حب في الثانوية

chapitre 59

غير كملت تغديت سمعت صوت عجوزتي جات ، دخل آدم لشمبرة قتلوا يما جات ، قالي ايه دوك وين وصلوا هي و دنيا .قتلوا ايه ، نهبط نشوفهم . قالي اقعدي برك  راكي مريضة من بعد هي تجيك . قتلوا اواه عيب كيفاه هي تطلعلي خلي نهبطلها انا خير. تبسم قالي عندك الحق . كنت راح نبدل البيجامة ونلبس جبة . قالي خلي برك راهي البيجامة مستورة . ولينا هبطنا انا وياه . سلمت عليهم وقعدنا في الصالة فوق الفوتاي . قاتلي عجوزتي وش حوالك ، وشبيه وجهك اصفر ، يا بنتي روحي للطبيب راكي وجهك كي حبة تاع القارص .نطقت دنيا قاتلي ايه صح روحي للطبيب خير . قالها آدم صاي رانا روحنا للطبيب الصباح . قاتلوا وش قالكم ، ياك مش حاجة ڨراف . انا تبسمت وهبطت راسي حاشمة . قالها يما اريج راها اونسانت ،عجوزتي ناضت تزغرت ودنيا جات تحضنتني وتبوس فيا فرحانين ، قعدو ربع ساعة وهوما يسلموا عليا ويتحضنوا. قاتلي عجوزتي من ليوم متتحركيش من بلاصتك كلش يجي لعندك.ضحكت قتلها علاه هدا كل . نطق آدم قالي يما عندها الحق نسيتي وش قاتلك الطبيبة ،لازم راحة حتى الشهر الرابع .قتلوا يا بزاف ديجا راني لاباس بيا . قالي وين لاباس بيك شكون لي داخ الصباح في الدوش . قاتلي عجوزتي صح دختي في الدوش .قتلها ايه . قاتلي صاي من ليوم كلش يجي لعندك وكي يعود آدم يخدم تجي تقعدي عندي . قتلها ايه ، نعست حابة نرقد . قتلوا دومي نعست حابة نرقد  . بعد   في  فوتاي وخلالي بلاصة   قالي هيا ارقدي وحطي راسك في حجري  . تمددت وحطيت راسي على حجرو مسحلي على شعري قالي مزال قلبك  داير عليك  . قتلوا لا حابة نرقد برك . قالي ايه ارقدي ..قاتلي عجوزتي اريج راني نوصيك الحاجة لي تسخفي عليها قولي نجيبوهالك متخليهاش في قلبك راه مش مليح  . قتلها ايه . قالها آدم راهي كل يوم ساخفة على الشيبس . قاتلوا والله حسيت بيها كي بقات تبكي عليها في العرس عرفتها قاعدة تتوحم ياك قتلك جيبهالها. قالها ايه صح . رقدت وخليتهم يهدرو طاح عليا النوم ، فقت على صوت ماما تهدر حليت  عينيا  لقيتها قاعدة مع عجوزتي مقابلتني . وانا مغطية بالغطا والوسادة تحت راسي. قعدت قتلها ماما ، جات سلمت عليا قاتلي مبروك عليك هكدا يا اريج راكي بالحمل وما تقوليليش حتى نسمع من آدم . قتلها يا والله من الفرحة  نسيت باه نعيطلك ونقولك  . ضحكت وقاتلي ربي يكثر عليك الافراح . قتلها ان شاء الله.   دخل آدم  وقف في الباب وقالي نضتي قتلوا ايه .جا قعد بجنبي حطيت راسي على كتفوا قالي وشبيك مزلتي حابة ترقدي. قتلوا ايه مزلت نعسانة . قالي ملا  ارجعي ارقدي قتلوا لا حابة نشوف بابا.  قالي راهو دوك يجي . خزرت معانا ماما و نطقت قاتلوا باينة اريج مهبلاتك معاها راني نعرفها كي تعود تدلل .ضحك وقالها ايه والله كرهتني. .خزرت معاه وقتلوا صار هكدا مبقيتش تحكي معاياو دورت وجهي  عليه  . ضحك قالها شوفي كيفاه دير  كي لولاد الصغار . بقاو يضحكوا عليا ، انا جاتني البكية وهوما يضحكو عليا . قالهم آدم أيا  خلاص راح تبكولي مرتي . قاتلوا ماما شوف والله راهي راح تبكي صح ، هادي تربيها هيا ولا تربي البيبي لي راح تجيبو .وقفت راح نخرج ونخليهم . حكمتني عجوزتي من يدي قالتلهم  هيا خلولي بنتي علاه تقلقوا فيها . سمعت الباب يصوني قالي راهو جا باباك . وقفت رحت نجري راح نفتح الباب قالي بعقلك لا طيحي ، استناي متفتحيش . فتح هو الباب سلم على بابا ودخلوا . غير شفتوا تحضنتوا وبقيت نبوسلوا في راسوا . قالي مبروك عليك ان شاء الله يجي على خير بصحة وعافية . قتلوا ان شاء الله . دخلتوا للصالة الثانية قعدت معاه انا وادم بقينا نتحاكاو . من بعد روح  هو وماما ، وحنا تعشينا عند عجوزتي وطلعنا للدار . قابلني القش محطوط في الفاليزة قلت خلي نفرزو ونغسلوا . قعدت في الارض وبقيت نفرز فيه وادم في الصالة يتفرج . بقيت نشوف ونحوس على القندورة الكحلة مالقيتهاش . دخل آدم لقاني نحوس قالي علاه قاعدة تحوسي .