حب في الثانوية

chapitre 78

من هداك النهار فات شهر  لا زاد جا ولا سقسا عليا نساني كنت نبقى غير نستنى وقتاه يغلط يعيطلي ولا يجي بصح هو والوا كانت غير دنيا ولا عجوزتي يعيطولي يسقسيو عليا برك . شهر فات عليا جحيم نجيبها نهار كامل وانا نبكي مانيش عارفة روحي وش راني حابة حاسة روحي ضايعة قلبي يقولي حاجة وعقلي يقولي حاجة يوصل الليل نشرب الدوا تاع النوم ونرقد منفطنش حتى الصباح هكا فات شهر كامل لا خرجت من الدار ولا تحركت من بلاصتي لا نهدر لا نخرج حالتي غير تسوء اكثر من لول وليت جلدة على العضم بلاك خسرت شي عشرة كيلو من الميزان تاعي وجهي عاد بليساغن شعري نصو كامل طاح من التخمام . خويا وبابا  سافرو خاطر عندهم خدمة في ولاية خلاف وراح يطولوا بقيت غير انا وماما في الدار . في الصباح نضت وانا مديسديا ننسا كلشي ونرجع نعيش حياتي كلي ما صرا والوا مزلت صغيرة على هاد الشي كامل لي راني فيه راح نرجع نعيش كيما يعيشو نتاجاتي نلبس ونخرج ونعيش عمري أصلا انا خسرت كلشي خسرت ولادي خسرت راجلي لي سمح فيا شهر كامل لا عيط ولا سقسى عليا وش بقالي خلي  نعيش كيفي كيف غيري . لبست سروال وليكات قصيرة فوقها فاست تاع كوير قصيرة ولبست خمار وباسكات من بعد درت مكياج كامل باه نغطي  وجهي لي عاد في حالة.  جيت خارجة شافتني ماما قاتلي وين رايحة بالحطة هادي . قتلها رايحة نقرى. قاتلي تقراي هكدا بالمكياج هدا والسروال ولا بلى حتى ما تشاوريني . قتلها علاه نشاورك . قاتلي خاطر راني يماك وقبل وما تخرجي تشاوريني ولا هادي ثاني نزيد نعلمهالك وامشي بدلي قشك البسي حجاب كيما موالفة وامسحي هاد المكياج تقول عليك رايحة للعرس. قتلها منبدلش من اليوم راح نلبس هكدا  وزيد مدخلكش فيا نلبس وش نحب ونخرج وقت لي نحب . قاتلي والله يا اريج غير نكسلك بطريحة ندخلك للسبيطار ريڨلي روحك راني صابرة عليك متقلقنيش امشي بدلي قشك والبسي كيما موالفة . قتلها مدخلكش فيا هزيت تلفون تاعي وخرجت وخليتها تهدر وحدها من اليوم واحد ما دخلوا فيا من ليوم مبقيت ندير حساب لحتى واحد نعيش حياتي كيما نحب انا . قريت حتى للربعة كي جيت مروحة فتت على صايغي جبدت خاتم كنت شراتهولي ماما مع دهبي كي تزوجت عطيتهولوا قتلوا شوف قداه يجيبلي .قالي يجيبلك ستة ملاين ونص. قتلوا ايه . حكموا عليا وعطاني الصوارد . خرجت من عندو فتت على المول بقيت الحاجة لي تعجبني نشريها شريت كلش لبسة مكياج وروايح برفانات  حتى وصلت الستة تاع العشية جبت التلفون لقيت ماما حرقت التلفون بالعياط بلاك شي عشرين ابال . عاودت عيطت كوبيت عليها وحكمت تكسي روحت وانا محملة بالصاشيات . مع دخلت للدار لقيت  ماما كانت قاعدة في الكلوار تستنى غير شافتني جاتني قاتلي وين كنتي من الصباح وانا نعيطلك متهزيش قلبي قريب يحبس نحساب  كشما صرى معاك علاه طولتي هكدا ياك موالفة  تكملي على الربعة . قتلها ماصرى والو كنت ندور نحوس . قاتلي تحوسي وحدك حتى الستة تاع العشية وحدك هكدا . قتلها ايه نورمال . قرصتني على زندي قاتلي تزيدي تعاوديها نڨتلك فهمتي