حب في الثانوية

123

كملنا العومة انا وياه  روعة بصح مرة على مرة يغفلني ويغرقني حتى قريب تخرج روحي من بعد يقولي راني نلعب معاك برك . قتلوا هدا مش لعب غير قول بلي راك حاب تقتلني وصاي . بقا يبعد بيا وانا معنقاتوا لاصقة فيه  حتى وصلنا لبلاصة امبوسيبل نقدر نعوم فيها وحدي ، قالي نخليك هنا ونروح . قتلوا والله نموت وشبيك . قالي لا صاي كرهت منك موتي ولا ربي يسهل اطلقيني هيا .لصقت فيه قتلوا آدم متبداش تصمط قالي قوليلي حاجة تخليني نبقا . قتلوا نحبك قالي لالا هادي والفتها صاي ، زيدي معاها حاجة اخرى قتلوا انت حياتي . باسني قالي وانتي حياتي ، راني غير نضحك معاك برك مهبول انا حتى نخليك ونروح . قتلوا  علابالي . مسحلي وجهي قالي وشبيها العميرة  تاعي ترجف بردتي   درتلوا براسي ايه قالي هيا نخرجوا لا تمرضيلي من بعد نعاشي حاصل طبة وسبيطارات ودوايات  . قتلوا بصح انا مزلت حابة نعوم معاك .ضحك قالي عجباتك العومة معايا قتلو بزاف بزاف . قالي خلي غدوة ونرجعوا دوك لازم نخرجوا دنيا من قبيل وهيا قاعدة وحدها نخاف كاش واحد يتبلاها . قتلوا صح عندك الحق ديجا راهي قريب تغرب الشمس . رجعنا شوي للشط وين نقدر نعوم نورمال غفلتوا وغطست تحت الماء  نرجعلوا شوي وش دار فيا جبدتوا على رجليه حتى تقلب طاح . احكموني  من الضحك وانا نشوف فيه طايح يتخبط وانا نجبدلوا في رجلو من تحت مخلتوش يوقف بهدلت بيه كي وقف بعدت عليه نجري نسمع فيه يقولي نحكمك #### .  كي خرجنا من البحر خلاص حكمني من رقبتي معنقني ويخنق فيا قالي وش ندير فيك دوك قولي بهدلتي بيا قدام الناس . قتلوا تستاهل انت لي غرقتني لول . كي وصلنا للباراسول تاعنا لقينا هداك الراجل تاع قبيل ماشي من جيهة للباراسول يبان كان فيها ولا واقف حداها . حتى دنيا لقيناها واقفة ووجها مخلوع ، انا فهمتها طايرة بلي كان هنا عجالها . شاف معاها آدم مطلع حاجبوا علابالي دخلوا الشك قال هداك الراجل وش كان يدير من هنا. هيا وجها بياض من الخلعة  قاتلوا معلاباليش منعرف . قالها كشما هدر معاك ولا تبلاك قاتلوا لا لا أصلا مشفتوش . شاف معايا من بعد قالها ايه معليش . قالنا راني رايح نشري الدخان دوك نجي . راح وخلانا قتلها وش قالك قاتلي جا طلب النميرو كي قتلوا لا قالي نهدر مع خوك والله قتلها وش قلتيلوا قاتلي باينة قتلوا لا ، أصلا راكي علابالك بالحكاية الخطاب هداك لي هدر مع آدم في الرمضان مزلنا مرجعنلوش . قتلها دنيا نقولك حاجة وخوديها نصيحة مني تعرفيني منحبلكش الشر ، انتي مراكيش مفهمة روحك وش حابة ،محمد انساي حكايتوا خاطر انتي محبتيه ما والوا  مدام راكي تشوفي في رجال اخرين يمكن كان اعجاب وراح ، خيري واختاري في عقلك هادي حياتك انتي واحد ما يدبر عليك لا آدم لا غيرو لي ترتاحيلوا شكلا وعقلية هداك هو لي تكملي معاه حياتك  ديري كيما انا نهار لي خيرت آدم خيرتوا عن قناعة تامة وواحد ما خليتوا يدخل في قراري ونهار لي طلقني والله ما ندمت خاطر انا لي خيرت وواحد ما ضغط عليا وكان علابالي بلي يستاهلني غير هو وانا ما نستاهل حتى واحد من غيرو وشوفي ظهر عندي الحق وكتب المكتوب ورجعنا  . سكتت ماقالت والوا . رجع آدم وقف يتكيف في قارو ، وانا ودنيا نشربوا في تاي مع المكسرات . طلت علينا عجوزة من الباراسول تاعها . قالتنا لاباس . قلنالها لاباس . حطيناها حتاجت حاجة .