حب في الثانوية

chapitre 24

.بقيت مع تخمامي حتى تعبت غمضت عينيا راح نرقد جا خويا قال لآدم صحيت صاحبي قالوا مبيناتناش وقتاه تخرج اريج قالوا قالتلي الطبيبة كي يفض السيروم تقدر تروح بصح لازم مع الراحة قالوا شوف محمد الطفلة صغيرة غلطت وعرفت غلطة تاعها مدبيك انت تسامحا بيسك في بالها صاي راك كرهتها وراك متغشش منها وهكدا نفسيتها زيد تتحطم اكتر. قالوا خويا مكانش واحد يكره أختوا ادا على ضربتها غير كي كنت متقلق برك راهي بنتي مش اختي برك قالوا علابالي مي راك تعرف لبنات كيفاه تخمام تاعهم انا اختي راهي مكرهتلي حياتي . دللتها وندمت ههههه قالوا رانا كيفكيف وش راح دير .دخل خويا باسني على جبيني حليت عينيا قالي هيا نوضي باه نروحو راه فض سيروم .حكمتلوا يدو قتلوا سامحني قالي نورمال ما صرا والوا انساي ديراكت تلحت عليه وبستو على خدو وتحضنتو طلعت عيني شفت آدم يخزر معنا ومتبسم تبسمت معاه . ياربى راني غير نزيد نعشق فيه من لي جاست تاوعو.خرجنا في السبيطار ركبنا في الطونوبيل . دار خزر معايا خويا قالي وجدي روحك باه نروحو لتونس قتلوا صح قالي يخي وعدتك ادا جيتي لولة نديك . قالي آدم بصحتك التحويسة قتلوا مرسي وصلنا هبطت من الطونوبيل راح ندخل عيطلي آدم درتلوا قالي تهلاي في روحك قتلوا ايه درتلوا باي ودخلت لدار .
وصل نهار السبت روحنا انا وخويا لتونس ماما محبتش تروح معانا جبتها سمانة في تونس غير تحواس كانت احسن سمانة حتى وصل نهار السبت قالي خويا غدوة لازم نروحو قتلوا يا خسارة خلي نزيدو نهارين ولا تلاتة ومنبعد نروحو راه مزال الحال على القراية قالي منقدرش بالاتنين الخطبة تاع أدم ولازم نكون حاضر قتلوا اه الخطبة تاع شكون قالي تاع أدم صاحبي وشبيك حايرة راهو عرضني باه نوقف معاه . بقيت جامدة في بلاصتي مانيش مصدقة بلي آدم خلاص راح يخطب راح يروح من يدي حكمت روحي بسيف باه ما نتفضحش قدام خويا سكت شوي ومنبعد قتلوا وانا نحاول نتحكم في روحي باه منبكيش شكون هادي لي راح يخطبها قالي شهرة راكي تعرفيها اي تقري عندكم في الليسي قتلوا تحكي صح ولا تتمسخر قالي وعلاه نتمسخر ديجا وشبيك حايرة اول تسمعي واحد راح يخطب ههههه .كان يضحك فرحان لصاحبو ماعلابالوش بلي أختوا راهي تتحرق النار شاعلة في قلبها. حسيت روحي في دوامة ولا في نص لبحر قاعدة نتغم قلبي راح يحبس آدم راح يخطب شهرة وانا وش ندير راني نحبو نموت عليه نعشق فيه .بقيت نخزر مع يديا يرجفو وحدهم .قلبي يضرب بالقاوي حكمت قلبي كان يوجع مفهمتش اسكو الوجع من المرض ولا من الخبر لي سمعتو الخبر لي قتلني بالحياة . جاني خويا يجري قالي اريج وشبيك مقدرتش نرجع عليه عقلي مقدرش يتحمل الصدمة تاع الخبر وقرر يهرب .طحت دخت بين يدين خويا هزني يجري بيا لي السبيطار قالولو تزايد في تضخم القلب كون تقعد في الحالة هادي لمدة شهر لازم نديرو تدخل جراحي . فقت وانا مانيش حاسة بوالوا مازلت في الصدمة خويا يهدر معايا مقدرتش حتى نرجع عليه .غدوة روحنا لدزاير انا حالتي حالة خويا خايف عليا يسقسيني نرجعلوا كلمة ونقص معاه الهدرة كان يحساب فيا مريضة وموش قادرة بصح انا راني في عالم اخر راني قاعدة نتكوى قلبي قاعد يتحرق نخمم بلي شهرة صاي داتلي آدم كنت علابالي بلي مستحيل تكون حاجة بيني وبين آدم اما كان عندي أمل على الأقل كان معندو حتى واحد في حياتوا بصح درك فكرة انوا يكون خاطب حرقتني . جاء نهار الاتنين خويا وجد روحو وراح انا دمعة مقدرتش نهبطها حكمت شربت الدوا تاع الرقاد ورقدت. اخترت نهرب من الواقع بالرقاد على أقل في الاحلام آدم تاعي وحدي .
محمد راح عند ادم سلم عليه قالوا مبروك عليك ليوم نهارك صاحبي قالوا يبارك فيك وسكت محمد حار فيه قالوا واش آدم ماراكش تبان فرحان قالوا لا راني فرحان لباس عليا ماراكش تشوف في الفرحة تقطر من عينيا ههههه. قالوا محمد اواه حالتك متعجبش ادا عندك مشكل راني هنا صاحبي قالوا نعرف صاحبي راجل بصح معندي حتى مشكل بصح شويا راسي يوجع فيا على هديك منيش في جوي . سكت شوي منبعد قالوا واش حوال الدار صفا قالوا صفا بصح شوي متقلق على اريج قالوا آدم علاه وش بيها قالوا والله كنا في تونس لباس علينا حتى لقيتها طاحت داخت كي ديتها لسبيطار قالولي حالة تاعها تراجعت شوي وادا ما تحسنتش منا على شهر لازمها تدخل جراحي . آدم جبد القارو وبدا يتكيف فيه كملوا زيد جبد قارو واحد اخر كملوا كان راح يجبد الثالث حتى قالوا محمد اووو حبس شوي بلا دخان راك قريب تكمل الباطة ديجا ماكش عاجبني ليوم باين عندك مشكل مش حاب تقولي جامي لاشوفت واحد رايح يخطب وهو في الحالة تاعك هادي . قالوا خليني نتكيف غير هو لي طفيني راح وخلاه .