حب في الثانوية

chapitre 93

وصلنا للسبيطار بسيف وانا قلبي راح يخرج من لوجاع قريب راح نبكي الدم وهو مرة يسكت مرة ينوض يسب ويدابز فيا  ويعيط قالي انتي لي وصلتينا لهنا  بفعايلك  حبس الطونوبيل ودار يشوف .  قدملي مسحلي دموعي قالي خلاص دوك يتنحا عليك اصبري شوي برك .بعدت وجهي عليه منيش حابة نشوف خليقتوا  . هبط فتحلي الباب لاح يدو باه يعاوني نهبط كيفكيف بعدت عليه  هبطت دخلنا وهو حاط يدو على ظهري ، جيت راح نجبد عليه  زير على جنبي . قالي اركحي متقلبليش ### لانضرب نقسمك . كملت نمشي معاه ونبكي على زهري لمسود حتى دخلنا للاستعجالات قعدت في الكرسي وانا حاكمة دراعي راسي يدور الحاجة نشوف فيها عشرة من لوجاع ، دخل طبيب جا باه يشوفني غير قدم عندي حبسوا آدم . قال للفرملية روحي شوفيلي الطبيبة تجي تعڨبها .قالوا طبيب وانا وش راك تشوف فيا خضار هاراني طبيب خليني نخدم خدمتي . خزر معاه آدم قالوا وانا نحتاج طبيبة مرا .قالوا طبيب وش من عصر راك عايش فيه باه تخمم في مرا وراجل الطفلة روحها راح تخرج من لوجاع وانت تقولي شوف طبيبة مرا. قالوا انت وش دخلك تخرج روحها ولا &$## ،رجع شاف مع الفرملية قالها روحي شوفيلي الطبيبة . قاتلوا يا مسيو مكانش طبيبة  . ناض يعيط على طول صوتوا  قالها تت$&&&& ب&&& سبيطار قدوا قد السما مفهوش طبيبة  وين راه الشاف تاعكم نهدر معاه راكم تتمسخروا . بقيت غير نشوف معاه نسيت ڨاع لوجاع ونشوف فيه والله هادا غير هبل وشبيه يدير هكدا بهدل بينا . بقا يعيط محبش يسكت انا تمنيت الارض تنشق وتبلعني الناس كل تشوف معانا . شفت الصاك تاعي حطو فوق الكرسي هزيتوا وجبدت التلفون عيطت لبابا شوي وهز عليا رجعت نبكي قالي وشبيك بنتي تبكي قولي وش كاين قتلواا بابا راني في السبيطار قالي علاه وش صرا علاه راكي في السبيطار بقيت نبكي قتلوا ازرب ارواح قالي راني جاي  بنتي متبكيش نص ساعة نكون عندك صحا بنتي متخافيش . كوبيت ، شفت مع آدم لقيتو يهدر مع الشاف تاعهم قالوا كيفاه نقولهم جيبولي طبيبة تشوف مرتي مريضة يقولولي مكانش طبيبة هنا كاين غير رجال  وش تمسخير هدا . قالوا شاف صاي ما صرا والوا غير طبيبة كانت برة  راهي جات دوك تشوف المدام وشبيها انت متقلقش روحك . دخلت الطبيبة قدمت عندي قاتلي ارواحي اختي تكسلي في السرير نشوفوا حالتك لي راجلك بهدلنا عليها ، تبسمت قاتلي هاه في جرة راجلك دوك يبهدلني الشاف .حشمت بقيت ساكتة . نشوف فيه قدم عندنا بعد ما خرجوا  لي كانوا معاه وغلق الباب جا وقف بجنبي بقا يشوف معايا دورت وجهي . فتحتلي الطبيبة الحجاب وراح تهبطوا على ذراعي قاستني بيدها عيطت وانا نبكي قتلها وجعتيني نحي يدك. قالها آدم بالعقل عليها راكي وجعتيها وشبيك . قاتلوا لازم توجعها .