حب في الثانوية

chapitre 20

ركبنا في الطونوبيل تاع خويا من قدام وانا لورا ،بقا خويا يسقسي فيه قالوا وش دايرة اريج مع القراية قالوا الله يبارك راهي جايبة روحا المعلمين الكل يشكرو فيها .دار خويا خزر معايا قالي يعطيك الصحة كون تجي لولة نديك معايا لتونس قتلوا قول والله قالي والله قتلوا ملا تهنى انا لي نجي لولةقالي تموتي على المصلحة ههههههه .ضحكت كان آدم يخزر معايا في التروفيزار ويتبسم .
وصلنا لدار انا هبط راح ندخل لدار عيطلي خويا قالي واش نجيبلك معايا كي نروح قتلوا ,جيبلي الشيكولا لي نحبها قالي okادخلي من المطر درتلهم باي بيدي ودخلت ،كي دخلت باه تفكرت بلي مزال لابسة الفاست تاع أدم قلت غدوا نديهالو. فوتت ليلة كاملة وانا معنقة الفاست تاعو ونشم فيها . صباح دخلت ماما لشمبرة تاعي باه تنوضني لقات الفاست محطوطة على المخدة وانا حاطة راسي فوقها ،نوضتني قاتلي علاه الفاست تاع أدم هنا قلتلها انا البارح كادتني باه نوض نعلقها حطيتها هنا قاتلي ايه ،جات قعدت مقابلتني في السرير وتخزر معايا قلتلها ماما كشما سحقيتي قاتلي اريج واش مخبيا عليا.قلتلها ماني  مخبيا عليك والو قاتلي راكي سير  راني نشوف فيك هدو ليامات مش نورمال قتلها  راني كيما موالفة ديجا  واش راح نخبي عليك زعما قاتلي انتي لي تقوليلي مش انا .بقيت نخزر معاها وانا يدي على قلبي خايفة كون تسمع بلي نحب آدم تخلى عليا .شافتني بقيت ساكتة قاتلي شوفي فيا راني سقسيتك ادا مخبيا عليا حاجة وانتي قلتي لا بصح كون نسمع درتي حاجة ولا مخبيا عليا والله يا اريج واحد ما يخلصك من يدي لاخوك لا باباك سمعتي . بقيت حايرة فيها ماما جامي هدرت معايا هكدا . قاتلي هاتي الفاست هنا خوك دوك يرجعهالوا .داتها وخرجت  نضت وجدت روحي باه نروح نقرى جيت خارجة قاتلي ماما نجي معاك لليسي قتلها علاه تجي معايا قاتلي ماتسالينيش .جات معايا وصلنا لليسي دخلنا بقات كل ما تشوف معلم يقري فيا تروح تسقسيه عليا بقيت حايرة ماما من بديت نقرى جامي دارتلي لي جاست هدو تاع تسقسي عليا المعلمين خاطر علابالها بيا نعرف نقرى وعاقلة حتى تشوف آدم واقف مع شهرة قاتلي ارواحي هاو آدم قتلها تحكي صح من الصباح ونتي تسقسي معيتيش ديجا كل قالولك بلي راني عاقلة ونعرف نقرى وش تحبي اكثر قاتلي اقفلي فمك انا نعرف وش ندير .قتلها وشبيك انتي من الصباح ونتى جايبتها عڨابي قاتلي منبعد   نتفهموا عليها الهدرة هادي . وصلنا وين كان آدم واقف قالها لاباس خالتي غير الخير برك قاتلوا والوا جيت نسقسي على احوال اريج هنا في الليسي .خزر معايا وتبسملي  طيرلي عقلي وشبيه باقي ويزيان 😍هدا عبد ولا بقلاوة ههههه .قالها الله يبارك اريج قراية وعاقلة متخافيش عليها .قتلوا علابالي بيها قراية بصح لازم نفتقد لحوال كيما تعرف صغيرة لازم نوقفو عليها .وحد الاحراج دارتلي تبهديلا قدامو انا حابة نبان كبيرة وهي تقولوا مزالت صغيرة قتلها ماما وبقيت نجبد في يدها من لتحت لتحت باه تسكت  .قالها صح عندك الحق، قاتلوا راك تعرف حتى انت اختك في نفس عمرها مفهمتش وعلاه قاتلوا الهدرة هادي . نشوف في شهرة تخزر معايا بشماتة . بقيت نقرص في يد ماما باه تسكت منعرف وشبيها ليوم حالفة ديرلي التبهدايل .نطقت شهرة قتلها عند الحق مدام  لازم تعسيها قتلها ماما علاه .نطق آدم قالها شهرة خلاص .انا متت وفضيت من الخوف  قلت باينة راح تقلها الهدرة لي قالتهالي المرة لي فاتت . قالتلها المرة لي فاتت جيت راح نهدر معها ولات طيحلي في الهدرة وتصحح في وجها معايا .بقيت مشوكيا فيها كدابة جامي لا طيحتلها الهدرة خزرت مع آدم شفتو تقلق ولا يستغفر قالها  شهرةقتلك اسكتي . انا البكية جاتني ماما ليوم تعطيني طريحة باينة .قالتلها راكي تهدري صح  اريج طيحتلك الهدرة قتلها ايه نهدر صح وكنت راح ندير بيها تقرير maisادم قالي راهي اخت صاحبي  . قتلها كدابة جامي لا طيحتلك الهدرة كبيرة وتكدبي متحشميش . شفتها تبسمت هبلت قالت لماما راني قتلك راهي تصحح في وجها سمعتيها كيفاه تهدر معايا .خزرت معايا ماما شفت الشر في عينيها هزت يدها قرصتني من زندي دموعي هبطوا قاتلي ليوم نشويك درك تطلبي منها السماح قتلها والله تكدب  عليا قاتلي علاه حتى تكدب عليك فارغة شغل هيا حتى تكدب عليك درك تطلبي منها السماح ولا تدي طريحة هنا قدام الناس خزرت مع آدم قاتلوا وانت كون خليتها درتلها تقرير علاه حتى تحامي عليها  قالها خلاص حكاية وفضت قاتلي  ليوم واحد ما يخلصك من يدي يالله اطلبي السماح منها قتلها اسمحيلي قاتلي السماح وهي تتبسم معايا بشماتة تمنيت نموت ومنتحطش في هدا الموقف .رحت وخليتهم وانا نبكي بصح معليش تخلصها غالية هديك شهرة .نسمع في ماما قاتلي معليش لعشية نتفاهموا مليح وراحت روحت .