تكملي القراية ديراكت ترجعي للدار فهمتي . قتلها مادخلكش فيا من اليوم ندير وش نحب . قالتي راح تهبليني انتي وشبيك يا طفلة تحبي نضربك ولا كيفاه والله تزيدي تعاوديها نشويك . قتلها أخطيني برك . كملت دخلت للشمبرة لحقتني قاتلي وش لي في يدك قتلها حوايج شريتهم . قاتلي من جبتي دراهم باه تشري بقات تفتح في الصاشيات . وتشوف فيهم . قاتلي اهدري متهبلنيش من جبتي دراهم باه شريتي هادو لحوايج كامل . قتلها دراهمي . قاتلي من جاوك شكون لي عطاهملك انطقي . قتلها علاه تحوسي المهم دراهمي مسرقتهمش من عندك . خبطت فخدها وقاتلي اقسم بالله شيبتيني كرهتيني انطقي من جبتي دراهم هادو كل قولي . للحظة غاضتني بصح قلت ما يهمنيش من ليوم مابقى يهمني حتى واحد . فكتلي الصاك من يدي وفتحاتوا بقات تفركت فيه . حتى جبدت الصوارد لي بقاولي قاتلي دورك تقوليلي من جبتيهم ولا نشويك انطقي . قتلها ما يهمكش من جبتهم دخلت للدوش وقفلت الباب . قاتلي انا مقدرتش راح تقتليني ناقصة عمر دوك  نعيط لباباك هو لي يجي يلقالك حل . بقات غير تعيط وتعاود تسب فيا . انا خرجت من الدوش ودخلت للشمبرة قفلت الباب بالمفتاح وقعدت نجرب في قش لي شريتو جديد وخليتها تهدر حتى حبست وحدها . الغدوة كيف كيف نضت الصباح لبست وعدلت روحي خرجت قريت حتى للربعة من بعد قعدت ندور حتى وصلت الستة باه روحت ونفس السيناريو تعاود لقيتها تستنى فيا . كملت سمانة كاملة وانا هكدا ماما قريب تخرج من عقلها عادت تقفل عليا الباب  بالمفتاح الصباح باه ما نخرجش بصح انا نغفلها نحيهولها نخرج بلا ما تفيق تنوض متلقانيش  ، نهار الخميس انا مروحة فتت على الصالون دو كوافير ضربتلي ديراكت فكرة في راسي، دخلت عندها رحبت بيا قتلها نصبغ شعري.قاتلي ايه ملقري لاكولور تاعو جاية عليك. عطاتني الكاتالوغ تاع الصبغة بقيت نخير حتى شفت وحدة عجبتني جاية نحاسي بالاصفر تهبل قتلها ديريلي هادي . صبغتلي ، وقتلها ديريلي نتوياج دو فيزاج واعدليلي حواجبي المهم كملتلي قريب على التسعة ونص تاع الليل شفت مع روحي تبدلت كومبلي ملڨري شينت وضعفت بصح مزلت شابة طلعلي المورال ، خلصتها وخرجت بقيت نشوف ملقيت حتى تكسي جبدت التلفون نشوف الساعة لقيت تقريب سبعين ابال من عند ادم   قلبي ضرب علاه راه يعيط ، عاود صونا التلفون كان هو قاعد يعيط صحتي كاملة ولات ترجف شوي فرحة كي راه يعيطلي وراح نسمع صوتوا وشوي خوف منوا درت الكوراج وهزيت عليه مع هزيت ديراكت نسمع فيه يعيط قالي وين راكي ليوم نحيلك ### وين راكي قولي . الحق الحق متت بالخوف علابالي بيه كي يتقلق كيفاش يولي بصح كوراجيت روحي و قتلوا علاه تحوس عليا وين راني . رجع يعيط قالي انطقي وين راكي  ماتهبليش ### قولي وين راكي اقسم بالله ليوم نباصي عليك قولي . قتلوا علاه تحوس عليا وين راني ياك راح تطلقني مدخلكش فيا . غير قتلوا هكدا طاح عليا بالسبان والكفير ندير فيك وندير فيك خرج من رحمة ربي انا من الخلعة كوبيت عليه ديراكت . عاود عيطلي المرة لولة محبيتش نهز ومن بعد عاودت هزيت قالي تكوبي عليا  ليوم نحيلك الرحمةتاعك وين راكي انطقي . انا  كي كنت نهدر معاه كنت نمشي مش فايقة مع روحي جيت نشوف لقيت روحي في بلاصة اخرى مانعرفهاش بقيت ندور في راسي نقرى في البلاكات بلاك نعرف اسم لبلاصة بصح ملقيتش . عاود نطق قالي انطقي ربك قولي وين راكي متهبلينيش.  