حكملي يدي قالي صاي مبقاتش توجعك اصبري شوي برك. كملت تهبطلي في الحجاب دورت عندو ودفنت راسي في كرشوا وحكمت في الفاست تاعوا وكل ما تغلطت تقيسني الطبيبة نرجع نزير عليه اكثر . وهو يواسي فيا قالي خلاص حبيبي دوك يتنحا شوي برك مبقاش بزاف . كي شافني بلي قاعدة نتوجع بزاف قالها ماتقدريش ديريلها  l'anesthésie راهي تتوجع شوفيلها  حل . قاتلوا منقدرش خاطر دراعها مش مكسر غير تحرك برك لازم نرجعوا وهي فايقة . قالها بصح راهي تتوجع بزاف وهي مريضة بالقلب متقدرش تحمل  الوجاع .ضحكت قاتلوا مسيو متخافش مايصرالها والوا غير شوي برك يا ربي ربع ساعة ويخف لوجاع . كملت هبطتلي الحجاب شافت دراعي ازرق وليطراس تاع صباع ويدو مزالت مطراسيا . شهقت قاتلي شكون لي دارلك هكدا .انا منيش معاها مزلت دافنة راسي في أدم  لاتيا في وجاعي . عاودت قاتلي اختي شكون دارلك هكدا شكون ضربك . كشغل فيقتني على روحي بعدت عليه كي تفكرت وش دارلي والخوف لي حسيت بيه ، خزرت مع الطبيبة قتلها حتى واحد ما ضربني غير طحت برك .قاتلي متخافيش قولي شكون ضربك ، شافت مع آدم ورجعت قاتلي هدا لي ضربك قتلها لا . قاتلي متخافيش منو ادا هو لي ضربك قولي باه نديرلك سيرتيفيكا واشكي بيه  خلي يباصي ديجا انا من شفتوا راجلك هدا مرتحتلوش . جابتلي الضحك تهدر عليه في وجهوا . قالها آدم بركاي من الهدرة واخدمي خدمتك متدخليش في حاجة متخصكش ، وديجا انا لي ضربتها ومن بعد وش راح ديري . بقيت حايرة فيه والله هدا غير هبل شاريها للناس الكل . قتلوا آدم يزي من البهادل راك فضحتنا ليوم .قالي انتي غير اغلقي فمك منيش حاب نسمع صوتك انتي لي وصلتينا للحالة هادي.  هبطت راسي وسكتت والله ليوم هدا  مستحيل ننساه طول حياتي . تنهدت طبيبة قاتلي الله يعينك برك اختي  على وش راكي حاملة. قاتلي هيا راكي واجدة باه نبدا . عرفتها راح ترجعلي ذراعي ، متت بالخوف منيش حابة نتوجع . قتلها لا خليني راني لاباس مش توجع فيا قاتلي راح تبقاي بيها هكدا شوفي راح تتنفخلك وترجع توجع خلي نداويهالك وتتهناي هيا كوراج متخافيش . درتلها براسي لا بقات هكدا من تجي تقربلي نقولها متمسنيش خلي برك راني هكدا لاباس حتى فاتت قريب ربع ساعة . شافت طبيبة مع آدم قاتلوا كل ما تطول كل ما توجعها اكثر  . طبس آدم حكملي وجهي قالي ريجا حبي شوفي فيا . خزرت معاه قالي خليها  تداويك دقيقة وصاي نروحوا هيا الفحلة  . قاتلي الطبيبة هيا والله كل ما تطولي كل ما توجعك اكثر . درتلها براسي ايه قاتلي نبداو بسم الله . آدم دورلي وجهي ليه وغرسني في صدروا وبقا حاكمني على قوة جهدوا مفقتش حتى كيفاش حسيت بوجاع انورمال وليت نعيط لربي لي خلقني حبيت نبعد عليها مخلانيش بقا مزرير عليا حتى كملت قاتلي صاي راني كملت شفتي ليه ليه . بعدني عليه بقا يمسحلي في وجهي وانا صاي دخت من لوجاع غمضت عينيا . بقا يفيق فيا والوا غست نسمع فيه قالها وشبيها داخت .