حب في الثانوية

chapitre 9

رجعت للقسم بعد ما غسلت وجهي انا دخلت نشوف فيهم ڨاع يخزروا معايا وحكمين الضحكة ،راح نروح نڨعد في بلاصتي حتى نسمع فيه قالي ارجعي اوقفي قتلو بصح انا عييت من صباح وانا واقفة قالي لا ترجعي توقفي تأففت وانا نسب فيه في ڨلبي.   رجعت وقفت وين كنت واقفة قبل  وهو يشرح ومرة على مرة يسقسيني على الدرس حتى نسمع في شروق تقولو خلي اريج تقولينا الملخص تاع الدرس انا خزرت فها الخزرة نحكمك نقتلك 😤😒😤😒😒 جايبتها عڨابي هيا وابتسام الهملات وهو جاتو على ڨلبو قلي كعبورة هيا  ابداي   اشرحي رانا نسمعو فيك قتلوا عييت خلي نقعد  في بلاصتي  قالي ادا عييتي اقدي في البيرو انا حشمت قتلو لا قالي اني نهدر روحي يالله اففف الهم كي يعيط يولي يخوف رحت قعدت وبديت نشرح وش فهمت حتى كملت فضت الحصة ناس كل خرجت قعدت غير شروق تستنا فيا لم في حوايجي حتى نسمع فيه عيطلي قالي ريجا ارواحي شروق قعدت حايرة مسكينة وتقولي شكون ريجا هادي ههههه . رحت عندو قتلوا نعم استاذ قالي انتي شحال في عمرك قتلو 15قريب 16 ضحك وقالي كيفاش هادي قريب قتلو يعني مبقاش بزاف نولي 16 قالي راكي متفاهمة مع زملائك قتلو ايه كل ولاو صحابي ومتفاهمة معاهم  قالي مليح 
فضت السمانة لولةجبت الويكاند كامل وانا نخمم غير في أدم .كنت ڨاعدة في ليل حتى نسمع في خويا يعيطلي هدا خويا كبير في عمرو30حتى هو استاذ تاع فيزياء بصح يقري في سيام قالي وش دايرة معى القراية قتلوا الحمد الله قالي يخي واحد ما يقلقك ديجا اني موصي عليك آدم صاحبي لي قري فيك علوم قتلوا تعرف الاستاذ آدم قالي ايه راه صاحبي من بكري اني وصيتو عليك كشما واحد قلقك ولا سحقيتي حاجة قوليلو وهو يدبر راسو .هو يهدر وانا منيش نسمع فيه حتى وش قاعد يقلي تسما آدم مهتم بيا خاطر خويا وصاه عليا تسما دايرني كي اختو  .حسيت بلي الأحلامي كل تبخرو .جبتها ليلة كل وانا نبكي بصح قررت انو علاقتي معاه متفوتش اكثر من علاقة استاذ بالتلميدة تاعو لازم ننساه قبل ما نتعمك في عشقو اكثر