حب في الثانوية

112

كي شافني غمضت عينيا قالي حبيبي راكي ديخانة درتلوا براسي ايه قلبي وجعني . هزني وحطني فوق الفوتاي تاع الصالة ، تكيت راح شوي وجا جابلي كاس تاع ما زهر فيه سكر .
شربهولي ، حط يدو على قلبي قالي قلبك راح يخرج من صدرك اوقفي نديك للطبيب خير كشما يصرالك . قتلوا لا دوك يحبس . قعد بجنبي حضني بقا يقرا عليا في القرآن حتي بديت نغفى قالي اسمحيلي حبيبي مقصديش نخلعك هكدا ، قريب قتلتك . بقيت ساكتة قالي راح ترقدي .درتلوا براسي ايه قالي اصبري نجيبلك حاجة تاكليها واشربي دواك وارقدي خير . خليتوا يهدر وكملت رقدت بقا ينوض فيا محبيتش نوض حسيت بيه كي هزني وحطني في السرير . فقت الصباح على صوت المشي تاعوا في الشمبرة فتحت عينيا لقيتوا يوجد في روحوا. قتلوا آدم .غير سمع صوتي جا قعد بجنبي في السرير باسني على راسي قالي صباح الخير على البطة تاعي كيفاش صبحتي . قتلوا لباس .حط يدو على قلبي قالي مزال يوجع فيك قتلوا لا خير من لبارح .شاف مع وجهي قالي بصح وجهك شاحب قولي الصح مزلتي موجوعة. قتلوا لا راني لاباس . قالي وقيلا فيقتك من نومتك ارجعي كملي رقادك راني خارج.قتلوا لا راح نروح معاك للخدمة .قالي بصح راكي مريضة ربوزي ليوم وغدوة روحي على روحك .قتلوا لا راني مليحة وزيد منيش حابة نبقى في الدار وحدي .قالي كيما تحبي هيا وجدي روحك نوصلك .وقفت وجدت روحي بالخف ، خرجنا وصلني لافارمسي قبل ما نهبط من الطونوبيل قالي تهلاي في روحك ومتعبيش روحك بزاف على الوحدة راني نعدي عليك اوكي .قتلوا ايه .هبطت دخلت لافارمسي سلمت على البنات وقعدت في البيرو شوي حتى جاتني لمرا لي تعلم فيا قاتلي راهم جابوا دوا جديد ، رحت معاها بقات توريلي ، حتى وصلت العشرة تاع الصباح رجع قلبي يخبط كيف لبارح راح يخرج على صدري قلتلها معليش نحبسوا  نقعد شوي .قاتلي براحتك .قعدت في الفوتاي وتكيت راسي ، لوجاع في قلبي باقي و يزيد عندو بزاف ماوجعنيش هكدا . جات عندي وحدة من لبنات قاتلي اريج راكي مليحة قتلها ايه ، قاتلي وش بيه وجهك زراق هكدا ياك لباس . قتلها كيفاش زراق . قاتلي شواربك راهم زرقين .طلعت يدي باه نشوفهم قاتلي شوفي حتى ضوافرك . شفت مع ضوافري لقيتهم زرق خلاه . هزيت المراية من الصاك .شفت روحي شواربي زرقين وجهي يبان مافيهش قطرة تاع دم .قاتلي روحي للطبيب خير راكي تباني مريضة . قتلها بلاك شوي وتروح عليا .بقات قاعدة معايا بصح لوجاع لي في قلبي باقي ويزيد . فاتت نص ساعة مقدرتش هزيت تلفون عيطت لآدم من لابال لولة هز عليا قالي ريجا لاباس .قتلوا لاباس راك في الخدمة قالي ايه .قتلوا تقدر تجي تروحني للدار قالي علاه كشما صرا راكي مريضة.قتلوا لا غير تعبت شوي .قالي خلاص عشر دقائق نكون عندك اقعدي مع البنات دوك نجي . بقيت نستنى فيه وكل مرة وحدة من البنات تجي تطمن عليا ، وقفوا معايا خاطر انا من طبعي عاقلة نتعامل معاهم بعفوية من لي بدينا جامي قست وحدة فيهم بكلمة ولا تكبرت عليهم نتعامل معاهم على اساس وحدة كيفهم ينصحوني وننصحهم . سمعت طنوبيلتوا حبست دخل ديراكت جا عندي . طبس عندي قالي ريجا راكي مليحة قتلوا ايه .قالي علاه وجهك ازرق هكدا حاجة توجع فيك .قتلوا لا والوا غير قلبي وجعني شوي . قالي اوقفي نديك للطبيب كون سمعتي كلامي وديتك لبارح للطبيب ماشي خير. وقفت قالي قادرة تمشي ولا نهزك .قتلوا لا نقدر نمشي . حكملي يدي بقا يشوف مع ظوافري . من بعد حط يدو على كتفي ومشاني معاه بعد ما هزلي الصاك. خرجنا فتحلي الباب تاع الطونوبيل ركبني وركب بقا يسوق وحاكم يدي . قالي من وقتاه زراقوا هكدا قتلوا معلاباليش . وصلنا للطبيبة تاعي لي موالفة ديما نسويفي عندها لقيتها فرغانة غير وحدة قبلي .