حب في الثانوية

131

في الصباح  نضت على صوتو يفتح في الباب تاع الشمبرة شفت فيه شحال كرهتوا في الوقت هدا غالق عليا الباب يحسابني راح نبقالوا هنا كون يغلق عليا الف باب ما راح نقعد عندو صاي كل واحد في طريقوا . شاف معايا قالي نضتي . قتلوا راح نروح  لدارنا . قالي اريج وش هدرنا لبارح . قتلوا مهدرنا والوا كل واحد في طريقوا . قالي شبيك انتي شبيك راكي حابتني  ندور عليك ونوريك وجهي الثاني مش كي قتلك راني غالط راح ### فيها . قتلو دير وش تحب انا راح ندي بنتي ونروح لدار بابا مبقالي حتى قعدة مع واحد خاين من مرا لمرا . هز يدو وخبطني بكف وجهي تخدر عليا. شفت فيه قتلوا  معليش زيد عمر دواسيك معايا باه نكرهك اكثر من راني كارهاتك دوك . قالي شوفي والله  ما عندك خرجة من الدار  وادا راكي حابة تروحي روحي على روحك بصح بنتي متخرجش من دار باباها.قتلوا راح تفكلي بنتي متقدرش انا لي تعبت عليها ووصلت للموت علاجالها متقدرش تديها .قالي بنتي تقعد عندي هدا آخر كلام وانتي ادا راكي حابة تروحي الطريق قدامك مراحش نجبرك انتي لي خترتي . قتلوا علابالك علاه راك ديرلي هكدا ، غير كي شفتني نحبك منقدرش   بلا بيك من لي عرفت صلاحي حبيتك  وانت كبير وستنيتك وتعذب علجالك  وحاربت الدنيا كامل علاجالك بصح انت باه جازيتني  ذليتني وعفست عليا ستقويت عليا وقلت صاي راك ضامني في جيب خلي ندير وش نحب بصح نقول حاجة كلش عندو حدود وانا جبت اخري معاك صح نحبك بصح بزاف عفست على كرامتي علاجالك . قالي غير هدا واش متفكرا من حياتنا . قتلوا كلشي فسدتوا انت . قالي معليش مراحش نلومك على كلامك . كان راح يكمل هدرتوا صوتا تلفونوا هز يهدر عيطولوا من خدمة قالهم اني جاي عشر دقائق نكون عندكم . كوبا قالي لعشية ونكملوا هدرتنا. خرج لبس الفاست تاعوا وخرج من الدار . يحساب راح يلويلي يدي ببنتوا بصح ماعلابالوش بلي راح نرميلوا بنتوا ونروح . لبست لريتاج وبعد ما فطرتها ولبست قشي هزيت فاليزتي فيها قشي وذهبي ومشيت للباب وانا ندعي يكون مغلقوش  عليا بالمفتاح يخي الحمد الله لقيتوا مفتوح خرجت حكمت تكسي ومشيت لدار عجوزتي فتحت عليا رحبت بيا قعدت قاتلي لباس اريج قتلها لاباس جيت نخلي ريتاج عندك قاتلي علاه رايحة تقراي علاه مبعثهاليش مع آدم الصباح خير .قتلها لا راح نروح نطل على ماما مريضة شوي نعاونها . قاتلي معليش خليها . من بعد شافت مع الفاليزة قاتلي وش فيها الفاليزة مثقلة بيها روحك .قتلها والوا قشي منستحقوش راح نحطو عند ماما تصدقوا . وقفت وخليت ريتاج عندها مسكينة فحمت حابة تبقى معايا . خرجت عاودت حكمت تكسي وصلت لدارنا طبطبت فتحتلي ماما قاتلي اريج وش جابك . قتلها جيت نقعد  . قاتلي وين راهي بنتك خلتيها مع آدم برة . قتلها لا مجبتهاش راح نخليها تقعد مع باباها وعجوزتي . قاتلي علاه ما جبتيش بنتك معاك مهبولة انتي دوك تبكي عليك كيفاش تقعدي بلا بيها . قتلها نورمال راهي موالفة تقعد عندهم ما تبكي ما والوا أنا جيت نروبوزي منها.  قاتلي انتي مريضة انتي قولي يا الله روحي جيبي بنتك وارواحي كيفاش هادي تخليها عند باباها . قتلها من لخر راني متعاركة مع آدم وهو قالي بنتي متخرجش من دار باباها خليتهالوا وجيت يشبع بيها بنتوا لي هابل عليها .  