حب في الثانوية

chapitre 79

كملت نهار كامل وانا مع ماما وهي توصي وتنصح فيا حتى لليل جا باه يروحني دخل ستناني حتى وجدت روحي وسلمت على ماما قاتلي اريج كيما وصيتك وفهمتك اقعدي عاقلة وسمعي كلمة راجلك وكشما كاين عيطيلي قتلها ايه.خرجنا وهو من لي جا لا خزر فيا ولا هدر معايا علابالي مزال زعفان من الهدرة لي قلتهالوا لبارح بصح يزعف على روحوا أصلا نورمالمو انا لي نزعف مش هو خاطر ضربني لبارح . وصلنا للدار تاع بارح ، هبطنا فتحلي الباب دخلت شعل الضو بقيت نشوف مع الدار تهبل منعرف علاه حبيتها اكثر من الدار لخرة مالڨري لخرى قعدت فيها اكثر بصح هادي حبيتها اكثر خزرت معاه قتلوا هادي دارك الثانية . دارلي براسوا ايه وسكت . انا بقيت ندور ونكتشف في الدار حتى كملت رجعت للصالة لقيتوا قاعد قتلوا معنديش وش نبدل قشي مكانش . قالي راني جبتهولك راه في الشمبرة ، دخلت للشمبرة لي رقدت فيها لبارح لقيت فاليزة تاع قشي لثم فتحتها جبدت بيستي والشورط لبستهم وحكمت شعري كعبورة ورجعت الكوزينة باه نطيب لعشا فتحت الفريجيدار مصبت فيه والوا حتى البلاكار ما فيه والوا رحتلوا قتلوا آدم راح نطيب لعشا مالقيت والوا في الكوزينة .قالي دوك نجيب لعشا من برة حتى لغدوة نشري قضيان للدار . قتلوا علاه راح نقعدو هنا بزاف قالي ايه نعيشوا هنا . قتلوا صح ؟؟؟ قالي ايه علاه ما عجباتكش قتلوا لا عجبتني . وقف قالي المهم انا نروح نجيب لعشا ونرجع .قتلوا مطولش بزاف برة نخاف وحدي . ضحك بأستهزاء قالي تخافي ياك لبارح بقيتي حتى العشرة تاع الليل وحدك برة . قتلوا افففف مبقيتش تنساها انت . قالي اففف تاع عينيك ، قولي استغفر الله زيدي عاودي انسفي هكدا دوك نوريلك افففف تاعك هادي . مشيت راجعة للكوزينة وقتلوا روح برك نهار كامل وانت تتحلف . قالي والله ونجي ليك نقسمك . دخلت للكوزينة وخليتوا تبسمت وانا نسمع فيه. ايه على الأقل يتقابض معايا ويتحلف فيا خير من يبقا ساكت ومسمطني أصلا منقدرش نبقا بلا ما يهدر معايا . خرج وخبط الباب وانا رجعت للشمبرة بقيت نستنى فيه ما طولش بزاف نص ساعة وسمعتوا رجع خرجت عندو قالي ارواحي وجدي الطابلة . وجدتها وقعدنا نتعشاو قالي علاه لابسة هكدا البرد . قتلوا لا مش حاسة بالبرد . بقيت ناكل ونشوف فيه يخزر معايا كلاني بعينيه. كملنا هو خرج قعد في الصالة يخدم بالميكرو وانا غسلت لماعن كملت خرجت قعدت بحداه في الفوتاي وربعت رجليا شعلت التلفزيون وبقيت ندور في القنوات حتى من زهري حبست في وحد القناة لي مش ملاح ههههه كان فيلم فيه زوج يبوسوا في بعضاهم وانا كي البهلولة بقيت نشوف خاطر اول مرة نشوف حاجة كيما هكدا في التيلي نسيت خلاص بلي آدم قاعد بجنبي . جا راح يطلع راسوا لقاني مبرونشية مع التيلي دور راسوا شاف وش راني نتفرج ديراكت ضربني بظهر يدو على وجهي خلعني خطفلي التليكوموند من