حب في الثانوية

chapitre 39

بعد عامين
بايتة ليلة كاملة وانا  نايضة حكمتني الخلعة على خاطر غدوة يخرج الباك ، ونتهنى من الليسي ،في هادو العامين كنت نروح نقرى فوق قلبي . ملي راح آدم كرهت القراية فيه كان الشي لي مصبرني صحابي جلال وشروق ودنيا si non راني بدلتوا . عامين من حياتي عديتهم من القراية للدار كرهت كلش ، كل يوم نقول ليوم آدم يرجع ونشوفوا قدامي بصح مرجعش . شفت مع روحي في لمراية لي يشوفني يقولي تبدلتي على خاطر زدت شوي في الطول وليت 160 وزدت في الميزان وليت كعبورة تاع الصح . حتى شعري طوال ولا يوصل حتى تحت مسلاني ، كل مرة وحدة من الجيران تجي تخطبني لولدها ولا خوها  كي تجي ماما تقولي مانقبلش ، تبقى تدابز فيا وتقولي اقعدي استناي في أدم تاعك حتى تبوري وهو لهيه عايش حياتو . نولي نتعارك معها ونروح لشمبرة تاعي ونخليها تهدر وحدها . نضت الصباح وجدت روحي باه نروح نشوف النتيجة تاع الباك في لليسي مع صحابي كيما تفاهمنا . وصلت لقيتهم قاعدين يستناو فيا . دخلنا وانا راح نموت بالخوف ، خفت لا منجيبش الباك ولا واحد من صحابي ميجيبش على خاطر صح كانوا كيف خاوتي ومنقدرش نبعد عليهم  ، بدينا نقراو في لاليست تاع الناجحين لقيت اسامينا في ربعة ورا بعضاهم تسمى نجحنا في ربعة الحمد الله ياربي.  وليت نعيط ونبكي حكمتني فرحة هستيريا ، جامي في حياتي ما فرحت كيما ليوم، فرحة تاع الباك وحدها ربي ينجح الناس الكل . روحت لدار كملت فرحتي مع ماما وبابا وخويا ، في ليل دارتلي ماما عشا وجاو الجيران ولافامي كل باركولي . على 11تاع الليل عيطتلي دنيا هزيت عليها قاتلي اريج غدوة رايحين نخرجو نحتفلوا بالنجاح تاعنا لازم تجي قتلها منعرف حتى نسقسي بابا قاتلي اواه لازم تجي معنا قتلها ايه وين رايحين قاتلي café فتح جديد وسماتلي لبلاصة قتلها ok قاتلي غدوة نعدي عليك نروحوا مع بعضانا خير قتلها ايه خير . سقسيت بابا قالي روحي على روحك بصح مطوليش بزاف .
غدوة وجدت روحي قبل ما تجيني دنيا لبست غوب تاع فولار في الموف مع الخمار تاعها وصندالة طالوا . ودرت شوي ومكياج كي  كملت خزرت مع روحي في لمراية جيت نهبل . خرجت لماما قاتلي الله يبارك على بنتي ليوم راكي فرحانة المكياج والطالوا قتلها ايه والله ليوم فرحانة معلاباليش علاه بصح راني حاسة حاجة مليحة رايحة تصرى قاتلي  ان شاء الله حياتك كاملة وانتي فرحانة قتلها يعيشك وبستها على خدها . طبطب الباب فتحت لقيتها دنيا سلمت عليها قاتلي جيتي تهبلي قتلها مرسي . ركبنا في تكسي وصلنا café كي هبطنا . قتلها استناي نعيط لشروق نسقسيها ادا وصلت ولا مزال قاتلي أنتي ادخلي وانا دوك نعطيلها ونجي قتلها ايه . مع دخلت للcafé طفا الضو ومن عاود شعل ونشوف في أدم واقف في النص مقابلني لابس كوستيم نوار وشعرو بالجال واللحية  مطراسية   كي شفتو. مصدقتش عينيا بقيت حايرة ونخزر معاه حتى تبسم معايا و نطق قالي ريجا باه فقت مع روحي وصدقت صح بلي آدم واقف قدامي، شفت آدم حياتي واقف قدامي  .  قتلوا آدم ديراكت رحت نجري عندو تحضنتو  على قوة جهدي وترشقت بالبكا . حتى هو تحضني وهزني لدرجة رجليا مبقاوش في الارض  قالي  يا روح آدم شحال توحشتك ، كي سمعتو قالي هكدا دفنت راسي في صدرو ورجعت نبكي بالصوت . قالي يا عمري توحشتيني بزاف درتلوا براسي ايه وانا مزلت متحضناتوا ونبكي قالي خلاص شششش يزي من البكا مبقيتش نروح ونخليك من ليوم واحد ما يفرقنا ، خرجني  من حضنو وقالي خليني نشوفك كيفاش وليتي حكملي يديا وبعدني عليه وقعد يخزر معايا ومن بعد عاود تحضني و باسني على خدي وقالي  كون تعرفي شحال توحشتك . قتلوا وانا نبكي حتى انا توحشتك بزاف سافرت بلا ما تقولي ولا حتى تودعني . ضحك وقالي خلاص عمري مبقيتش نعاود ، طلعلي راسي وبقا يمسحلي في دموعي و وجهي قريب من وجهو  قالي علابالك بلي نحبك ونموت عليك، نعشق