غدوة الصباح فطنت عنيا منفخين من البكاء لي بكيتو في ليل بسبت أدم بقيت نخمم انا لي جامي واحد عيط عليا جا هو في لخر رخسني على سبة تافهة. ملڨري واش دارلي لبارح بصح بقيت نخمم فيه راني غير نزيد نعشق فيه نسمع في ماما تعيطلي باه نوجد روحي للقراية ليوم نقرا عندو على صباح افففف هم نضت نوجد في روحي كارهة تاع الصح ومنيش حابة نروح مي الله غالب لبست سروال وليكات ولميت شعري كامل حتي ليماش لميتها ورحت انا وصلت نلقاه واقف في الباب تقول عليه يستنا فيا شاف معايا من لفوق للتحت عرفتو يثبث كشما يلڨا لقطة يرخسني علاها على الصباح تاع ربي عديت عليه شغل مكانش وداخلا للساحة حتى نسمعوا عيطلي قالي ريجا قتلوا شكون هادي ريجا قالي انتي قتلوا اسمي اريج قالي انا مايعجبنيش اسمك يعيي. سكت قالي ريجا خير منو خزرت معاه غير ساكتة قالي وشبيهم عينيك قتلوا والو خزر معايا وقالي باينة بايتة تبكي قتلوا علاه حتى نبكي قالي كي عيط عليك لبارح بصح راني في مصلحتك قتلوا ايه صح مصلحتي في شعري هههههههه🙄🙄🙄🙄قالي لسانك طويل هدا نهار نڨتلك عليه سكت منبعد قالي روحي . دخلت الحصة تاعو على الصباح كارهة قعدت مع شروق في طابلة لولة قاتلي اوجا حبيبك جيت ندور راسي لقيتو داخل قعد في البيرو وقالي اريج ارواحي اكتبي في السبورة كنت راح نقولوا لاه متكتبش انت مكسر ههههه نضت نمشي في المشية تاع واحد كاره قالي هيا خفي روحك راح تباتي باه توصلي خزرت معاه وشنفت الهم هدا عقليتو طلعت زبل وانا لي كونت حطاتو جنتي . المهم بدا يملي عليا ويقولي اكتبي وامسحي انا راح نطرشق ناض باه يبدا يشرح وقف حدايا . شفت روحي بلي نوصلو لنص هههه .ضربتني ريحة لي مديرها تهبل شروق ڨاعدة تكتبلي في ميساج تقلي كون جيت انا اني زدت لصقت فيه انا قريت الميساج تاعها ضحكت بالصوت دارلي قالي علاه تضحكي انا هنا مت بالحشمة قتلو والو سكت دار باه يكتب في السبورة قرب انا بعدت خزر معايا وتبسم قتلو نرجع لبلاصتي قالي لا قتلو علاه. قالي على ضحك. تڨعدي هنا واقفة ساعتين.
هو يشرح في الدرس ويكتب في السبورة وانا واقفة جاتني البكية عندي ساعة وانا واقفة الكلاسة كاملة قاعدة غير انا .خزر معايا وقربلي قالي تهبطي دمعة تولي كل حصة عندي تبقاي واقفة انا وجهي ولى أحمر حشمت وزيد قلقني .حتى نسمع في ابتسام صاحبتي تقولي. كعبورة متبكيش برك انا هنا تاع صح طاحتلي الدمعة بخصت بيا الهاملة .انا أصغر وحدة معاهم في القسم وصحباتي كي يحبو يركبوها عليا يقولولي يا كعبورة هههه . المهم الشعب كل ناض يضحك حتى هو ولى يضحك قالها شكون هادي كعبورة قاتلو اريج خزر معايا وقالي انتي صح اسمك كعبورة انا هنا وليت نبكي تاع الصح وشعب كل ميت بالضحك قالهم أيا حبسو بلاضحك راكم بكيتولنا كعبورة زادوا كل ناضو يضحكو حتى من هو يضحك خزر معايا قالي خلاص امسحي دموعك .انا نمسح فيهم وهم يهبطو وحدهم وحد الاحراج ولا قالي روحي اغسلي وجهك دوك يحبسو .انا ماصدقت قالي روحي هبط نجري في دروح حتى وصلت للتوالات .نغسل في وجهي ونتفكر في ضحكتو تڨتل كلش فيه يخليني غير نزيد نعشق فيه
أنت تقرأ
حب في الثانوية
Romanceقصة فتاة اسمها اريج تقع في حب استاذها من اول نظرة . ابطال القصة. اريج:طفلة عمرها 15سمرة حلوة شعرها طويل عينيها نوازات قصيرة وسمينة شوي مسرارة وحشامة آدم : استاذ يقري في ليسي علوم عمرو 30 جنتي .هو طويل وزين