قعدت نستنا مطولتش بزاف وخرجت دخلت ودخل معايا آدم .غير شافتني الطبيبة قاتلي اهلا بنتي ان شاء الله خير .قعدت قالها تخلعت لبارح في الليل من هداك الوقت وهي عندها وجاع والصباح خرجتلها هاد الزروقة . قاتلي شربتي دواك .قتلها لا نسيتو لبارح مزلت ماوالفتش مع الصيام. دارتلي راديو قاتلي عندك شوي تسارع مع الدوا يروح . شافت مع آدم قاتلوا الخلعة ممنوع ، الزعاف ممنوع ، الفرحة بزاف ممنوع اي ردة فعل قاوية ممنوعة منها ، راح نعطيها ثلاث ايام راحة حتى الصيام هاد الثلاث ايام ممنوع راح تفطريهم .قتلها كيفاش هادي نفطر رمضان .شاف معايا آدم سكتت قالها ايه والدوا يبقى نفسو في نفس الوقت .قاتلوا لا راح نزيدها واحد ، كون بقات صحتها كيما راهي راني نقصتلها واحد بصح راح نزيدلها واحد تشربوا وقت تحس بلي عندها اي ردة فعل قاوية باه نتفاداو شي لي صرا لبارح وكيما وصيتكم انفاعالات الزايدة ممنوع . سكتت من بعد قاتلي كيفاش حتى تخلعتي سمعتي  خبر ولا واحد خلعك .شفت مع آدم قتلها هو لي خلعني . ضحكت قاتلوا حاولوا تتفاداو لحوايج هادوا بعيد الشر اكثر حالات السكتة القلبية تكون من الخلعة . خرجنا من عندها   ضحك قالي حصلتيها فيا بلي أنا لي خلعتك .قتلوا ايه انت لي خلعتني ومتهدرش معايا .قالي  والله وعلاه منهدرش معاك.قتلوا نسيت وش درت فيا لبارح وضرب هداك نسيتوا .قالي ضربتك خاطر تستاهلي . قتلوا نستاهل   علاه نستاهل وش درت لوكان على المرا لي جات كنت قادر تهدر معايا بالسياسة بلا ضرب بصح انت والفتي فيا في كل دورة راك حاكمني من شعر وتضرب . قالي كون  متوصليش روحك وتسمعي هدرتي  منقيسكش، بصح مدام راكي تخدمي في هادوا لخدايم تاع صحانية الوجه ضرب لي تديه من عندي واحد ما يديه حتى ترجعي كيما حاب انا  .  سكتت وصلنا لدار عجوزتي خاطر راح نبقاو عندها حتا يفوتوا ثلاث ايام من بعد نرجع لداري .دخلت سلمت عليهم بقاو يسقسوا .قالهم آدم اريج مريضة شوي على هديك جينا هنا .قاتلوا عجوزتي مرحبا بيكم نهار السعد لي تصوموا عندي . دخلت نرقد شوي وهو خرج يشري القضيان .رقدت حتى شبعت شفت الساعة لقيتها الربعة صليت العصر وخرجت للكوزينة لقيت عجوزتي ودنيا يوجدوا في  الفطور . قعدت معاهم قاتلي دنيا راني وجدتلك غدا  قالي آدم قولها كي تنوض تاكلوا . قتلها منفطرش انا ديجا راه قريب يفوت النهار . قاتلي دبري راسك هو لي وصاني قالي قولها تتغدا وتشىرب الدوا راه شراهولك .. قتلها ورا الفطور نشربوا . شوي وجا آدم دخل من برة شاف معايا قالي لاباس .قتلوا لاباس قالي شربتي دواك . قتلوا ورا الفطور نشربوا .قالي علاه مزالكي صايمة .قتلوا ايه .قالي وش قاتلك  طبيبة ياك قاتلك ثلاث ايام هادوا افطريهم .قتلوا علاه نفطر  راني لاباس .قالي وين لاباس وانتي صباح برك قريب تموتيلي ، علاه متفهميش انتي راكي ديريلي فيها مكرة .قتلوا لاه وش درتلك انا .قالي كيفاش الطبيبة تقولك افطري وانتي صايمة تعرفي خير منها وكي تمرضي شكون يجري بيك مش انا  لي نضل نجري بيك من طبيب لطبيب . قاتلوا عجوزتي بالعقل وشبيك تهدر معاها هكدا .قالها شوفيها هي لي الحاجة لي نقولهالها دير عكسها راسها فيه الحجر .وقفت نعيط وشبيك انتا معايا راك محرش عليا ولا واش أخطيني شوي جايبها عڨابي كون جيت ضرتك ومادرليش هكدا ماراكش حاملني خليني نروح لدار بابا . قالي راكي ترعدي في صوتك عليا والله يا اريج غير نحط يدي عليك   نطلقك ميتة ادعي ربي لي جيتي مريضة  سينو تشوفي وش ندير فيك. شفت مع عجوزتي قتلها شفتي ولدك  كل يوم معايا هكدا نهار كامل وهو يضرب فيا ويعيط عليا هبلني معاه .