يدي دور وهو يهدر قالي يا القحبة وش راكي تتفرجي وانا نقول الطفلة وشبيها عادت هكدا وانتي تتفرجيلي في الخماج ، عاود شحطني على فخضي بيدو حتى بقات ليطراس ، وقفت ديراكت قتلوا ايييي وشبيك تضرب فيا ، مكنتش نتفرج فيها بالعاني راني دورت على نيتي لقيتها . قالي تكدبي في وجهي نطلع راسي نلقاك عينيك راح يخرجو مع التيلي . قتلوا والله ما بلعاني . حكم التلكموند منعرف وش دار حتى فاصا القنوات الكل . قالي من اليوم ما كاين لا تيلي لا ### ، هاتي هنا التلفون تاعك . قتلوا علاه . قالي هاتي هنا راني نهدر . عطيتهولوا بقا يفركت فيه ، من بعد قالي يا ربي ونزيد نلقاك تتفرجي في الحوايج هادوا عينيك نعميهملك فهمتي . قتلوا متفهمش انت قتلك دورت على نيتي لقيتها. قالي نوض ليك نزرقك نوريلك شكون لي ميفهمش . رحت نمشي وخليتوا يهدر وحدو . دخلت للشمبرة رقدت في السرير.هك شوي شفتوا دخل غمضت عينيا راح نرقد بدل قشو ودخل بجنبي باسني وغمض عينيه رقد . غدوة الصباح نضت لقيتوا يوجد في روحوا قالي نوضي نوصلك في طريقي تقراي . قتلوا ايه . لبست حجاب ومونطوا وبوست تاع الطالوا ودرت شوي مكياج ولبست خمار . وخرجتلوا قتلوا هيا راني واجدة قالي امشي امسحي وجهك عليا . قتلوا علاه قالي امسحي المكياج . قتلوا مانمسحش البنات الكل دير مكياج غير انا وديجا راني مش مكثرة بزاف . قالي غير روحي امسحيه على الصباح خير من نسوطك . قتلوا والله ما نمسحوا ياك منيش مكثرة بزاف . قالي تحلفي زعما حابة تمشي كلمتك عليا . حكمني من يدي كركرني للشمبرة جبد لانجات وديراكت مسحلي وجهي . قالي المرة الجاية كي نقولك كلمة ديريها فهمتي . دزيتو بيدي قتلوا بعدني برك ، نحيت الخمار من راسي قتلوا منيش رايحة بطلت ، قالي متروحيش على روحك بصح كان مروحتيش ليوم الجامعة تنسايها والله ما تزيدي تحطي فيها رجلك نوريلك الطيرة تاعك . علابالي يديرها صح عاودت لبست خماري وخرجنا وصلني الجامعة وراح . قريت حتى نص النهار من بعد خرجت تغديت ورجعت . وانا ماشية صونا تلفوني، كنت نجبد في التلفون من الساك صدمت في طفلة . طاحو حوايج كانو في يدها في الارض تبللوا بالماء ، قتلها اسمحيلي . ناضت تعيط قاتلي عورة متشوفيش وش راح ندير بيه السماح تاعك شوفي طيحتيلي حوايج تاعي في الارض وتبللوا . قتلها وشبيك تعيطي راني قتلك اسمحيلي مشفتكش . قاتلي عمية انتي ، كيما طيحتيلي حوايج في الارض تهبطي تجبيهم . قتلها جيبيهم وحدك ، انا صدمت فيك طلبت السماح فرات يزي ما ديري في نش والطوايش . خاطر كانت تعيط لي يجي معدي يخزر فينا ووحايد وقفوا يتفرجو حبوا يفهموا وش كاين . قاتلي غالطة وتزيدي تحلي في فمك ، انتي مش متربية . حسيتها حابة تشري معايا مشكلة بسيف . قتلها انتي لي مش متربية غلطت وطلبت منك السماح وانتي حابة ديري مشكلة بسيف . بقات تهدر وتعيط حتى تلم الغاشي قلقتني