بصح آدم حكملوا يدو قالي صاي الهدرة مش بالضرب . خويا هبط يدو قالي مع من كنتي كي هدر معاك هداك الرخيس قتلوا كنت. وحدي قالي. وصحباتك وين راحو قتلوا روحوا قالي شكون صحباتك هادم قتلوا شروق برك قالي متكدبيش عليا راهو قالي الراجل لي دافع عليك بلي شاف معاكم طفل شكون هدا سكت بقيت غير نبكي. طلعت راسي لقيت آدم يشوف معايا وساكت بصح باين بلي متغشش كون يحكمني يقتلني  حبيت نقلوا عاوني مي مقدرتش بصح هو فهمني قال له يا محمد بلعقل الطفلة خافت منك ، خويا مردش عليه ورجع.قالي  انطقي متهبلنيش شكون لي كان معاكم ولا نروح عند صحبتك نسقسيها .كان يهدر ويعيط  متت بالخوف بيسك خويا جامي. عيط عليا بالطريقة هادي كان ديما يحامي عليا ويدللني . قتلوا جلال قالي تسما كاينة منها كان معاكم طفل .سمعت آدم غير يستغفر . قالي خويا انا اختي تمشي مع الدر وتقوليلي في اسمو نورمال. هز يدو ضربني الكف الثاني بصح انا متحركتش حتى وجهي مهزيتوش بيسك حسيت روحي نستاهل هدا الضرب كنت نتفكر كي كان يقولي بابا انتي تاج راسي  انتي لي ترفعيلي راسي انتي لمدللة تاعي تطلبيني في عينيا نمدهملك . حسيت روحي نخون في ثقة بابا كان يقولي غير انتي لي مانخافش عليك بيسك علابالي بلي بنتي متربية وماديرش حاجة تحشمني وتوطيلي راسي . قالوا آدم اووو محمد راك زدت فيها  وعلاه تضرب فيها غلطت أهدر معها الضرب وعلاه ديجا هي مغلطش لوكان على الطفل راهو يقرى معاها وراني نعرفوا متربي وعاقل .قالوا وش راح ندرلوا انا كي عاقل و متربي انا اختي متمشيش مع الدر حتى لوكان واحد هابط من الجنة .قالوا آدم انت راك غير تخلط في الهدرة  درك كلمي روحك ومن بعد احكي معها .قالوا هيا نروحو درك راه راح الحال ركب خويا في ا في الطونوبيل وخبط الباب بقيت انا وادم واقفين م عندي حكمني من كتفي قالي يزي من البكا خلاص وبقا يمسحلي في دموعي ومن بعد دورلي وجهي باه يشوف هدي لي ضربني عليه خويا بقا يمسحلي عليه قالي خلاص دوك يروح حسيت بلي يديرلي كيما هدوك الصغار كي يعودو يبكيو . من بعد رحنا ركبنا شفت خويا يبان مزال متغشش  .هما من قدام وانا من لورا بقاو ساكتين وانا بقيتنبكي وكل دقيقة يدورلي آدم يقولي صاي حبسي بلى بكا من بعد  غير نشهق من قوة البكا بزاف تقطعلي النفس وليت نشوف في الدنيا فلو ونسمع في اصواتهم يهدرو معايا مي يبانو بعاد مقدرتش نرد عليهم ومنبعد مزدت فقت بوالوا . كي فقت حليت عينيا  لقيت روحي في السبيطار كان آدم قاعد مقابلني وانا راقدة على السرير وديرلني تاع الاكسجين خويا كان يحكي مع الطبيبة سمعتها كي قاتلوا بعدها على الستراس  وزعاف بيسك راح يأثرو على الحالة تاعها قادر حتى توصل لعملية قاتلوا لازم الراحة النفسية مع الدوا بربي ان شاء الله تكون لباس عاودت غمضت عينيا زعما راقدة حبيت نسمع وش يقولوا .حسيت بخويا كي جا قعد بجنبي في السرير وحكملي يدي لقا يمسح عليها قالوا أدم شفت وش قاتلك الطبيبة وانت قبيل طايح عليها كفوف وعياط ،راهي صغيرة مزال متفرقش بين الصحيح والغالط لازم بالمسايسة وياربي كان فهمت عليك ،ديجا البنات كل في سن المراهقة يحبو يجربو ويعاندو على بعض بلاك هي كي شافت البنات لبرا حبت تعاند عليهم قالوا عندك الحق بصح انا راح نبدلها الليسي راح نرجعها في االيسي وين نخدم انا باه نقدر نتوله بيها .انا قلبي ضرب في 1000امبوسيبل نقدر نبعد على آدم مهما سييت نحيه من بالي وقلبي مقدرتش ستنيت وش راح يرجعلوا قالوا غير نحيها من بالك هادي تاع تبدللها الليسي ديجا هي ماجات تتأقلم مع الناس في لليسي كان بسيف امبوسيبل تزيد تتقبل entourage وحد اخر .قالوا وكيفاش راح ندير معاها دوكا قالوا مكلاه تقلق روحك انا ندبر راسي معها قالوا ياك نورمال قالوا نورمال راك كي خويا ديجا انا لي وصيتك علاها المرة لولة . قالوا انا نروح ندير تلفون ونجي .خرج خويا حسيت بادم كيف قرب الكرسي تاعو لسرير وحكملي يدي قالي افتحي عينيك علابالي بيك بلي راكي نايضة من قبيل فتحت عينيا كانو حمورة من لبكا تبسملي قالي cvدوكا درتلوا براسي ايه جيت راح نحي الماسك تاع الاكسجين حكملي يدي قالي متنحيش مزالكي مريضة شفتو بقا يخزر معايا عرفتو حاب يهدر حاجة مي متردد من بعد قالي مبروك عليك المعدل فرحتلك قتلوا مرسي هبط راسو يخزر مع يدي لي بين يديه قالي ريجا شوفي معايا طلعت راسي خزرت معاه سكت شوي من بعد قالي شفتي وين وثاني روحك بالاستهتار تاعك ،الحاجة لي درتيها ليوم تاكد بلي مزالك صغيرة ومتعرفيش صلاحك وين ،انا كي قتلك ماتحكيش مع جلال راهو في مصلحتك بصح انتي درتي رايك وبقيتي تحكي معاها وتمشي معاه نورمال قتلوا بصح راهو كي خويا قالي معندك حتى خو بغير لي جابتو امك و باباك ماديريش أمان في الناس ok قتلوا ايه قالي صحيتي الفحلة نحبك ترجعي عاقلة كيف ما كنتي وحطي بالك غير مع القراية الحوايج لخرى الكل مزلتي صغيرة عليهم. بقيت ساكتة  فرحانة كي رجع يحكي معايا نورمال مي فرحتي ناقصة خاطر محمد خويا متغشش مني .