حب في الثانوية

chapitre 5

انا ملي  قالي الاستاذ آدم بلي يسحقني على 1 في قاعة الاساتذة وانا نخمم زعما وش راح يقولي  حتى نحس في ضربة على ضهري جيت ندور نلقاها الهاملة تاع شروق ديجا انا متحلفة فيها شافتني كي خزرت فيها هديك الخزرة ناضت تجري وانا نجري وراها حتى نلقا روحي طحت فلرض ههههه لي في ساحة كل ناضو يضحكو علينا حتى انا وليت نضحك جيت نطلع راسي لقيتو يخزر معايا ويضحك وليت نضت ونفضت قشي من الغبرة جاتني شروق كالعادة تضحك قاتلي روحي شوفي وش يسحقك آدم قتلها ok ورحت نمشي حاسة روحي نمشي على الجمر كي وصلت عندو قتلو مساء الخير قالي مساء النور قالي نشوف فيك نسيتي وش صرا الصباح وراكي تجري وتلعبي نورمال انا كي قالي هكا حشمت تسما شافني كي كونت نجري كالمهبولة ههههه قالي واش زعما حشمتي هههه قتلوا وعلاه قلتلي ارواحي قالي اريج حبيت نحكي معاك على واش صرا الصباح منحبش نشوفك تعاودي هدوك لعفايس تاع الناس لوجها صحيح سمعتي قتلوا لاه وش درت انا قالي منزيدش نعاود هدرتي دورت وجهي نتأفف قالي ترباي تزيدي تعاودي اللقطة هادي تشوفي وش نديرلك بقيت ساكتة بصح انا حاكمة البكية على الشعرة قالي متزديش تجري هكدا في الساحة راكي كبرتي صاي عقلية تاع السيام نحيها سمعتي بقيت ساكتة قالي اني نهدر فهمتي قتلوا ايه فهمت سكت منبعد قالي متزديش تبكي هنا كي تروحي للدار ابكي خزرت معاه قالي جامي تبيني للناس نقطة ضعفك راح يستغلوها باه يحطموك قتلو معندي حتى نقطة ضعف قالي هكا نحبك تكوني أقوى وحدة واحد مايقدر يهزمك ضحكت قتلو حسيتك تحكي على حرب ضحك قالي حشامة ولسانك طويل وسمرة قتلوا سمرة 😤راك ڨاعد تتنمر عليا 😒😒😒😤قالي منيش نتنمر هادي حاجة انتي مميزة بيها على غيرك . كون جيتي بيضة واحد ما راح يتوله معاك اما كي جيتي سمرة ناس الكل تتولهلك على خاطر انتى مميزة  فيك حاجة تميزك على ڨاع البنات لازم تتقبلي وتحبي روحك على خاطر انتي مختلفة على غيرك  بقيت حايرة تقول عليه قرا وش كاين في قلبي مي لعبتها قتلوا بصح انا متقبلة روحي وعجبتني روحي قالي علاه بكيتي بڨيل كي قتلك سمرة قتلوا مبكيتش على هدرتها بكيت كي انت وليت تعيط عليا ضحك قالي خلاص راح تعاودي تبكي  قالي انا محبتيكش تبيني بلي تأترتي بهدرتها وتولي تحكمهالك فهمي هزيت راسي تاع ايه قالي هكا رانا تفاهمنا منبعد سكت  قتلوا راني رايحة نقرى قالي روحي و كيما وصيتك خزرت معاه تبسملي قالي علابالك تطلع عليك استاذة فرحت كي قلهالي ضحكت قالي هيا روحي درك راهم دخلوا للقسم رحت  راح نجري قالي واش وصيتك على الجري قتلوا والفت قالي اجري ام راح يقفلوا عليك  الباب رحت نجري وهو يضحك عليا