قتلوا علاه تحوس عليا وين راني ديجا وش فكرك فيا ياك شهر كامل ماحوست عليا ما سقسيت عليا . قالي اقسم بالله نحكمك ##### ولا منيش راجل  اصبري برك ، قولي وين راكي . شحال فرحت وانا نسمع فيه هابل هكدا  ياكل في روحوا خلي يتعدب شوي كيما تعدبت انا . قتلوا منقولش وين راني وغير مكلاه تتحلف باطل  معندك وين تحكمني أصلا منيش راجعة للدار راح نبات برة بلاك نلقى راجل يتهلى فيا خاطر راجلي ماهوش متهلي فيا وراميني في دار بابا . نسمع فيه غير يسب ويعاود علابالي كون يحكمني يقتلني قالي والله يا اريج غير تخلصيها غالية الهدرة هادي اصبري برك ##### . قتلوا كي تحكمني وكوبيت عليه . بقا غير يعيط ويعاود بقيت نمشي نشوف وين راني ، وصلت العشرة بديت نخاف أصلا جامي قعدت لهاد الوقت وحدي برة .هو بقا غير يعيط وليت هزيت عليه . قالي انطقي وين راكي متهبلينيش . انا صاي تعبت وحبيت نروح ديجا بديت نخاف والحالة بدات تفرغ .قتلوا معلاباليش وين راني . قالي تت#### بيا كيفاه معلابالكش . قتلوا كنت عند الحفافة خرجت بقيت نمشي تلفتلي الطريق . قالي وش اسمها البلاصة لي فيها الحفافة . قتلوا معلاباليش لقيتها في طريقي في الطريق تاع الجامعة . قالي معليش معليش نعاود نربيك اصبري برك ، قالي احبسي في بلاصة فيها كاميرات ولا بوست بوليس دوك نجي . انا راح نهدر نبح كلب ورايا عيطت يا ماما تلفت لقيتوا ورايا يشوف معايا وفاتح فموا  . نسمع في آدم يعيط اريج وش صرى علاه راكي تعيطي وش صرى انطقي ادين الرب . انا وليت نبكي من الخوف  قتلوا  يا آدم كاين كلب يشوف معايا وقيلا راح يهجم عليا .  قالي خلاص متخافيش امشي برك دوك ميدورش بيك . قتلوا لا راه يشوف معايا باين راح يهجم عليا . قالي يا دين الرب متجهلنيش  امشي برك ميدورش بيك . بقيت نمشي بالعقل ونشوف مع الكلب لي مزال واقف في بلاصتو يشوف معايا حتى بعدت عليه كملت نمشي نسمع فيه قالي اقسم بالله غير تخلصيها غالية الليلة هادي واحد ما يفكك من يدي يا ####  يا ###. بقيت ساكتة ونسمع فيه يسب فيا ويعاود  يعني هو عندو الحق شفت من البعيد بوست بوليس قتلوا آدم لقيت بوست بوليس ، قالي ادخلي دوك نجي عندك . دخلت سقسيتهم على اسم لبلاصة وقتلوا عليها قالي راني جاي . وحد العشر دقايق نشوف فيه هبط من الطونوبيل وجاي ، انا قريب نديرها على روحي من الخوف تفكرت وش كنت قاعدة نقولوا من قبيل خلات عليا ليوم يقتلني . دخل ديراكت حكمني من يدي يكركر فيا وراه حتى وصلني الطونوبيل فتح الباب دزني دخلت وخبط وطلع ركب .ديراكت حكمني من يدي دورهالي قريب راح يطيرهالي وليت نفرفط بين يديه قالي ليوم نحيلك الرحمةتاعك يا الق### ملا حابة تباتي برة حابة تباتي مع الرجال اصبري برك اصبري نوصلوا وتشوفي . وليت نبكي و قتلوا اطلق يدي اطلقني . جبد معايا بكف حسيت ضروسي تخلخلوا قالي اغلقي فمك منحبش نسمع صوتك حتى نوصلوا.  