حب في الثانوية

chapitre 92

اريج
فاتت سمانة كاملة ورتاح بابات عثمان عيطلي في الليل  قالي نتلاقاو باه نتفاهموا وقتاه  نجي نخطب ادا راكي قابلة متراجعتيش في قرارك قتلوا ايه غدوة نتلاقاو غدوة كي نكمل القراية. قالي اوكي نعدي عليك ونروحوا نقعدوا في كاش كافي . لغدوة قريت كملت نهاري عيطتلوا قتلوا تقدر تجي راني كملت لقراية قالي اوكي خرجت برة وبقيت نستنى فيه حتى يجي ، شوي ووصل هبط مدلي يدو صافحت عليه قالي وش حوالك قتلوا لاباس قالي جيتي بوڨوصة ليوم . قتلوا ليوم برك . ضحك قالي لا كل يوم . ضحكت فتحلي باب الطونوبيل انا راح نركب حتى فرينات طونوبيل بالجهد بحدانا ، تخلعت وانا نشوف في أدم هبط يجري  من طنوبيل تاعو تقول ركبوا جن علابالي كي تولي حالتوا هكدا معنتها  ليوم راح تخلى عليا .قدم ديراكت حكمني من دراعي وجبدني حسيت بدراعي طارت من بلاصتها  عيطت عيطة وحدة قالي شكون هدا قولي يا الهاملة تلعبي من مورايا . هبط عثمان من الطونوبيل وجا يجري قالوا  اسمع وشبيك اطلق الطفلة هبلت  ، ديجا شكون انت . خزر معاه قالوا شكون انا ؟؟ انا لي راح ######&&&&&، بقيت مشوكية من الكلام لي قالهولوا  لحمي شوك عليا ، طلقلي يدي وضربوا بدماغ جابوا طايح في الارض طبس عندو  بقا يضرب فيه بالدبازي وحكمموا من الكول تاع التريكو قالوا كون نزيد نلقاك برك نطقتي اسمها على لسانك ن##$$$ . بقيت نجبد فيه عليه وانا نبكي من تبهديلا فضحني قدام وين نقرى  الناس بدات تتلم علينا  والبنات لي يقراو معايا خرجوا يتفرجوا بقيت نجبد فيه عليه وهو لاصق فيه حتى عثمان محبش يسكت قالوا هديك خطيبتي وانت معندك ما دخلك . آدم عاد وحش محبش يطلقوا من يدو بقا غير يضرب وعثمان  مقدرش حتى يدافع على روحوا  خاطر كان طايح في الارض . انا قلبي راح يحبس من الخوف  والناس بقاو غير يتفرجو واحد ما حب يقدم يحز ولا يبعدوا عليه . بقيت غير نجبد فيه بيد وحدة يدي  الثانية مقدرتش نحركها كي جبدني منها حسيتها تحركت من بلاصتها . ملقيتش حتى حل باه نبعدوو عليه حتى لابوليس مجاوش . راح يقتلوا خلاص عثمان وجهوا مبقاش يبان من الدم والضرب ، شفت واحد من لي كانوا واقفين كي شافهم محبوش يحبسوا  جبد التلفون تاعوا وعيط للابوليس باه يجو يحزوهم . زدت خفت اكثر  يعني قادر يباصي ويدخل للحبس. رجعت نجبد فيه بيدي وانا نعيط قتلوا آدم حبس حبس قلبي راح يحبس راح نموت .حبس وشاف معايا لعبتها حكمت قلبي وراح نطيح . حكمني قبل ما نوصل للأرض قالي اريج خلاص هاني حبست خلاص متخافيش . حكمتوا من الفاست تاعوا قتلوا آدم هيا نروحوا من هنا ،انا خفت بزاف هيا نروحوا . قالي خلاص صاي هيا رانا رايحين متخافيش .