وانا صح عاقلة بصح ادا تقلقت نتحول نولي منحشمش ، كي شفتها محبتش تسكت والغاشي تلم علينا سبيتها ومشيت لحقتني دزتني قريب ما طحت في الارض وغاشي واقف يتفرج علينا تبهدلت وحشمت قدام الناس وهنا قلقت تاع الصح هزيت يدي ودزيتها جبتها طايحة في الارض ومشيت زاد عاودت وقفت تلاحت فيا حكمتني من الخمار . انا تخلعت خفت لتنحيلي الخمار حكمتها من شعرها خاطر كانت مش دايرة خمار . بقيت نجبد في شعرها حتى بعدت يديها على الخمار وغاشي يتفرج فينا تبهديلا كحلة دخلوا بنات حبوا يفكوا بيناتنا وهي تعيط وتسب ، حتى جاو les agents تاع الجامعة . ديراكت نحاولنا بطاقة الطالب خاطر كي تتعاركي ولا ديري مشكلة في الجامعة ينحيولك بطاقة الطالب . وطلعونا عند المدير رخسنا وبهدلنا . خزر معايا قالي زعما بالحجاب وديري هاد الشي تتعاركي برة يا خسارة لي قال عليكم طالبات . انا غاضتني روحي وليت نبكي خاطر هي لي ضالمتني ، تفكرت بلي غدوة نعڨب امتحان ولازم بالبطاقة تاع الطالب . كي قتلوا رجعهالي . قالي كون خممتي قبل ما ديرو هاد الفضيحة والتبهديلا محبش يرجعهالي . قالنا كل وحدة تعطيني نعيط لولي امرها .عطيتو النميرو تاع آدم وانا نرجف بكلي والله آدم كون يسمع يقتلني بقيت ندعي في ربي ما يهزش عليه ، بصح هز عليه هدر معاه قالوا تقدر تجي الجامعة بخصوص الطالبة اريج . قالوا شوي ونكون عندك . وزاد عيط لبابات الطفلة هديك وقعدنا نستناو فاتت نص ساعة طبطب في الباب وشفتوا دخل خزر معايا من بعد كمل دخل. قالوا المدير ميسيو اقعد حتى يجي ولي امر الطالبة لخرى. قعد بجنبي خزر معايا خزرة تخوف قالي وش كاين هنا وش عملتي انطقي . نطقت وانا نبكي قتلوا تعاركت مع الطفلة هادي . شاف معايا شوفة تاع موت قالي تعاركتي . قتلو والله هي لي ظالمتني والله .مسح على لحيتو قالي معليش معليش من بعد نتفاهموا . رجعت نبكي علابالي مش راح يصدق بلي هي لي ضالمتني . سمعني نبكي خزر معايا قالي يزي من البكا . جبدني لحضنوا قالي وش تفاهمنا ياك قتلك جامي تبكي برة قدام الناس. طلع يدوا مسحلي الدموع قالي اشششش خلاص يزي. سكتت جا بابات الطفلة هديك .قعد بدا المدير يهدر قالنا الشي لي درتوه ليوم مش سلوك تاع طالبات متربيات تتعاركو وتضربو وتقولوا في الكلام الفاحش ، ادا عاودتوها راح نديرلكم قرار فصل نهائي من الجامعة ، خزر معايا قالي وانتي زعما لي بالحجاب ديري هاد الشي . نطق آدم قالوا مرتي ما دارت والوا دافعت على روحها ولا حابها طفلة تتبلاها وتسكت . قتلوا والله هي لي ظالمتني حتى سقسي لي كانوا واقفين . قالي ظلماتك تجي تشكي بيها عندي مش تضربيها تطيحيها في الارض وتحكميها من الشعر راكي في حرم جامعي مش في الشارع . قالوا آدم ايه تضربها وتزيد لازم دافع على روحها قتلوا هيا لي حكمتني لولة من الخمار وحبت تنحيهولي . قالي المهم لي صرا صرا. راني