حب في الثانوية

chapitre 61

خرجت الطبيبة من عندي دخلت ماما و عجوزتي قعدوا معايا كل وحدة تلوم فيا من جيهة ويوصو فيا تهلاي في روحك وفي البيبي وانا غير نقولهم ايه أصلا مخي مش معاهم نستنى فيهم يكملوا باه نروح لآدم ، كي سكتوا قتلهم كملتوا . قاتلي ماما ايه . قتلها هيا عاونيني نوقف نروح لآدم . قاتلي عجوزتي وش كنا نوصوا فيك احكمي بلاصتك على الأقل حتى تفيقي مليح من الدوخة . قتلها مها نروح عند ادم . قاتلي اريج اسمعي الكلمة على أقل اصبري حتى ساعة انتي حابة تهلكي روحك ولا واش . ديجا راه معاه ولاد عماموا الرجال معندك ما تروحي ديري في نصهم . فاتت ساعة زاد جات الطبيبة شافتني قاتلي راح نديرلك الاكسجين مراكيش تتنفسي مليح . قتلها لا راني لاباس عليا .قاتلي يا بنتي راني انا طبيبة وقتلك مراكيش تتنفسي مليح تعرفي خير مني . دارتلي الاكسجين وخرجت . قاتلي ماما تروحي تقعدي عندي حتى ترتاحي هادو ليامات . قتلها ماما راكي تحكي صح وادم  . قاتلي عجوزتي يماك عندها الحق وادم راني انا نتهلا فيه ، ديجا دوك يجي الغاشي يطل عليه ماتقدريش تقعدي براحتك ، روحي مع يماك خير . قتلها اواه منقدرش نخلي آدم وشبيكم هبلتوا هو مريض نخليه ونروح معاك . كنت نهدر ونعيط . قاتلي ماما بعقلك برك وشبيك تعيطي ، قتلها مش قاعدة نعيط انتي لي وشبيك تعيطي عليا ، وليت نبكي مفهمتش حتى علاه قاعدة نبكي . شفت عجوزتي بقات تغمز لماما . وسكتوا قتلهم قولوا لطبيبة تاع الهم هادي تجي تنحي عليا هاد الاكسجين راني لاباس عليا . قاتلي ماما اريج . قطعتلها عجوزتي الهدرة قاتلي  خلاص ايه دوك نقولها تجي تنحيه ، ارقدي بنتي شوي راكي تعبتي لبارح مرقدتيش خلاص. قتلها لا مانرقدش راح نروح عند ادم . قاتلي راه مزالوا عندوا الرجال ، ارقدي كي يبقى وحدوا راني نوضك تشوفيه . قتلها ايه . غمضت عينيا بديت نغفا راح نرقد سمعت عجوزتي قاعدة تهدر مع ماما قلتلها وشبيك انتي تعاندي فيها مش تشوفي فيها راهي تتوحم وزيد الشي لي صرا لآدم مش قليل .قالتلها ماما بصح  سمعتيها كيفاه كانت تهدر معانا  ، قالتلها عجوزتي خلي تهدر على روحها الطفلة راهي تتوحم وراجلها داير اكسيدو كيفاه حابتها تهدر . قالتلها هاد وحم ولا هبال يخي حالة يخي .ضحكت عجوزتي وقاتلها ياحليلها حتى هي مسكينة علابالك بيها تحب آدم تموت عليه من لي سمعت وهي في حالة والله خايفة عليها كشما يصرالها وهي مش مساعفة روحها، اهدري معاها بالعقل وفهميها. قالتلها راكي شفتيها كيفاه هدرت معاها شعلت فيا ، راني من بكري انا واريج بنتي منتفاهموش كي القط والفار انا وياها ديما نتعاركوا وزيد درك مع لوحم ما نهدر معاها ما ندور بيها، قولي لراجلها يهدر معاها  . رقدت وخليتهم يهدرو . عند ادم لي كان يخمم على اريج كيفاه داخت ، علابالو بيها متحملش كي دار اكسيدو مخممش في روحوا قد ما خمم فيها كي تسمع . دخلت عندو يماه قالها يما وش راهي اريج فاقت . قاتلي ايه فاقت ودارتلها الطبيبة السيروم ورجعت رقدت ،بصح الله يعينك ولدي وش راه يستنا فيك ، باينة  ماتجي تخلص الوحم تشيب معاها . قالها علاه .  تنهدت قاتلوا ياولدي وحمها باين صعيب وجاها بالقلقة ، درك غير يماها جات تهدر  معاها شعلت وحدها وتعاركوا . قالها  اريج من بكري ماتتفاهمش مع يماها وكل يوم يتعاركوا .قاتلوا  انا من راي تقولها تروح تقعد يمات  في دار باباها على الأقل حتى ترتاح وتريح روحها شوي  ،الطفلة غير نهارين طاح منها النص . قالها يما اريج ماعندها  وين تتحرك تقعد في دارها وتريح في دارها . قاتلوا كيما تحبوا بصح أهدر معاها تساعف روحها . قالها ان شاء الله .
