حب في الثانوية

chapitre 6

طلعت نجري باه الاستاذ ميقفلش عليا الباب في جرت آدم ههههههه وصلت على أخر دقيقة قالي اريج وين كونتي قتلو كنت في التوالات قالي أخر مرة قتلوا ايه دخلت قعدت معى شروق قاتلي وش بيكي طولتي قتلها هو لي حكمني بالهدرة قاتلي انتي جاتك على ڨلبك قتلها وش دخلك ناضت تضحك قاتلي وليتي تعشقي فيه ههههه قتلها اسكتي الاستاذ يشوف معانا .كملت نهاري وانا فرحانة هدرة تاع أدم طلعتلي المورال روحت شافتني ماما قاتلي اول مرة تروحي من لقراية فرحانة موالفة ديما كارهة قلتلها من ليوم كل يوم نروح فرحانة.
بففف اليوم نوضت كارهة بيسك اليوم منقراش علوم تسما منقراش عند آدم بصح لازم نشوفو لبست لميت شعري ودرت لاماش كنت قصيتها البارح هههه بدلت اللوك وخرجت نزرب باه نلحق عليه كي يعود داخل لليسي انا وصلت وهو نشوف فيه جاي نسمع في صوت شروق تعيطلي درت شفت معها وانا في قلبي ندعيلها ربي يزوجك ياشروق يا بنت رابح وصلت عندي وقت لي هو وصل شاف معانا وحنا نسلمو ونتحكاو على الفيلم لي تفرجناه البارح قالنا هيا ادخلو راح يقفل عليكم الباب وانتم مزلتوا تتحكاو قتلوا شروق صباح الخير استاذ قلها صباح الخير وخزر معايا وقالي وشدرتي في روحك ضحكت شروق قتلوا بدلت اللوك خزر معايا وكمل مشا قاتلي شروق حبيبك معجبوش اللوك وتضحك ،شروق كلش تڨلبوا ضحك وتمسخير ،انا غاضتني قلت في ڨلبي اانا نبدل ونلبس ونعدل باه نعجبو هو مداهاش فيا عڨبتها صباح كاملة وانا متغششة مبعد فقت مع روحي وقلت وشبيا هدا غير استاذ يقري فيا وش حباتو يقلي دسيديت باه نحيه من بالي وصل وقت باه نخرجو الساحة على 2 خرجت انا وشروق ومروة وبنات يقراو معايا ڨعدنا نلعبو ونتمهبلوا و نرشوا في بعضانا بالماء حتى فض وقت الساحة جيت طالعة نسمع فيه عيطلي درت روحي مسمعتوش وكملت طالعة قالي اريج اني نهدر معاك هنا قاتلي شروق روحي ليه راه يبان مغشش قتلها متروحيش اقفي معايا نشوف وشبيه يعيط ونطلعو كيف كيف قاتلي حتى حابة نسمع واش راح يقلك