شاورتلي ليا قاتلي هداك لي واقف راجلك  ولا خوك . قولتلها لا  راجلي .قاتلي حتا انا عرفتها كي شفتوا معنقك قبيل  ربي يبارك مشاء الله تهبلوا من قبيل وانا نشوف معاكم عجبتوني . قتلها عينيك لي يهبلوا ايوما ربي يحفظك . قاتلي ربي يستركم من العين ويرزقكم بالذرية الصالحة قتلها آمين .  شحال فرحتني هدرتها،  شفت مع دنيا قتلها هدا وش نقصد كي قتلك خيري لي يطلع عليك . قاتلي عندك الحق . جا آدم قعد وهز يشرب في تاي من كاسي  قالي شوي ونرجعوا للدار . هزيت التريكو تاعوا قتلوا البسوا .قالي وشبيك انتي مع تريكوا راه مديرونجيك .  قتلوا لا انت لي مديرونجيني  وانت  معري روحك  والبنات يكحلوا عليك شوف شحال  كاين واحد كيفك هكدا ، مكانش ألور لازم تستر روحك لا يضربوك بالعين منيش حابة نرجع بيك للدار ناقص حاجة بعيد الشر .انا نهدر وهو ودنيا ميتين بالضحك عليا . قالي وقيلا زوج لخيوط لي كانوا في مخك زادو طارو ليوم . كملنا قعدنا شوي ورجعنا للدار لقينا عجوزتي راقدة في سابع نومة  كي دخلنا باه ناضت انا خليتهم  معاها ودخلت ندوش كملت رجعت للشمبرة لقيت آدم قاعد قالي وش كان يحتاج هداك الراجل من دنيا باينة راهي حكاتلك .  قتلو معلاباليش محكاتليش قالي راكي تتمسخري بيا  علابالي بلي حكاتلك قولي الصح . شعلت فيه قتلوا شوف مدخلنيش في مشاكلكم اختك راهي في الصالة روح سقساها هي علاه راك تسقسي فيا انا وش دخلني  لكان تستنى فيا نعود نهز الهدرة من عندها ونجي نقولهالك غير انسى غير هاد شي لي مانديروش منيش فتانة . قالي لا راكي ترعدي في صوتك عليا ارواحي اضربيني خير . قتلوا انت لي راك تهبلني من بعد قولي راكي ترعدي في صوتك عليا .  قالي ونوضلك نضربك بزوج كفوف نفسدلك وجهك على فمك لمشرك . سكت من بعد قالي  راني هدرت معاه الراجل  لحقتوا كي روحت نشري الدخان قالي جيت ناوي الحلال وقلتلها بلي حاب نهدر معاك نخطبها من شفتها عجبتني . قتلوا ها راك علابالك  بالحكاية علاه جاي تجبدلي في خيوطي . قالي حبيت نكونفرمي برك . قتلوا تأكد من عندها انا وش دخلني . قالي وشبيك  انتي شاعلة وحدك غير الخير نهدر كلمة ترجعيلي عشرة.  نسفت مقلقة قتلوا غير فوتني برك راني منيش حاملة روحي ملا مدورش بيا . كنت واقفة نمشط في شعري . عنقني من لور قالي وشبيها الكبيدة تاعي ياك كنتي فرحانة وشبيك . قتلوا والله ما علابالي وحدي وحدي دوك نشرب كاس نعناع نركح .قالي عيب عليك علابالك انا كاين وانتي تشربي نعناع. ضحكت قتلوا والله قالي واه انا هنا نفيدك خير من النعناع .  قتلوا وكيفاش راح تفيدني قولي . دورني عندو يعدي في صوابعوا على وجهي قالي ليوم راكي زايدة حلاوة  علابالك  بزاف عليا هكدا . تبسمت قتلوا صح . قالي ايه سيرتوا مع البرونزاج وشواربك لي حماروا منو  زاد فيك النص ، كل يوم نتأكد بلي غير انتي لي تستاهلي قلبي وتستاهلي تكوني مرتي وحبيبتي وعمري . ضحكت قالي طلع المورال ولا مزال.قتلوا مزال زيد شوي . قالي كون ترقصيلي شوي دوك نزيدك . قتلوا احشم تحوس يسمعونا قالي يسمعوا على رواحهم . قتلوا هدا زعما لي راك لاعبها مدين . قالي شكون قالك راني مدين وزيد ياك مرتي حلالي شكون يسالني . قتلوا راك جبتها شغل غناية . قالي واش دوك نفوتوها غير هدرة انا نحتاج الافعال عمري  .