حب في الثانوية

chapitre 10

اليوم الأحد نضت وانا مديسيديا بلي نحي آدم من قلبي وعقلي لبست قشي سروال دجين مقطع وتريكو قصير سيبت شعري ودرت لاماش مع شوي مكياج خفيف خزرت مع روحي في المراية ايا جيت نڨتل هههه هزيت تلفوني وكرتبلتي وخرجت وصلت لليسي قلت نحاول كيفاه منشفوش باه نحيه من بالي حتى تجي الحصة تاعو شافتني شروق قاتلي وش درتي في روحك هكدا يشوفك آدم يندبلك قتلها معندو حتى دخل فيا ندير وش نحب قاتلي ليوم يڨتلك قتلها يروح يع###شروق حارت قاتلي من وقتاه وليتي تخسري في الهدرة انتي سكت وخليتها تهدر وحدها جبتها الحصص كل وانا نكونيكتي حتى جات الحصة تاعو انا صح خفت منو بصح قلت معندو ما دخلوا فيا يروح يدبر على اختو
انا نشوف فيه داخل مت بالخوف بصح محبيتش نبين  بالي راني خايفة شاف معايا  وراح حط لحوايج تاعو فوق البيرو وخرج قالي الحقيني قتلوا علاه قالي قالي اني نهدر يالله  خرج وانا نمشي وراه حتى وصلنا لقاعة   الاساتذة دخلنا مكان فيها حتى واحد قالي انتي تاع الصح متحشميش قتلوا علاه قالي سكري فمك متهدريش لنڨتلك ليوم لابسة لبسة تاع الهملات وزيد مدايرة مكياج قتلو حاجة متخصكش هنا هو هبل هز يدو وضربني على فمي سال الدم من فمي انا وليت نبكي قالي نزيد  نلقاك مداير في روحك هكدا تشوفي وش ندير فيك قالي امشي اغسلي لخماج  لي في وجهك واقفلي الطبلية ولمي عليا شعرك هدا كمل هدرتو وجبدلي شعري حنا هكداك وتدخل علينا أختوا كانت تحوس عليه قاتلوا آدم وش كاين مبعد خزرت معايا وقاتلي علاه راكي تبكي قتلها وش دخلك فيا عيط عليا  قالي اريج ترباي خزرت معاه خزرة تاع غل وخرجت نجري وصلت للتوالات غسلت وجهي وخرجت والله ما لميت شعري وجه شر شكون هو حتى يضربني نروح نقول لبابا باه نحبسو عند حدوا .انا طالعة حتى نشوفو متحظن أختوا ويسكت فيها زعما ولات تبكي كي قلتلها وش دخلك هنا كرهتوا تاع الصح أنا يضربني واختوا يتحظنها ويدلل فيها والله غير نحرش عليه بابا ونحكيلوا وش دارلي