حب في الثانوية

chapitre 57

نضت الصباح لقيت آدم قاعد . قالي صباح النور على البطة تاعي . بستوا قتلوا صباح النور . حط يدو على مسلاني قالي مزال ظهرك يوجع فيك . قتلوا شويا برك . قالي هيا وجدي روحك نهبطوا مع بعض . وقفت وجدت روحي لبست جبة مستورة بالدراعين وخمار درت شوي مكياج . وخرجنا هبطنا حاكمين في يدين بعضانا لقيناهم قاعدين يفطرو ، دخلنا قالهم صباح الخير . رجعولوا كل غير ام كوثر . قاتلوا باه تربي مرتك لي ضربتلي بنتي جاي حاكملها يديها . قالها مرتي متربية وبنتك تستاهل واحد ما قالها خربيلي في مرتي . تبسمت وخزرت مع كوثر وجها ولا اصفر ، كامل مطراسي بظوافري . قاتلوا مرت عمو فرحان بيها وهي لبارح صوتها جايب آخر الشارع وعمامك يسمعوا فيها تخسر في الهدرة . قالها مش غير مرتي حتى بنتك وقدامك راني نقولها تزيد دوريلي بمرتي نهدر ديراكت مع باباك . بقيت نشوف معاها ونتبسم مكرة فيها ، وجها ولا احمر كي حبة تاع الطماطم من التبهديلا تستاهل . خزر معايا وقالي راني خارج تهلاي .قتلوا استنا نجيبلك قهوة . قالي خلي برك راني مزروب . خرج خرجت وراه وصلتوا الباب . خزر معايا قالي اريج نوصيك اقعدي عاقلة خلي نكملوا هاد نهارين على خير . قتلوا ان شاء الله والله ماندير حاجة . ضحك وقالي بصح راكي شوهتيلها وجها مسكينة .قتلوا ماتقولش عليها مسكينة تستاهل واحد ما قالها تكحلي على راجلي ، المرة الجاية تعاودها نعميلها عينيها. بقا يضحك من بعد قالي كيما وصيتك اقعدي عاقلة كشما كاين عيطيلي اوك . قتلوا اوك باسني وخرج .
عاودت دخلت قعدت نفطر وانا نشوف في كوثر وامها راح يترشقوا مني وانا نضحك والله ما علابالي بيهم خلي يموتوا من الغيرة . كملت هزيت الماعن تاعي ديتهم الكوزينة لقيت كوثر تم . حطيتهم فوق البوتاجي وقتلها وش عجباتك الطريحة تاع لبارح ، حطيت يدي على فمي وقتلها يا مسكينة وجهك تشوه . قاتلي راح تندمي عليها. قتلها نضربك انا ويزيد يجي راجلي حبيبي يرخسك . هادا وش يصرى بوحدة تحط عيناها على راجل متزوج ، وتزيدي تقربي من راجلي ولا تشوفي فيه نعميك فهمتي . خرجت وخليتها بردت قلبي فيها .
عند كوثر دخلت عليها يماها لقاتها تبكي قالتلها علاه راكي تبكي .قالتلها بهدلتني قدام لبنات لبارح قعدوا يضحكوا عليا وزيد سمعتي آدم وش هدر . تحظنتها يماها قالتلها . وراسك يا بنتي غير ندمها كون منرجعهاش مهبولة تقطع في قشها مانيش مرا .اصبري تشوفي نفرج فيها الناس . شوفي غير تشوفيها دخلت الدوش اطلعي للشمبرة تاعها جيبيلي حاجة من قشها بلا ما يشوفوك . قالتلها وش راح ديري بقشها . ضحكت وقالتها نخليك تشوفي وحدك بلا مانقولك .