طلقني ورجع يسوق وانا حاكمة يدي ونبكي قريب كسرهالي وجه الشر ، ياربي وش راح يخلصني من هبالوا دوركا وش ندير بقيت نخمم ونشوف معاه وهو غير يعيط ويسب فيا يالهاملة  يا لي فيك يا عليك المهم السبان كل سمعهولي سمعني وسخ وذنيا . صونا التلفون تاعوا هز وحطوا انترفون كانت ماما لي عيطتلوا قاتلوا لقيتها وش راهي يخي لاباس عليها  . قالها ايه لقيتها لاباس عليها . قتلوا اديها معاك غير ماتجيبهاليش . قتلها منروحش معاه . قاتلي. اغلقي فمك شيبتيني يعطيك غمة ان شاء الله هكا ديري فيا تجري فيا في طريق على كبري هكا ديري فيا جبتك وكبرتك خرجتيلي عدوة الناس تجيب بنات باه يهنوهم وانا جبتك باه تمرمديني على كبري ، ماتجيش عندي من اليوم ماراني يماك ماراكي بنتي . قتلها انتي من بكري حابة تتهناي مني وراح نجي نقعد في دار بابا مش راح نقعد عندك . قاتلي كي يجي باباك ارواحي عندو دركا متجيش عندي فهمتي وكوبات . رجعت نبكي قرصني على فخضي حسيت اللحم راح يطير بين صوابعوا قالي منحبش نسمع صوتك حتى نوصلوا خلي دموعك لمبعد تشوفي وش ندير فيك . قتلوا اطلقني وجعتني . بعد يدوا عليا . وصلنا لبلاصة اول مرة نشوفها   هبط وجا فتحلي الباب وخرجني حكمني من يدي يجر فيا وراه ، حتى وصلنا للدار صغيرة تهبل  مبنية على زوج طوابق جبد المفتاح وفتح الباب  . عرفتها دارو الثانية غير دخلنا للدار ديراكت حكمني من شعري فوق الخمار قالي ملا كنتي حابة تباتي برة فكريني وش كنتي قاعدة تقولي قبيل انا مش متهلي فيك وراكي تحوسي على راجل يتهلا فيك هكا قلتي ياك  . بقيت ساكتة جبد السنتورة من السروال تاعو قالي ليوم نربيك ، ملا كنتي كل يوم تخرجي من الصباح حتا العشية وتصصحي في وجهك مع يماك وتلبسي السروال وديري مكياج زيدي فكريني وش كنتي ديري  . شحطني بالسنتورة على رجلي على قوة جهدوا جيت راح نبعد عليه عاود حكمني من شعري قالي زيدي فكريني وش عملتي . عاود شحطني وليت نبكي قتلوا خلاص وجعتني خلاص . قالي مزال ما شفتي والوا مزال بقا يضرب فيا على رجليا ، رجعت نبكي بالشهقة قالي اطلبي السماح ، قتلوا خلاص سامحني والله ما بقيت نعاود خلاص . رما السنتورة من يدو حكملي وجهي قالي وش عملتي لحواجبك انطقي .  قتلوا والوا  . قرصني على جنبي قالي متكدبيش . قتلوا عدلتهم برك .عاود قرصني قالي ياك علابالك بلي حرام علاه تخربي ف#### تزيدي تعاوديها نشويك فهمتي . درتلوا براسي ايه . لاح يدو نحالي الخمار بقا يشوف مع شعري قالي وشعرك علاه صبغتيه قتلوا هكدا برك صبغتوا ،  ومن بعد حط  راسو في راقبتي وعضني حسيت الدم خرج بقيت نبعد فيه عليا ونبكي عاود حكملي يديا وبقا يعض فيا وانا نبكي قالي علاه راكي تبكي ياك كنتي حابة نتهلا فيك . قتلوا آدم خلاص تعيش والله مبقيت نعاود سامحني   . كمل يعض فيا وانا نتحرك قالي اشششش اركحي خيرلك  . بقا هكاك ينهش فيا عدبني في كل لمسة يوجعني اكثر حتى كمل انا مقدرتش نبقى فايقة راح ندوخ وليت نشوف في كلش مضبب . باسني على خدي ووقف قالي هدا الدرس باه تتعلمي و مبقيتيش تعاودي .  