قاتلوا من الوجاع برك شوي وتفيق نورمال ، حسيت بيه قعد بجنبي وبقا يمسحلي على شعري . شوي وسمعت الباب تفتح ودخل بابا كي شاف آدم قالوا واش راك دير هنا انت ووشبيها اريج . قالوا انا لي جبتها ، اريج غير دراعها تحركت برك  . قالوا بابا وكيفاه حتى صرا هاد الشي وانت وين لقيتها حتى جبتها . جا راح يهدر آدم علابالي راح يحكيلوا نورمال أصلا هو لايخاف لا يحشم وراح تصرى مشاكل ميفضوش وبابا قادر يقتلني نورمال  .فتحت عينيا قتلوا بابا . قدم بابا عندي قالي بنتي راكي لباس كيفاه حتى دارت دراعك . قتلوا غير تعكلت في حجرة طحت عليها دارت .قالي كيفاه حتى جابك آدم .قتلوا منعرف بلاك كان معدي كي شافني في طريق نستنى في تكسي  جابني  هنا  .بقا بابا يشوف معايا توسوس من لحكاية بصح سكت  كي شافني مش قادرة . قالي نروح نشوف الطبيبة ونجي .غير خرج قدم عندي آدم قالي علاه كذبتي عليه خايفة لا يسمع بخرايبك والقح##& لي راكي ديري فيه . قتلوا  اعرف ما تهدر و معندو ما دخلك في حياتي والا راك تهدر على عثمان راح يجي يخطبني . قالي اريج ديري عقلك في راسك المرة هاد فاتت هكدا المرة الجاية ونلقا غير ريحة راجل بحداك اقسم بالله نقطعك طراف طراف . قتلوا كون منزوجش مكرة فيك منيش اريج أصبر تشوف . قالي تسما راكي ديري فيها مكرة . قتلوا لا راح نعاود حياتي كيما انت ولا حلال عليك وحرام على الناس . قالي جربي وشوفي كون منقتلوش قدامك منسماش آدم راكي تعرفيني كي نحلف . قتلوا احلف ولا اقعد . قالي معليش مرة أخرى ونتفاهموا انتي بزاف عليك الشي لي صرا ليوم .حط يدو على خدي قالي تهلاي في روحك سمعتي متبقايش تحركي في يدك بزاف حتى تبرا . قتلوا سبحان الله لي يسمعك يكذب بلي انت لي خليتني في الحالة هادي قريب لا طيرتلي ذراعي . قالي وتزيدي تعاودي نديرلك اكثر من هكدا راني وصيتك والله يا اريج ونسمع عليك حاجة غير الموس يمشي على رقبتك سمعتي ديري عقلك في راسك بلا  ما توصلينا لمواصل نندموا عليها للزوج . قدم باسني على خدي قالي كنا في الحلال في رحمة ربي  ورجعتينا للحرام الله يسامحك برك . بقيت ساكتة حتى دخل بابا قالي هيا راني هدرت مع طبيبة . قتلوا هيا وقفت وبابا خزر مع آدم قالوا آدم ياك لباس وش الدم هدا لي في قشك . كان آدم راح ينطق علابالي معندوش مع الكدب وراح يقولوا كلش . سبقتوا انا قتلوا بابا وقيلا عاونهم يهزوا واحد مجروح . تخنزر فيا بابا و قالي  وانتي وين علابالك . شفتوا تبسم وجه الشر في جرتوا ندي في البخص . قتلوا بابا هيا نروحوا راني تعبانة .قالي هيا ، مشيت معاه مقدرش مندورش ونشوف معاه .لقيتوا يخزر معايا قالي تهلاي  في روحك .