فيك  ، قعدت نشوف معاه عمري ما توقعت بلي آدم راح يقولي نحبك . آدم يحبني بقات هدرتو تتعاود في مخي  ، حسيت قلبي راح يحبس من الفرحة والارض  ولات تدور بيا راح ندوخ ، زربت حكمت في يدو قالي ريجا وشبيك قتلوا راح ندوخ حط يدو على ظهري وقالي ارواحي اقعدي لا طيحي في الارض . قعدني في الكرسي . هو قعد على  ركبتو قدامي وحكملي يديا قالي cv دوك . خزرت معاه و انا نبكي ونضحك في نفس الوقت   قتلوا صح تحبني هههه مانيش مصدقة حاسة روحي نحلم . حكملي وجهي بين يديه وحط جبهتو على جبهتي وقالي نعشق فيك . قتلوا حتى انا نحبك ونموت عليك . ضحك وقالي علابالي قتلوا صح قالي ايه علابالي من اول نهار حبيتيني فيه  . قتلوا يا ، كنت مفضوحة لهاد الدرجة  . قعد يضحك قالي ايه كنتي مفضوحة بزاف  سيرتو كي تعودي تشوفي معايا وتيهي في وجهي  هههه . قتلوا يا  حبس والله حشمتني . ضحك وقالي صاي ، قوليلي كيفاه حتى درتي الخمار، . قتلوا هكدا برك حبيت نديرو يخي انت موالف تقلي ديري الخمار  . قالي يا عمري على الفحلة تاعي   وقرصني على خدي و قالي بصح الله يبارك زاد فيك النص  . وجهي ولا احمر هبط راسي حاشمة . قالي مزلتي حشامة كيف ما خليتك . سكت شوي ومن بعد خزرت معاه قتلوا بصح انت تبدلت قريب ما عرفتكش . قالي كيفاه تبدلت ، بقيت نخزر معاه ومع لبستو كان صح مبدل طلعت عليه الماريكان الله يبارك عليه كون يوقف في الباب يسدوا .  قتلوا وليت تبان كيف تاع  الافلام  . ولا يضحك على طول صوتو . قالي والله ،قتلوا ايه . قرصني على خدي وقالي وانتي وليتي بطة هههه . وقف وقعد في الكرسي مقابلني قالي وش حوال الدار يماك وباباك قتلوا الحمد لله . قتلوا وقتاه جيت . قالي جيت البارح كنت تعبان وصلت ديراكت رقدت ، كي نضت لقيتها 11تاع اليل حبيت نشوفك بصح راح الحال . قتلوا فكرتني وين راحت دنيا قاتلي ادخلي دوك نلحقك ، ومن بعد خزرت فيcaféلقيتها فرغانة . قتلوا ديجا علاه الحالة فرغانة هنا  . قالي دنيا انا لي تفاهمت معاها باه تجيبك هنا وتروح وcafé فرغانة باه نقعدو براحتنا . قتلوا ايه خير . قتلوا حقا كملت الدكتوراه تاعك . قالي ايه الحمد لله وجبت معايا الترخيص باه نفتح Usine تاع الدوا . قتلوا يا مبروك عليك تهنيت .قالي يبارك فيك لعقوبة ليك انتي ،ايه قوليلي وش حابة تسجلي قتلوا منعرف مزلت نخمم بصح حابة ندير مدرسة عليا تاع العلوم ، قالي علاه ما تسجليش في الطب . قتلوا لا منحبش طب انا ،قالي كيما تحبي انتي . صونا التلفون تاعي لقيتها ماما هزيت عليها قاتلي مراكيش مروحة راح الحال قتلها دوك نجي . كي كملت تفكرت كي كانت ماما تقولي دوك يرجع متزوج ضحكت وقوتلوا علابالك ماما وش كانت تقولي . قالي وش كانت تقولك . قتلوا كانت تقولي هو تلقاه تزوج لهيه وبولدو وعايش حياتو وانتي اقعدي استناي فيه وابكي عليه حتى تبوري . ضحك وقالي وانتي وش قلتيلها . قتلوا كنت نقولها حتى ادا جا متزوج نقولوا اديني مرا ثانية نورمال . قالي يا عمري على البطة تاعي تحبيني ڨاع هكدا . قتلوا نموت عليك . قالي ارواحي عندي ياعمري ارواحي  وقفت ورحت جيهتوا وقف وتحضني وقالي وش قولك نتزوجو ، خزرت معاه و قتلوا صح باسني على خدي وقالي ايه تقبلي قتلوا ايه نقبل  ضحك وقالي حبيبي يموت عليا ، ضحكت ، حبيت نبوسو على خدو مقدرتش على خاطر طويل عليا قتلوا هبط راسك شوي قالي علاه قتلوا هبط برك ، هبطلي راسو بستو على خدو فوق اللحية تاعو  بالخف ورجعت تحضنتوا ودفنت راسي في صدرو . ضحك وقالي ياعمري نعشق فيك وباسني على شعري فوق الخمار وقالي هيا نديك تروحي . قتلوا ايه راح الحال . حكملي يدي وخرجنا فتحلي الباب تاع الطونوبيل ركبت وقفلي الباب وراح هو ركب وديمارينا .هو كان يسوق وانا نشوف معاه ، حتى خزر معايا وتبسملي قالي وش ، قتلوا مانيش مصدقة بلي نشوف فيك قدامي . حكملي يدي وباسها قالي حتى انا مانيش مصدقة.