نضت من النوم غسلت وجهي وعدلت خماري وخرجت من الشمبرة لقيت يما وعجوزتي قاعدين مقابل الباب .رحتلهم قتلهم علاه ما فيقتونيش باه نشوف آدم  . قاتلي ماما شفتك تعبانة قلت خلي ترقد تربوزي خير من بعد تشوفيه  . سكتت قتلها آدم راه وحدوا ، قاتلي ايه رحت للشمبرة تاعو فتحت الباب طليت خزر معايا وقالي راهي جات لعميرة تاعي ارواحي عمري ارواحي . فتت عندو قدمت قعدت في الكرسي وحطيت راسي على صدرو نبكي قتلوا آدم ، قالي وشبيها الكبيدة تاعي تبكي ، هدا البكا كل عليا انا مكنتش علابالي بلي تحبيني ڨاع هكدا. بستوا على صدرو قتلوا نحبك فوق ما تتصور راني ما نقدرش نعيش بلا بيك . مسحلي على شعري قالي يا عمري انتيا حتى انا  منقدرش نعيش بلا بيك راكي لهوا لي نتنفسو ، علابالك كي درت الحادث والطموبيل تقلبت بيا اول حاجة خممت فيها هي انتي ،خفت لا نموت ونخليك ورايا انتي وولدي لي مزال في كرشك ، قتلوا بعيد الشر عليك متحكيش هكدا ، علاه تحب تعدبني انت . رجعت نبكي ، ضحك وقالي ملا صح وش راهم يقولوا عليك .خزرت معاه قتلوا وش قالوا عليا ، قالي بلي وليتي تقلقي بالخف . قتلوا شكون هدوا لي قالولك . قالي قالولي وصاي . سكتت وقتلوا حقا شكون لي جا طل عليك . قالي عمومي وولادهم .قتلوا تسما كوثر جات طلت عليك . قالي لا . قتلوا غير مكلاه تكدب ،ديجا نهارين هادو كامل كل يوم تجي باه تشوفك و دارت حالة بالبكا . وانا سكتلها خاطر مش فارغة شغل ليها  بصح شوف كون تجي ونشوفها قدامي متلومنيش على وش ندير فيها ، راني نلملها فيها من قبل . عاد يضحك قالي والله عندها  الحق يما  راكي شاعلة وحدك . قتلوا لاه تشوف فيا نار حتى تقولي شاعلة . دورت وجهي عليه نبكي .قالي بطة  حبي راني نڨصر معاك ، علاه راكي تبكي والله راني نڨصر برك . قتلوا علابالي ، قالي ملا علاه راكي تبكي درك . حطيت يدي على صدرو وبقيت نعدي فيها  على  الجروح لي فيه ، قتلوا شوف صدرك كيفاه مجروح مانحملش نشوفك هكدا قلبي يوجعني ياريت جات فيا و مجاتش فيك .بقا يخزر معايا ومن بعد قالي روحي اقفلي الباب بالمفتاح وارواحي . قتلوا علاه ،قالي روحي برك وقفت رحت قفلت الباب بالمفتاح ورجعتلوا ، شفتوا بعد شوي في السرير وخلالي بلاصة بحداه . فتحلي دراعوا ارواحي عندي حبيبي ارواحي . دخلت بين يديه ورقدت بجنبوا في السرير . بقا يبوس فيا قالي مكنتش علابالي بلي  تحبيني ڨاع هكدا. قتلوا عمرك لا تشك في حبي ليك ، راك انت اول واخر حب في حياتي كلش حلوا جربتوا معاك ، حياتي ما تسوا والوا بلا بيك ، حتى لي في كرشي ما يسوا والوا بلا بيك . باسني على رقبتي قالي يا عمري على المدللة تاعي، تموت عليا ، نحبك تتهلالي في روحك شوفي وجهك كيفاه عاد من السهر والتعب . درتلوا براسي ايه ورجعت دفنت راسي في صدرو نبكي قتلوا توحشتك بزااف . مسحلي على شعري قالي اششش حبيبي متبكيش راني معاك حبي خلاص . قتلوا ايه راك معايا عمرك لا تخليني . قالي ايه عمري ما نخليك حبيبي .خزرت معاه قتلوا نعست حابة نرقد . قالي هيا نرقد حبيبي هيا غمضي عينيك . باسني على راسي وبقا يمسحلي على شعري حتى عاودت غفيت بين يديه ، فقت هاد المرة على صوت الباب فتحت عينيا لقيت آدم متحضني يخزر معايا وباسني على فمي وقالي  صحا نوم على بنتي علاه نضتي كون زدتي رقدتي . قتلوا اواه صاي راني شبعت نوم ، قتلوا شكون يطبطب قالي باين الفرملية باه تجيب الدوا. قتلوا استنى نوض نفتح عليها .قالي خلينا منها ، اقعدي في حضني خير . قتلوا وقتاه تخرج . قالي غدوة الصباح ، ادا تحبي تروحي مع يماك تقعدي يامات عندها تريحي نورمال . قتلوا لالا مها نقعد معاك .  باسني قالي كيما يبغي حبيبي.
