اناجيست ماسمعت صوت لامبيلانس غمضت عينينا مقدرتش نقاوم اكثر نسمع في صوت آدم يقولي ريجا افتحي عينيك، صوت شروق تبكي منبعد مفقت بوالوا حتى حليت عينيا نلقا روحي في لامبيلانس دورت راسي نلقا آدم قاعد توالي وحاكملي يدي شافني فتحت عيني قالي لباس درتلوا براسي ايه جيت راح نحي الماسك تاع الأكسيجين باه نهدر معاه قالي متنحيش لازم ديريه حتى توصلي للسبيطار قاتلي طبيبة لي قاعدة معانا حمدالله على سلامتك لازم درك نديرلك ابرا باه تريحي ويتنحا عليك السطر لي في صدرك خزرت معا آدم خايفة اول مرة تصرالي الحالة هادي موالفة تجيني خفيفة اما ليوم حسيت روحي راح نموت حتى قلبي يوجع فيا طبس عند ودني قالي متخافيش راني معاك انا هنا طاحو دموعي مسحملي وقالي راني عيط لخوك دوك يجيب ماماك ويجي درتلوا براسي ايه هنا قاتلي الطبيبة النبض تاعك متسارع راكي خايفة .لازم تهداي باه نعرف سبب هادي الكريز لي صراتلك قاتلي درك لازم عليا نديرلك ابرا قالها آدم خلاص ديريلها انا شديت على يد آدم قالي متخافيش مراحش توجعك .تمنيت لوكان جات ماما معايا موالفة هي لي تهديني بقيت مع تخمامي حتى تغمضو عينيا بصح نسمع في طبيبة تقولو حالة تاعها مش تاع ازمة ربو حبيت نسمع وش راح تكمل تقولوا بصح مقدرتش بيسك رقدت من الابرا لي دارتهالي .كي فطنت المرة التانية لقيت روحي في السبيطار وماما قاعدة توالي هيا وخويا ماما قاعدة تبكي وخويا يقولها اسكتي دوك تفطن وتسمعك دورت راسي نلقا آدم واقف بعيد شوي يخزر معايا شفتني ماما بلي فطنت جات تحضنتني قاتلي خلعتيني عليك نحيت الماسك تاع الأكسيجين وقتلها حتى انا تخلعت على روحي ضحكوا كل حتى آدم قالي بصح مش ڨد الخلعة تاعي خزرت مع ماما قتلها ماما حاسة قلبي يوجع فيا
أنت تقرأ
حب في الثانوية
Romanceقصة فتاة اسمها اريج تقع في حب استاذها من اول نظرة . ابطال القصة. اريج:طفلة عمرها 15سمرة حلوة شعرها طويل عينيها نوازات قصيرة وسمينة شوي مسرارة وحشامة آدم : استاذ يقري في ليسي علوم عمرو 30 جنتي .هو طويل وزين