غفلتوا   ورحت نجري طبست في الارض  عند عثمان لي مزال طايح  داخ من الضرب بقيت نفيق فيه وانا نبكي  وهو والوا متحركش حسبتوا مات . مفقتش بيه حتى زاد عاود جبدني من دراعي لي جبدني عليها قبيلة ، بقيت نعيط على طول صوتي حسيتها طارت من بلاصتها تاع الصح وجاع جامي حسيت بيه في حياتي  وهو ما داهاش فيا بقا يكركر ويجبد  فيا منها حتى وصلني للطمونوبيل تاعو وهو يتحلف قالوا تتمسخري بيا باه تروحي عندوا ليوم نباصي عليك يا ##&&  ، حكموا راجل كان واقف لثم قالوا اطلق الطفلة شوف حالتها كيفاه  . تخنزر فيه آدم قالوا مرتي مدخلش روحك خزر معايا الراجل قالي صح راجلك . آدم زيرلي على يدي باه نهدر  وخزر معايا خزرة تخوف قتلوا وانا نبكي ايه راجلي  وانا روحي حسيتها خرجت من دراعي دخلني الطونوبيل وركب ديمارا يسوق وعثمان مسكين بقا مطيش في الارض دايخ . بقا يسوق وانا غير حاكمة دراعي ونبكي بالساكتة خايفة منو عاد يبان كلوشار تاع الصح قشو خامج بالدم ويديه يرجفوا وحدهم ومنعرف وش قاعد يتمتم وحدوا كون مجيتش نعرفوا نقول راه شارب حاجة . غير بعدانا شوي فرينا وحبس . دار عندي ديراكت حكمني على شعري فوق الخمار قالي تلعبي ورا ضهري يالق### تحسابلك كي طلقتك راح تولي من راجل لراجل وانا نخليك،  شفتي نقتلك ونقطعك طراف طراف وواحد ما يجيب خبرك راكي تعرفيني نديرها . قتلوا والله كان راح يجي يخطبني والله قالي قتلك يا اريج انتقمي مني بلا هبالك لي راح يدمرنا للزوج بصح انتي درتي وش في راسك حابة تزوجي ملا حابة #### ،  اقسم بالله نقتلك ونقتلوا  ، راجل ما يدخل حياتك انتي تاعي انا حتى وطلقتك تبقاي تاعي حتى تموتي راجل ما يمسك من بعدي ، راجل ما يدخل حياتك   عاود حكمني على دراعي ودورهالي مقدرتش صاي وحكملي وجهي  . قالي فهمتي انتي تاع من قولي ؟؟؟ قتلوا تاعك صاي اطلق يدي اطلقني تعيش اطلقني . بقيت نعيط لربي لي خلقني ونضرب فيه على وجهوا بيدي ثانية باه يطلقني ، بسيف باه بعد يدو من دراعي وليت نخبط في فخضي من الوجاع ونتلاوا وحدي بقا غير يشوف معايا كيشغل درك وين فاق  مع روحوا قدملي قالي ريجا وشبيك ديري هكدا وشبيك    .خزرت فيه قتلوا دراعي مقدرتش يايما راح نموت آدم راح نموت من لوجاع يا ربي اديني وهنيني وليت نعدد من لوجاع ، وهو تفرفج وتخلع قالي خلاص حبسي نشوف وشبيها دراعك .قدمني عندو بالعقل تكيت نصي عليه ، كنت لابسة حجاب تاع القفايل من قدام فتحهملي وهبطوا شوي على دراعي وانا غير نبكي ونعض فيه على كتفوا من لوجاع . بقا يشوف فيها دورت وجهي باه نشوفها لقيتها كاملة زرقاء من ليطراس تاع يدو وزيد كتفي هابط عرفتها تحركت من بلاصتها ، جا راح يحركهالي عضيتوا  على قوة جهدي من كتفوا . عاود رجع طلعلي الحجاب وقفلهولي بعدني عليه مسحلي دموعي قالي خلاص ستحملي شوي برك نديك للسبيطار ، متبكيش . درتلوا براسي ايه غير باه يخطيني في هاد دقيقة نشوف فيه وحش قدامي الشي لي داروا ليوم عمري ما ننساه هدا وين بان الوجه الخايب تاعوا صح .