حب في الثانوية

chapitre 17

فاتو سمانتين جبتها غير قراية وحفيظة بيسك وقت الفروض حتى من آدم نسيتو ،نخمم غير  في لقراية  حبيت نجيب أعلى معدل باه غير نعجبو . ليوم نضت فرحانة على خاطر عيد ميلادي نولي 16، لقيت ماما شراتلي كسوة جديدة غوب rouge بالles fleurs مع بوتس وفاست كوير .لبستهم  وبلاكيت شعري ودرت شوية مكياج ،خزرت مع روحي في لمراية أيا جيت نهبل😍.خرجت من الدار نمشي رايحة لليسي ونخمم في أدم اسكو علابالو بلي ليوم l'anniversaireتاعي ديجا انا متوحشاتو عندي 15jeurمحكيتش معاه  نحكي معاه غير في لقراية en plus هو نحسو عندو حاجة مقلقاتو ماعادش كيما قبل  ديما نشوفو يخمم بالاك عندو مشكل .دخلت لليسي ،طلعت قريت ساعة لولة وتانية حتى جات الساعة تاع أدم بقيت نستنى كي يدخل ويشوفني لابسة غوب وش ردة الفعل تاعو على خاطر اول مرة نلبس ستيل هدا   .
شفتو دخل يبان قالق منبا خزر معايا ما قيمنيش حتى ،انا ديراكت طاحلي المورال قلت هدا مشافش فيا حتى كيفاه راح يتفكر عيد ميلادي .ملي دخل يقري وهو يعارك ويعيط واحد ما قدر يناقشو ولا يحكي معاه رخسنا قالنا هدوك des notes تديوهم في devoir وانا نهار كامل وانا نشرح ونفهم فيكم على لخر تدو نيقاط كيف هدوك .دار خزر معايا قالي و انتي تفحالي غير في الهدرة وتقوليلي اني نحب نولي معلمة تاع علوم قتلوا علاه وش درت انا قالي وش درتي جايبة 5فيdevoir كيف هداك وزيد تسقسي وتقولي وش درتي قتلو امبوسيبل راني جاوبت مليح قالي ايه زيدي صحي وجهك تعرفي خير مني ،انا هنا طاحو دموعي فزدلي نهاري يعيط عليا وزيد مجبتش مليح قلت في قلبي بداية هايلة تاع عامي 16وانا لي كان في بالي نعدي نهار مميز ، وليت نبكي على زهري ونقول ياريت ماجيتش وبقيت مع ماما في الدار خير . بدا يشرح في الدرس والله ما علابالو بيا وانا نبكي قدامو ممبا قالي اسكتي هادي لي خلاتني نزيد نبكي اكثر،جبتها ساعة كاملة وانا نبكي مقدرتش نسكت وصلت الساعة الثانية تاعو. خزر معايا  عيطلي قالي اريج ارواحي ،رحتلوا وقفت حذا البيرو تاعو قالي معيتيش انتي من البكا راكي ساعة وانتي تبكي تقول عندك جنازة ،مسحت دموعي وسكت قالي روحي اغسلي وجهك قتلوا خلي برك قالي اني قتلك روحي ونحي هد المكياج لنقتلك عليه .خزرت فيه ورحت للتوالات غسلت وجهي وقعدت شوي في الساحة  مع الدنيا ربيع  وكالم عجبتني القعدة  قلت والله نفوت ربع ساعة باه نرجع للقسم. فاتت ربع ساعة طلعت للقسم لقيت الباب مقفول ،قلت يخي هم وعلاه يقفلوا فيه دوك نتغم .طبطبت ودخلت لقيت الضو طافي بقيت نخزر قلت وشبيهم هادو  ،مرة وحدة شعل ضو شفتهم تصدمت حاطولي un tartفيها صورة تاعي شفيت عليها كي صورتني شروق بالتلفون تاعها وكل يغنيولي في سنة حلوة ودنيا مزينة بالبنبونات بقيت نفركت على آدم لقيتو بعيد شوي يخزر معايا ومتبسم . جامي في حياتي لفرحت كيما فرحت بالجاست هدا .من الفرحة وليت نبكي ونسوطي وحدي . صحاباتي كل يتحظنو فيا وانا عينيا غير على آدم . ليوم بهدا الجاست عشقت فيه اكثر  وصلت المرحلة ندير كلش باه يولي تاعي نضحي بعمري المهم نوصلوا .فقت على يد شروق تقولي هيا طفي الشمعة قبل ما يفض الوقت .كنت راح نطفي حبسوني قالولي لازم تتمناي امنية قبل غمضت عيني وتمنيت انو يحبني آدم اكثر ملي نحبو انا حليت عيني ديراكت طاحت عيني عليه لقيتو مازال يخزر معايا هبط راسي حشمت ،طفيت الشمعة وقسمت la tartمع صحاباتي وبقينا نلعبو ونخمجو في بعضانا بيها .شفتو قدم عندي قالي bon  anniversaire قتلوا مرسي نهدر  معاه  وحشمانة مهبطة راسي على خاطر وجهي كامل مخلط بالشيكولة ،قالي هاكي الكادو تاعك هزيت راسي لقيتو هاز بوات صغيرة مغلفة من الفرحة ديراكت حكمتها وحليتها وهو يضحك عليا حبيت نشوف وش فيها لقيتها براسلي رقيقة وفيها هلالات وقلوب ونجوم وحروفة تاع اسمي   هابطين منها ،لبستها في يدي وبقيت نحرك فيها ونتفرج معاها تالمو عجبتني ،قالي عجباتك قتلوا وي تهبل مرسي ،قالي مازال الكادو ثاني لي راح يعجبك اكثر قتلوا وش من كادو  قالي ديتي 19في devoir وليت نعيط ونسوطي وحدي ضحك عليا ،خزرت معاه قتلو راني قتلك جاوبت مليح ، علاه تقولي ديتي 5قالي حبيت نشوفك وش ديري قتلوا تسما من صباح وانا نبكي باطل  .قالي ديجا انتي ماتقدريش تفوتي نهار بلا بكا ههههه  ما تحصليهاش فيا وزيد انا حبيت نشوف دموعك قتلوا علاه تشوف دموعي قالي على خاطر جيتي بالمكياج وهدا عقاب ليك .  سكت بقا واقف مقابلني ويخزر في وجهي قالي خلطولك وجهك بالشيكولة هزيت راسي بايه وسكت ،تالمو حشمت منو كي بقا مركزلي مع وجهي ما لقيت ما نهدر .قالي انتي شيكولا وزيد خلطوك بالشيكولة ،بقيت مشوكيا قتلوا هاه 🥺🥺🥺 قالي وتاتك لغوب انا قلبي ضرب في 1000تبسملي  وخرج ،وخلا قلبي ينادي باسموا ❤️❤️.