غدوة الصباح وجدت آدم باه يخرج عاونتوا لبس قشوا  ، وخرجنا وصلنا للدار كانت عجوزتي وجدتلوا الصالة تاعها  يقعد فيها باه كي يجو صحابوا ولا فامي يطلوا عليه ما يبقاش طالع هابط في الدروج . وصل نص النهار بداو يجيو لافامي تاعو ، جاتني عجوزتي قاتلي اطلعي لدارك ، اضربي الحطة واهبطي نحبك لقفازة ولسان لحلوا مع ضياف . قتلها ايه . طلعت لداري لبست قندورة في الروز تاع دار بصح شابة وجبدت شعري درتوا كوتشفال ، درت شوي مكياج غير فوندوتان وكحل شوي غوجلافر وردي وفاغاجوا . وحطيت الخمار على كتافي وهبطت . لقيت ديجا نسا عماموا جاو سلمت عليهم وقعدت . قاتلي مرت عمو لكبير اريج بنتي راكي شينتي خلاص تبدلتي على من شفتك في العرس ، ياك مش مريضة . قالتلها عجوزتي راهي تتوحم على هديك ضعافت هكدا ، وزيد راكي شفتي وش صرا لآدم غير ربي ستر . قلتلها مبروك عليكم ان شاء الله يجي بصحة وعافية. قتلها ان شاء الله . قاتلي ساعدي روحك برك في الشهورة لولين . قتلها ايه . سمعت آدم يعيط . خرجتلوا رحت للصالة لقاعد فيها . قالي ارواحي عاونيني نروح للدوش قتلوا ايه . عاونتوا دخل الدوش قالي  خلاص روحي برك دوك نكمل وحدي . قتلوا لا نعاونك . كملت عاونتو حتى دوش ولبس قشوا ، ورجعتوا لبلاصتوا ، قتلوا نجيبلك لغدا ونجي . قالي خلي برك ارواحي اقعدي متبقايش دوري بزاف وتعبي روحك . قتلوا نورمال منيش تعبانة ، رحت حطيتلوا لغدا في بلاتوا وديتو عندو ، قعدت بجنبوا قتلوا هيا نوكلك ، ضحك وقالي تحسابيني تعوقت ولا واش ..قتلوا  حابة ندلل راجلي حبيبي تسالني . بقيت نوكل فيه حتى كمل لغدا ، دخلت علينا عجوزتي ، قالتلي اريج لعشية راهم جايين نسا لازم لعشا يكون واجد قبل السبعة ، تعاوني انتي ودنيا وطيبوا حتى يروحو للضياف ونجي نكمل معاكم . قالها آدم يما اريج راهي مريضة وزيد راح تعباها في الطياب مش لازم لي يجي يتعشا ، حطولهم القهوة برك ، قاتلوا اواه عيب لازم لعشا وزيد غير تعاوني برك مش راح نتعبها بزاف و راهي دنيا معاها . قتلوا نورمال راني لاباس عليا . خزرت مع عجوزتي قتلها كوني متهنية بربي ان شاء  الله على السبعة يكون لعشا واجد قاتلي صحيتي بنتي راني نتكل عليك . قتلها تهناي . خرجت قالي آدم متعبيش روحك. بزاف لكان مش قادرة نورمال مطيبيش.دخلت الكوزينة لقيتها سخونة تغلي ، بديت نوجد في دوزان تاع العشا حتى جات دنيا قاتلي هيا نبداو قتلها ايه بدينا نطيبوا في الشخشوخة والشربة وغسلنا السلاطة وزيناها وحطيناها في الفريجيدار . انا كنت نطيب وقلبي راح يخرج على فمي من ريحة تاع اللحم . بصح حملتها وسكتت مهم ماجيت نخلص ،حسيت روحي راح نموت . قلت لدنيا عندك الماكلة لتتحرق راني رايحة للدوش . دخلت نجري للدوش نتقيا ،.كي كملت خرجت قعدت في البالكوا حاسة نفس تقطعلي من السخانة تاع الكوزينة . حطيت راسي على الحيط وغمضت عينيا وبقيت نتنفس بالعقل ،دخت نسمع في الهدرة  بصح مش قادرة نوض تقول عليا في بير . نسمع في صوت دنيا وهي تحوس عليا ،بقات تفركت عليا من بعد سمعتها راحت لآدم قاتلوا آدم اريج راهي معاك . قالها لا مش معايا من قبيل ماجاتش ياك كانت طيب معاك في العشا قاتلوا ايه بصح راحت للدوش مرجعتش رحت شفتها في دوش مكانش.وقف وقالها وين راحت الطفلة بلاك طلعت لفوق للدار . قاتلوا راني طلعت مكانش .نسمع فيه خرج حتى هو يفركت عليا . وانا راني قاعدة في الارض في كوانة تاع البالكوا وزيد مطفية الضو منبانش ..سمعتوا قالها وين راحت الطفلة هادي ،زيد جات عجوزتي معاهم بقاو وحد العشر دقايق وهم يحوسوا عليا ، حتى دخل آدم البالكوا لقاني قاعدة لثم . طبس عندي قالي ريجا حبي راكي راقدة ، مرجعتلوش بقا ينوض فيا والوا مقدرتش نوض . سمعتوا عيط يما جيبيلي الريحة . جابتلوا دارلي في خشمي وبقا يفطن فيا بسيف باه فقت . مع فتحت عينيا قالي حبي راكي لاباس . قتلوا لاباس . قالي كيفاه حتى دختي هنا . قتلوا كنت في الدوش مقدرتش نتنفس جيت قعدت هنا مفقتش مع روحي دخت .