قتلوا قندورة تاعي الكحلة مالقيتهاش .قالي حوسي مليح بلاك دخلت في نص القش . بقيت نفركت والوا مالقيتهاش . قالي بلاك نسيتيها لهيه خلي غدوة نقول ليما تسقسي مرت عمي . قتلوا ايه كملت ورحت غسلت ودخلت في الفراش ، قدمت حطيت راسي على صدرو . قتلوا آدم انت حاب نجيب طفل ولا طفلة . قالي لي كتبو ربي هداك هو . المهم يكون بصحة وعافية . قتلوا عندك الحق.  بستوا على صدرو قتلوا حابة نعضك.ضحك قالي عضي شكون حاكمك . قتلوا نعضك على رقبتك . قالي رقبتي لا . قتلوا خليني برك قالي غير مكلاه تحاولي راني من لول قتلك لا . عضيتوا على صدروا ، خزرت معاه قتلوا وجعاتك . ضحك وقالي تحكي صح تقول بيبي عضني سنانك كي تاع لولاد الصغار .  قتلوا ان شاء الله نجيب طفل يشبهلك باه يعودوا عندي زوج آدم واحد صغير وواحد كبير . قالي راني حاب تجي طفلة . قتلوا لا طفلة تديلي بلاصتي وتعود تحبها اكثر مني  طفل خير . باسني قالي بلاصتك واحد ما يديها ديجا ان شاء الله يكونوا توام طفل وطفلة . رقدنا فطنت على الخمسة كيف البارح راح نتقيا ، جيت راح نوقف باه نروح التوالات الارض  دارت بيا ، رجعت قعدت وانا حاطة يدي على فمي باه نحكم روحي . درت لآدم نوضتوا . فاق قالي اريج وشبيك . قتلوا راح نتقيا. وقف قالي هيا نديك للدوش قتلوا  مقدرتش الارض  دور بيا راح ندوخ . خرج جابلي بسينة حطهالي وقالي هيا تقيي هنا متبقايش حاكمتها راكي تضري . قتلوا اخرج ما تبقاش هنا دوك نزعفلك قلبك معايا بالقي . قالي نورمال هيا برك متبقايش حاكمتها . طبست راسي وبقيت نرجع حتى كرشي وجعتني فرغت كامل وش فيها حتى الماء ورجعتوا مقدرتش نحبس بالسيف باه حبست طلعت راسي جابلي الما غسللي وجهي وفمي ومسحلي وجهي رجعت تمددت في السرير وادم هز البسينة نضف الحالة وجا . قالي وش تنحى عليك شوي. قتلوا ايه ، بصح افتحلي البالكوا راني حاسة لهوا مكانش خلاص . قالي ايه راح فتحوا وفات للخزانة جبد بساط ومخدة حطهم في البالكوا ، ورجعلي قالي ارواحي اقعدي في البالكوا خير  هزني خرجني . لقيت لهوا يهبل  مع الصباح وزيد كي عاد عالي كي تقعدي في الارض متبانيش من برة لقيت راحتي . حطيت راسي على صدرو قتلوا ربي يخليك ليا حبي . قالي ويخليك ليا هيا ارجعي ارقدي شوي مزال الحال قتلوا ايه .رقدت حتى السبعة لقيتوا ناض يوجد في روحوا باه يروح يخدم . قالي درك راكي لاباس . قتلوا ايه خير من قبيل . قالي هيا اهبطي معايا اقعدي لتحت مع يما ودنيا خير. .قتلوا ايه خير  حتى انا مش حابة نبقى وحدي ، هبطت معاه عند عجوزتي لقيتها توجد في الفطور ، قعدنا هو فطر بصح انا مقدرت ناكل حتى حاجة ، حاسة كون ناكل حاجة نرجعها ، هو كل دقيقة يقولي كولي ، اشربي . شربت كاس تاع الجي بالسيف .كملنا قالي هيا حبي انا نروح نخدم وانتي احكمي بلاصة متبقايش دوري ،  وكي نعيطلك تهزي .قتلوا ايه . قاتلوا عجوزتي تهنا راني معاها . باسني وخرج لحقاتوا عجوزتي قالها يما تولهاي بيها واعطيها تاكل حاجة متخليهاش تقعد بشر راهي من الصباح وهي تتقيا.. ضحكت عليه  قاتلوا راني قتلك تهنى ، تقول غير انت لي مرتك تتوحم . تبسمت يا عمري كل مرة يكأدلي بلي صح يحبني ديما يوقف معايا ، كون يطلبني في عينيا نمدهملوا . عاود دخل باسني قالي حبيبي تهلاي في روحك وفي ولدي حتى نرجعلك ، تحضنتوا نضحك قتلوا ليسمعك يقول راك تودع ياك من بعد تجي تتغدى معايا . خزر معايا قالي ادا كتب ربي هيا نخليك كيما وصيتك تهلاي في روحك . قتلوا ايه تهنى قالي في أمان الله قتلوو في أمان الله . وقف راح يخرج وقبل ما يخرج دارلي باي رجعتهالوا وخرج. .