قدام اولياء الامور تاعكم ادا عاودتوها ولا جاتني شكوية برك عليكم ديراكت نديرلكم فصل نهائي . سكتت وشفت مع آدم كان وجهوا ميتفسرش . نطق قالوا مبقاتش تتعاود ان شاء الله . قالوا ان شاء الله . قالنا تقدرو تروحوا . وقفنا انا حكمت آدم من يدوا قتلوا آدم قولوا يعطيني لاكارت تاعي غدوة نعڨب بيها . قالي اغلقي ### فمك وامشي قدامي . قتلوا بصح . عوجلي صبعي قريب كسرهولي قالي اششش لا بصح لا والو امشي يالله . خرجنا وهو يكركر فيا وراه كل ما نجي نهدر معاه يسكتني حتى وصلنا الطونوبيل ركبنا وديمارا يسوق فيتاس وجهوا احمر دم بقا ساكت حتى وصلنا للدار. مع دخلنا للدار ديراكت حكمني من دراعي ودورني نطق وهو يعيط قالي وشبيه ### طيري فهميني علاه تحوسي قولي علاه ديري في الشي هادا كامل كل مرة نقول ساعفها مزالت صغيرة راهي غير فترة مراهقة وتفوت بصح انتي باقيا وتزيدي راح تكيري راح تطلعي للسما مرة تقعدي لليل وانتي برة مرة تتعاركي مرة تقوليلي راني حابة نطلق منك فهمي ### علاه ديري هكا ضربتك ما نفع تجاهلتك ما نفع خليتك على رايك مانفع وش الحل معاك فهمي ### . قتلوا اطلق دراعي وجعتني . زاد زير على دراعي اكثر قالي تسما انتي مش راح تترباي راح تبقاي غير هكا نهار كامل وانتي بالمشاكل تاعك اقسم بالله كرهتيني في النهار لي تزوجتك فيه . قتلوا كرهت مني طلقني . قالي وتزيدي تصححي في وجهك وتقوليلي طلقني وش وصيتك انا قتلك يا تريقلي روحك يا راح نبدل معاك العقلية ولا لا . طلع يدوا نحالي الخمار من راسي وحط فموا في رقبتي وعضني حسيت بالدم خرج عرفتوا راح يديرلي كيف المرة لي فاتت. بقيت نبعد فيه عليا ونبكي قتلوا آدم اطلقني وجعتني تعيش والله ما بقيت نعاود. خزر معايا وقالي وانا حاب نوجعك وبسيف عليك مبقيتيش تعاودي ولا راح تشوفي مني غير الشر يا تترباي يا نبقا معاك هكدا . عاودلي نفس الحكاية تاع المرة لي فاتت ما طلقني غير وانا راح ندوخ لحمي كامل يحرق ويوجع . غمضت عينيا ودموعي يهبطوا راح نرقد . وقف جاب الماء وكبوا على وجهي فتحت عينيا مخلوعة قالي نوضي طيبي لعشا مش وقت رقاد . دورت وجهي مش حابة نشوف فيه قتلوا تعبانة راح نرقد . قالي راني قتلك نوضي طيبي لعشا ولا نجيب السنتورة . وقفت بسيف دخلت دوشت بالخف وخرجت للكوزينة قليت بطاطا ودرت السلاطة حطيتلوا في الطابلة تاع الكوزينة دخل لقاني كملت حطيت .قالي جيبي لعشا للصالة وخرج . علابالي يدير فيها مكرة هزيت العشا وحطيتو في الصالة وجيت راجعة للشمبرة . قالي اقعدي تتعشاي قتلوا لا . قالي اقعدي يالله . قتلوا راني قتلك لا . قالي تقعدي ولا نوض ليك . قعدت كليت شوي ونضت بقيت نستنى حتى كمل هزيت الماعن غسلتهم ، تفكرت بلي غدوة نعقب امتحان لازم نحفط ونريفيزي . دخلت للشمبرة الثانية وجبدت ادواتي بقيت نريفيزي وهو في الصالة شوي وطل عليا قالي وش راكي ديري