دورت وجهي وغمضت عينيا لحمي كامل يحرق فيا طبس حكملي وجهي. قالي شوفي فيا نهدر معاك فتحت عينيا  بسيف خزرت فيه . قالي يا تترباي وترجعي كيف ما كنتي وتريقلي روحك  يا راح نولي معاك كل يوم هكدا حتى ترجعي كيف ما كنتي وغدوة صباح نديك تطلبي السماح من يماك فهمتي ، عاودت غمضت عينيا قتلوا أخطيني برك أصلا كلكم تكرهوني ان شاء الله نموت ونهنيكم مني  . قالي موتي أصلا شكون راح يبكي عليك . رجعت نبكي  سمعتوا تنهد من بعد هزني بين يديه ودخلني للشمبرة حطني فوق السرير. وراح  للخزانة جابلي تريكو من تاعو لبسهولي قالي ارقدي  دوركا غدوة نتفاهمو . محبيتش نهدر معاه  هو خرج . وانا فتحت عينيا نشوف مع الشمبرة لي راني فيها كانت كاملة غوز تهبل حتى من الفراش غوز دورت راسي للطابل دو نوي لقيتو حاط فوقهم لي كادر تاع تصاوري نهار العرس. ..  بقيت هكداك حتى غفيت رقدت . غدوة الصباح فقت وقت دخل للشمبرة قالي نوضي وجدي روحك . عاودت غطيت راسي قتلوا منوضش روح أخطيني قالي نوضي على الصباح خير من نسوطك . انا الحق خفت  لا يضربني وليت نضت قالي وجدي روحك نديك عندك يماك تطلبي منها السماح فهمتي . قتلوا منروحش ياك سمعتها هي لي قاتلي مبقتيش تجي عندي. قالي تروحي بسيف عليك . عطاني صاشي كان فيها حجاب وخمار قالي البسي هادو واخرجي .لبست وخرجت لقيتوا يستنى فيا  خرجنا ركبنا في الطونوبيل وحنا ساكتين حتى وصلنا طبطبت في الباب فتحت عليا ماما غير شافتني قاتلي علاه جاية عندي . قالها آدم انا لي جبتها اريج عندها هدرة حابة تقولهالك . قاتلنا ادخلوا دخلنا قعدنا في صالة وهي مدورة وجها عليا مش حابة تشوف في وجهي . نطق آدم قالي هيا اريج . وقفت من بلاصتي ورحت تحضنتها  خزرت معاها وانا نبكي  قتلها ماما آدم لبارح ضربني بالسنتورة شوفي كيفاه زرقلي رجلي .آدم سمعني ضحك قالي متفهمناش تقوليلها هكدا . قتلها وعضني ، انا راح نكمل نحكيلها وهو نطق قالي ابنتي  اسكتي يهديك ربي . من بعد وقف قالي انا نروح وانتم تفاهموا  من بعد راني نجي نروحك . خرج   ماما عادت تضحك قاتلي فضحتي الراجل يفضحك ربي ، مسكين حشمتيه . قتلها نسيت روحي خلاص . بستها قتلها ماما سامحيني ، تحضتني وقاتلي لاه انا نقدر نزعف منك ، انا تهمني غير مصلحتك كون ما جاش علابالي بلي آدم يحبك وهابل عليك والله ما نبعثك معاه مسكين كان كل يوم يعيطلي يسقسي عليك كي نشكيلوا منك يقولي ساعفيها برك خليها دير وش تحب . قتلها صح كان يعيطلك  يسقسي عليا ؟؟؟ قاتلي ايه والله كل يوم يعيط صباح وعشية و هو لي حكالي كلش وش صرى معاك علاه مقتليش علاه خبيتي كون حتى جيتي قولتيلي انا يماك وانا نعرف مصلحتك وين . قتلها خفت . قاتلي المرة الجاية متخبي والوا على راجلك فهمتي مهما يكون احكيلوا كلشي .قتلها ايه . نحيت الخمار قاتلي صبغتي شعرك جاك يهبل . قتلها حبيت نبدل شوي شوفي ديجا وليت في حالة . قاتلي لا في حالة لا والوا راكي غير ضعفتي برك شهر ولا زوج ترجعي كيف من قبل .