دخل آدم بقا يعيط ريجاا خرجتلوا قالي جيبيلي السرفات تاعي الكحلة قتلوا علاه راح تبدل قالي راني رايح ندبح مع عمي خفي روحي جيبيلي عمي يستنى فيا . جبتلوا ورجعت عطيتهالوا قتلوا دومي وين راح تدبحوا قالي هنا بحدا الدار قتلوا ملا انا نطلع نقعد في الشمبرة حتى تكملوا. قالي علاه قتلوا ما نحملش ندوخ . ضحك قالي ايه كي نكملوا راني نقولك .خرج وحد نص ساعة وعيطلي قالي رانا كملنا . قتلوا صح راكم كملتوا ليه ليه .قالي ايه اهبطي برك . هبطت مع وصلت لتحت لقيتوا داخل هاز الراس تاع الكبش و الرجلين كي شفتهم قريب دخت دخلت نجري الكوزينة نسمع فيهم يضحكوا عليا هو ودنيا وبنت عموا . زاد دخل عليا هاز الراس تاع الكبش من الڨرون تاعو قالي هزيه . قتلوا آدم بعدوا عليا راني مانحملش بعدوا .قالي ليوم نحيلك الخوف منهم احكمي هزيه . قتلوا والله ما نحملوا تعيش بعدوا عليا راني راح ندوخ . شفت عجوزتي دخلت .قتلها يما قوليلوا يبعدوا عليا . ضحكت وقاتلوا آدم خلي الطفلة قاتلك ما نحملش بعدوا عليها. قالي هاكي هزيه برك ميصرالك والوا . قتلوا لا بعدوا عليا ، هز يدو خامجة بالدم ودارلي في وجهي ويما احكميني وليت نعيط بالصوت رحت نجري للافابو نغسل في وجهي . زاد حكملي يدي فتحهالي وحطلي الراس تاع الكبش في يدي . وليت نبكي قتلوا بعدوا عليا راح نتقيا.  بعدوا من يدي رحت نجري للدوش نتقيا بقيت عشر دقايق وانا نتقيا . لحقني آدم وعجوزتي . بقات تلوم في أدم قاتلوا ياك قتلك يا آدم حبس  من  اللعب السامط  تاعك هدا شوف وش درت في الطفلة . قالها يما والله معلابالي بلي يصرالها هكدا خزر معايا وانا نتقيا مسحلي على شعري قالي حبي وش صرالك هكدا راني كنت نلعب معاك برك معلاباليش بلي متحمليش صح . غسلت وجهي وقتلوا علابالي . حكملي وجهي بين يديه قالي واش تنحات عليك .قتلوا ايه . راحت عجوزتي جابتلي نص كعبة تاع قارص . قاتلي هاكي اعصريه في فمك . قتلها منحبش القارص . حكملي آدم يديا قالها ارواحي اعصريلها في فمها.  جات عجوزتي فتحتلي فمي وعصرتلي القارص . بلعتها  خرجت وخلاتني مع آدم . بقيت نغسل في وجهي ويديا بالجافيل باه تتنحا ريحة تاع الكبش . قالي خلاص راهي راحت الريحة حبسي من الجافيل . قتلوا مزالت راني نشم فيها . جا راح يقربلي . قتلوا حبس متقربليش بريحتك هادي . قالي خلاص مش راح نقربلك . خرجت طلعت للشمبرة بدلت قشي كامل وعمرت روحي بالريحة والكريمات . وتكيت في السرير حاسة الدنيا دور بيا . رقدت حتى الخمسة تاع العشية باه نضت . دخل آدم جاني قالي صحة النوم على البطة تاعي . كان راح يقرب يبوسني قتلوا بعد . قالي علاه . قتلو ريحتك . قالي وشبيها ريحتي راني دوشت . قتلوا  معلاباليش مارانيش حاملتها.  قالي خلاص اسيدي مش راح نقربلك . نوضي تتغداي . قتلوا ايه ، بصح جيبلي الشيبس راني سخفانة عليها . قالي وش حكايتك مع الشيبس هادي . قتلو سخفانة عليها برك ..قالي دوك نروح نشريلك.  تغديت وكليت الشيبس لي جبهالي وهبطت كملت سهرت معاهم كي جاو داو الفراش تاع العروسة .  كملنا السهرة وطلعنا رقدنا انا وعجوزتي في الشمبرة . وصلت 2 تاع الليل فطنت وانا متوحشة آدم حباتوا وحابة قربوا  قلبي يرجف عليه حابة غير نشوفوا  ، هزيت التلفون شفت الساعة ، من بعد عيطتلوا . هز عليا . قالي ريجا حبي لباس كشما بيك . قتلوا ما بيا والوا توحشتك برك قالي ياعمري حتى انا توحشتك . قتلوا ارواح نشوفك . قالي وين نجي وناس راقدة ، ديجا يما راهي راقدة معاك متصلحش . قتلوا بصح توحشتك حابة نبوسك . عاد يضحك . قالي راكي قاعدة تتحرشي بيا . قتلوا ايه نورمال ياك راجلي.  سكت شوي من بعد قالي وجدي روحك ، خمس دقائق نعيطلك اخرجيلي . قتلوا علاه ، ضحك وقالي نديروا ليله في اوتال . ضحكت قتلو صح . قالي ايه هيا خفي وجدي  روحك . قتلوا اوك . وقفت بدلت لبست نويزات حمرة ولبست فوقها حجاب ، وهزيت معايا شوي مكياج في الساك درت الخمار . لبست صباطي .فاقت عجوزتي من نوم قاتلي اريج وين رايحة في هاد الليل . قتلها رايحة مع آدم .