قاتلي عجوزتي اريج روحي للشمبرة كملي رقادك دنيا راهي راحت تقرى   . قتلها ايه حتى انا  حابة نرقد ، عدت نموت على النوم . قاتلي راه غير من لوحم دوك ترجعي نورمال. . دخلت للشمبرة تاع عجوزتي قريت شوي في المصحف و رقدت في السرير . غفيت عدت نشوف في روحي واقفة في الطريق برة ومقابلتني الطموبيل تاع أدم مقلبة ومعمرة بالدم وعجوزتي واقفة قدامي تبكي وتقولي آدم راح وخلانا . وانا واقفة جامدة غير نشوف . فطن بيا النوم وانا ننهج دموعي هبطوا ، المنام كان تقول عليه صح . هزيت التلفون عيطت لآدم لقيتوا مقفول ..بقيت نعيط وكل مرة يخرجلي مغلق قلبي عاد يرجف حاسة حاجة صرات ، وانا كي نحس بحاجة تصرى صح . خرجت لعجوزتي قتلها آدم عيطلك . قاتلي لا معيطش وانتي معيطلكش قتلها لا من قبيل وانا نعيطلوا مقفول . قعدت في الارض في الكلوار . خزرت معايا عجوزتي قاتلي علاه راكي خايفة دوك شوي ويجي بلاك طاحتلوا الباتري تاع التلفون . قتلها يما راني شفت منام مش مليح . قاتلي تعودي من الشيطان راه غير الشيطان قاعد يوسوس فيك ، روحي توصلي وصلي ركعتين لربي خير..قتلها ايه عندك الحق . وقفت رحت صليت وانا نبكي قلبي حاسسني والله ، انا كملت خرجت من الشمبرة صونا التلفون تاع الدار هزت عجوزتي . قالت الوا شكون معايا. بقات تسمع من بعد قالت ايه انا يماه غير الخير ، حتى شفتها رمات التلفون من يدها وناضت تبكي ونعيط راح وليدي راح .  انا وليت نرجف قلبي راح يحبس طاحت عليا البرودة قتلها يما وش صرى . شافت معايا تبكي قاتلي آدم راح يا اريج وليدي راح . نفس الشي لي حلمت بيه ، حتى نفس الهدرة. قدمت عندها قتلها يما وش قاعدة تقولي انتي . قاتلي وهيا تبكي آدم دار اكسيدو راهم عيطولي لابوليس وليدي راح يا ربي   . انا وليت نحس في روحي مش واقفة في الارض . طحت على ركابيا نندب ونعيط ونقول ياربي احرمني من كلش غير آدم متحرمنيش منو ياربي حتى لي فكرشي احرمني منو ومتحرمنيش من آدم ياربي تهسترت. بقات عجوزتي تهدي فيا والوا مقدرتش ، فتحت دنيا الباب دخلت لقاتنا في هديك الحالة ، كي سمعت حتى هيا ولات تبكي وتهدي فيا  وتقولي يا اريج بالعقل على روحك راكي كشما يصرالك . قتلهم درك تدوني نشوفوا درك . صونا التلفون تاعي كان خويا محمد ، هزت عليه دنيا حكاتلوا قالها خمس دقايق نكون عندكم . وصح هك شوي وجا دخلوه غير شاف حالتي. تحضني رجعت نبكي قتلوا اديني نشوفوا راه كان حاس الصباح قعد يودع فيا ويوصي فيا اديني نشوفوا تعيش راه قلبي تحرق يا  ربي  . قالي خلاص هيا راني جيت باه نديكم روحي البسي حجابك وارواحي .