عاد يعيط عليا قالي علاه متسمعيش الهدرة انتي ياك قتلك راكي مزالكي مريضة وانتي داخلة طيبي ، كون دختي في الدوش مش راهي صراتلك حاجة . قتلوا وشبيك تعيط عليا لاه.انا دوخت روحي بالعاني ..قالي انا نهدرلك هك وانتي تهدري هك. قاتلوا عجوزتي آدم خليها ، هيا بنتي ارواحي ريحي  شوي . قتلها خلي برك راح نروح نكمل لعشا . قالي آدم وش كنت نهدر من قبيل انتي متفهميش ولا واش . خزرت معاه نبكي قتلوا وشبيك انت من قبيل وانت تعيط عليا . قالي نعيط عليك خاطر راسك لداخل فيه لحجر متسمعيش الكلمة ، الحاجة لي  نقولك عليها ديري العكس تاعها . وقفت وجيت خارجة وخليتوا يهدر حكمني من يدي قالي وين رايحة . قتلوا اخطيني متهدرش معايا . قالي اريج اعدلي فمك وش لي أخطيني هادي . وليت نعيط قتلوا اخطيني ايه ما تفهمش  . قالي نقصي ر# صوتك لا نوض ليك نفزدك ليل ليل . نحيت يدي من يدو وخرجت وخليتوا ، نسمع في عجوزتي تقولوا راني قتلك وحمها جاها بالقلقة خلي تهدر وش تحب ادا راح تعاندها تعود كل يوم حرب نايضة في الدار ،بلعقل عليها ولدي مسكينة مش تشوف فيها مريضة وزيد بالحمل ، ادا مش قادر تتحملها ابعثها تقعد عند يماها حتى يكمل وحمها ومن بعد ساهل . طلعت لداري دخلت للشمبرة بدلت قشي ودخلت في الفراش ، قعدت نبكي خممت غدوة نروح نقعد عند ماما خير ، شوي هم سمعت الباب تفتح عرفتوا آدم ، دخل للشمبرة لعبتها راقدة ، جا جيهتي قعد بقا ينوض قالي بطة عمري رقدتي ،تقلبت على الجيهة الثانية وخليتوا ،مسحلي على شعري وباسني على دراعي وعاود خرج . انا بقيت نخمم حتى  رقدت فقت على الثلاثة تاع الصباح على صوت حاجة قاعدة تمشي في الشمبرة فتح عينيا ، حطيتوا آدم لقيت روحي غير وحدي في الشمبرة ، انا الحق خفت ، من بعد شفت خيال تاع حاجة عدات تجري في البالكوا . انا قلبي قريب حبس متت بالخوف نضت نجري خرجت من الدار هبطت لدار عجوزتي ، وفتت للصالة لي راقد فيها آدم دخلت لقيتوا راقد في بلاصتوا ، قدمت عندو قعدت نوض فيه . قتلوا آدم نوض ، فتح عينيه قالي ريجا وشبيك نايضة درك . قتلوا خفت . فتحلي دراعوا قالي هيا عندي ، دخلت في حضنو وانا نرجف مسحلي على شعري باسني قالي علاه خايفة هكدا . قتلوا والوا خفت برك كي ملقيتكش راقد معايا . قالي يا عمري على بنتي الخوافة صاي من ليوم منزيدش نخليك ترقدي وحدك . بستوا على صدرو قتلوا ايه متخلنيش وحدي .