قاتلي  غير الخير وين رايحين كشما صرا . قتلها ماصرى والوا رايحين برك . قاتلي وين رايحين . حشمت ما لقيت وش نقولها بقيت ساكتة . فهمتني ضحكت قاتلي روحوا ربي يسهل تهلاو في رواحكم وغدوة الصباح ارواحوا بكري. قتلها ان شاء الله  .صونا التلفون تاعي . قتلها راني هابطة آدم راهوا يستنى فيا لتحت . قاتلي روحي . هبطت لقيتوا يستنى فيا قدام الباب . ركبنا في الطونوبيل خزر معايا وقالي ملا توحشتيني الليلة نديرو سهرية حمرة. ضحكت قتلوا ايه ، قدمت بستوا على فموا قتلوا هادي نصبر بيها روحي حتى نوصلوا.  عاد يضحك قالي وقيلا ليوم ضربتي فيها حبة اريكا ولا صاروخ . قعدت نضحك . فتح التواقي تاع الطونوبيل وحط لغنا ، روعة هزيت يدوا بستها قتلوا نحبك . قالي وانا نعشق فيك . وصلنا للاوتال يهبل ، دخلنا قالو آدم شومبرة للعرسان وعطالوا لي كارت تاعنا . عطانا المفتاح روحنا للشمبرة دخلنا لقيناها تهبل مزينة بالورد الاحمر و الشمع والسرير أبيض وفيها كلش وش يحتاجوا العرسان . قتلوا ندخل للدوش نوجد روحي ونجي. دخلت نحيت الحجاب ، وطلقت شعري ودرت مكياج سامبل وغوجالافر كيف لاكولار تاع النويزات . ودرت الكريمات والبرفان وخرجت . لقيتوا تكسل في السرير ونحى التريكو . كي شافني صفر وقالي يا عمري على الشابة تاعي ملكة جمال . قتلوا صح . قعد على طرف السرير وقالي ارواحي . روحتلوا قعدني على رجليه قرصني على صدري وقالي شحال توحشتوا . ضحكت وقتلوا يا آدم احشم . قالي درك تقوليلي احشم ياك  انا كنت راقد على روحي وانتي لي عيطتيلي تتحرشي بيا.طابس باسني من صدري قالي ديجا  خليني نتمتع  برزقي .  وقفت خزرت معاه قتلوا انا نخليك تتمتع   برزقك . رحت للتيلي ركبت التلفون تاعي ودرت غناية مصرية وزدت للصوت . ضحك وقالي وش راح ديري .هزيت الخمار وتحزمت بيه قتلوا راح نمتعك . بقيت نشطح بالمصري وهو هز قارو يتكيف فيه و يتفرج عليا ، كي كملت حكمني من مسلاني وجبدني ليه قالي ماكنتش علابالي بلي متزوج برقاصة ، بقا يبوس فيا على رقبتي وصدري قالي راني نت### عليك ، مهبول بيك   نسمح في الدنيا كامل علاجالك يا الكبيدة تاعي . كملنا ليلة ولا في الاحلام  فقت على آدم يهدر في التلفون . كمل خزر معايا قالي صباح النور على البطة تاعي . قتلوا صباح الحب مع من كنت تهدر قالي مع يما عيطتلي باه نرجعوا..قتلوا لاه قداه الساعة .قالي راهي 10ونص .قتلوا يا راح الحال ، لقيت تريكو تاعوا لبستوا ووقفت قتلوا نروح نوجد روحي باه نرجعوا ، عديت بجنبوا قرصني على فخضي قالي وهادوا علاه سمانوا هكدا  . ضحكت قتلوا مانعرف  . قالي من الشيبس لي راكي تاكلي فيها . وجدت روحي وخرجنا.  قتلوا وصلني عند الحفافة نوجد روحي باه كي نروح ما يفوتنيش الحال .قالي اوك .وصلني عند الحفافة قالي اسمعي مثكتريش بزاف المكياج وعندك لا تقصي شعرك راني نبهتك . قتلوا ايه علابالي . قالي كي تكملي عيطيلي . دارتلي بابليز وطلقتهولي ودارتلي مكياج سامبل . كملت عيطتلوا جاني ، شافني قتلوا واش جيت ملاحة ولا لا .قالي جيتي بوبية.  قتلوا صح . قالي ايه . وصلنا للدار    دخلنا لي تحكمني تسقسيني وين كنتوا من البارح في الليل قتلهم كنت عند ماما  .

لبست كاراكو بصح باللاجيب مش سروال ومعاه البرنوس تاعوا في الازرق ولبست دهبي كامل مع صندال تاع الطالو . دخلت عجوزتي شافتني قاتلي الله يبارك على كنتي راكي صاي واجدة قتلها ايه صاي كملت كي جيت .قاتلي شابة ربي يحفظك من العين . قتلها ربي يخليك ليا يا الغالية.  هبطنا انا وياها لتحت باه نروحوا في الكورتاج . عيطلي آدم قالي اسمعي متخرجيش حتى يخرجوا كل  ، وكي تخرجي ديراكت تجي الطموبيل تركبي ، سمعتي والخمار نلقا حاجة منك تبان نشويك . قتلوا ايه . كي خرجوا كل خرجت ركبت ديراكت في الطموبيل تاعو ، هك شوي وجا ركب . خزر معايا قالي وش لبستي هكدا . قتلوا مش مليحة . قالي وليتي انتي تباني لعروسة . ديمارا وطلع لي كاروا قالي نحي خلي نشوفك . نحيت البرنوس على راسي حكلي شعري وبقا يشم فيه قالي شعرك هدا نفنى عليه .