ماما عادت تندب في وجها قاتلي نقتلك يا اريج وش درتي للراجل راح تهبليني امشي  ارجعي لدارك امشي عليا  . قتلها شوفي غير ما كان لاه تبداي هو لي  غلط معايا نهار يجي يطلب مني سماح ساهل الحال .قاتلي وش دارلك . قتلها حاجة بيني وبينوا . منعرف علاه محبيتش نقولها بلي لقيتوا يهدر مع طفلة في ليل يمكن محبيتش نطيح من قيمتوا في عينين ماما مهما صرا يبقا راجلي مذبيا يبقا في عينين  الناس هو الراجل المثالي وشانوا عالي حتى اذا تسيبارينا انا وياه مزال منبغيش عليه حتى دقة الشوكة. قاتلي مدام بينك وبينو الله يسهل بصح وش راح تقولي لباباك وخوك .قتلها منعرف شوفي انتي وش تقوليلهم . قاتلي صاي دوك نقولهم بلي مريضة ولازم تبقاي عندي . دخلت للشمبرة. تاعي ستفت حوايجي في الخزانة وقعدت جبدت التلفون لقيتو حرقوا باليزابال هزيت عليه قالي اريج انتي  راح تهبليني وكيفاش تخلي بنتك وتروحي لداركم الطفلة لقيتها فاحمة من البكا انتي مريضة في مخك . قتلوا ياك انت لي حبيت تلويلي ذراعي بيها ها راني خليتهالك حير بيها بنتك لي راك هابل عليها قالي شوفي راني جاي وجدي روحك ترجعي لدارك ومشاكلنا نحلوهم في دارنا متخلنيش نتقلق اكثر ما راني مقلق . قتلوا انسا باه نرجع معاك انا راح. نبقى في دار بابا وادا بيك على بنتك ياك راني خليتهالك وش تحوس اكثر.  قالي اريج متهبلينيش معاك . قتلوا ما نهبلك ما والوا انت وصلتنا لهنا بفعايلك  . قالي راني جاي ونتفاهم معاك وواحد ما يفكك من يدي على الهبال لي راكي ديري فيه علابالي انتي خصك السنتورة باه تفهمي . كوبيت عليه يروح يقود يحساب راح يخوفني الخاين الكلب . شوي وسمعت لاصونات تاع الباب عرفتوا هو لمزية بابا مكانش منيش حابة لحكاية يدخل فيها بابا ومحمد . جات عندي ماما قاتلي راجلك جا  راه في صالة يعيطلك . خرجت عندو لقيتوا قاعد غير شافني قالي علابالك راني حاكم روحي عليك على شعرة صينو اقسم بالله نطلق ميتة قتلوا علاه جيت وش تحتاج قالي جيبي حوايجك ويالله نروحوا .قتلوا متفهمش انت قتلك منروحش راح نقعد هنا . قالي اريج متخلنيش نعيط يماك تسمعنا هيا قتلك . قتلوا وانا قتلك لا من اليوم تنساني وبنتك لي راك ميت عليها راني خليتهالك اشبع بيها . وقف قدملي حط يدو على خدي ويد ورا مسلاني قالي ريجا عمري هيا نروحوا لدارنا والله راني غلبان وقلقان وغارق في مشاكل الخدمة لراسي متزيدينيش انتي علابالك بيا نحبك وراني عترفت بلي كانت غلطة وحلفتلك وش  تحبي اكثر من هكدا . للحظة غاضني قلبي الطحان مزال يثأثر بأصغر لمسة منو بصح ادا سامحتوا ورجعت معاه راح يعاودها مرة وزوج وثلاثة . قتلوا روح عند لي غلطت معاها وش راح دير بيا انا روح عندها هيا ياك بدلتني بيها . قالي اريج يا اريج راح نبقا نحاول فيك علابالك بيا معنديش صبر والله نكركرك من الشعر ونلوحك في دار ونغلق عليك . قتلوا جرب سعدك وحط يدك عليا . بعد عليا وستغفر ورجع قعد فوق الفوتاي قالي علاش ماتجيش تقعدي وتسمعي لحكاية كاملة وانتي من بعد قرري وش حبيتي . قتلوا منسمع ما تبلعطني بكدبك كلش باين كي الشمس . شاف معايا مكرز اكثر. حاجة تقلقوا كي نقولوا تكدب يهبل. قالي علابالك بيا معنديش طريق مع الكدب ومش راح نخاف منك حتى نكدب عليك فهمتي ريقلي فمك .