هنا . قتلوا نقرا . قالي هيا ترقدي راح الحال . قتلوا لا مزلت نقرا عندي امتحان غدوة . عاود خرج وراح يرقد انا قعدت شوي بديت نخاف ديجا انا من الحكاية لي صراتلي قبل وليت كل ما نبقى وحدي نخاف نتوسوس نولي نتخايل . هزيت حوايجي ورحت للشمبرة تاعنا دخلت لقيتو راقد شعلت الضو تاع الفيوزة وقعدت في السرير. ورجعت نقرا وكل زوج دقايق نبوسوا كي يعود راقد يبان كيوت خلاص يسخفني باه نبوسوا بصح غير ينوض شحال يولي شرير يا لطيف منوا . حتى وصلت الربعة تاع الصباح صونا الرفاي تاعوا باه ينوض يصلي الفجر فاق قالي مزلتي نايضة لضرك . قتلوا ايه مزلت نحفظ . قالي ارقدي شوي راح الحال تنوضي بكري. قتلوا لا مزلت نحفظ شوي ونرقد . صلينا وانا رجعت نقرا وهو تكسل في بلاصتو وبقا نايض حتى وصلت الخمسة قالي خلاص ارواحي ترقدي شوي راكي تضري من السهر . لميت ادواتي ورحت رقدت . نضت على السبعة وجدت روحي وخرجنا وصلني الجامعة وهبط معايا . قتلوا علاه هبطت قالي نهدر مع المدير يرجعلك لاكارت تاعك .حكمني من يدي ورحنا عند المدير عطالوا لاكارت ووصلني وين نعڨب الامتحان هز يدي باسها قالي هيا بون كوراج نحبك انتي لي تجي لولة كيف كل عام . قتلوا ان شاء الله . قالي كي تكملي عيطيلي نجي نروحك . قتلوا اوكي . دخلت عقبت الامتحان الحمد الله ياربي جابولنا على الحوايج لي حفضتهم كملت خرجت عيطتلوا . هز عليا قتلوا راني كملت لاكان تقدر تجي تروحني للدار.قالي راني جاي . شوي وجا ركبت معاه قتلوا اديني عند يما ودنيا نقعد عندهم حتى تجي من الخدمة نروح للدار قالي لا . قتلوا علاه توحشتهم عندي بزاف مشفتهمش قالي بالجمعة نديك عندهم . قتلوا بصح منحبش نبقى في الدار وحدي نخاف . قالي كيفاه تخافي مكاين حتى حاجة تخوف . قتلوا هكدا برك نخاف نولي نتخايل . بقا يشوف معايا من بعد قالي ملا تجي معايا للخدمة نكمل الخدمة لي عندي بالخف ونرجعوا للدار . قتلوا صح . قالي ايه . وصلنا للخدمة دخلنا وهو حاكملي يدي ونشوف فيهم لي يخدمو معاه كل يشوفوا معانا . شحال نفرح كي نمشي معاه ويحكملي يدي نحسوا مفتخر بيا اني مرتوا .وصلنا البيرو تاعو لقينا السكرتيرة لثم قاتلوا مسيو آدم راهوا كلش واجد الاجتماع راهم يستناو فيك . قالها نسيت خلاص حكاية الاجتماع . خزر معايا قالي ريجا حبي اقعدي هنا انا نروح عندي اجتماع شوي ونجي منطولش عليك ، وسكرتيرة هنا ادا حتجتي حاجة قوليلها هي تجيبهالك . قتلوا ايه .قالي اقعدي عاقلة ومتخرجيش برة راني وصيتك . قتلوا ايه . باسني وخرج ، جابتلي السكرتيرة كاس تاع الجي وقاطو وخرجت وانا بقيت ندور في البيرو ونشوف في الحوايج لي فيه فاتت ساعة ونص كاملة باه جا لقاني قاعدة في الكرسي تاع البيرو ونلعب بيه . ضحك قالي وش قاعدة ديري قتلوا والوا بصح طولت عليا بزاف مليت وحدي . طبس باسني قالي الله غالب . وقفت ورحت قعدت في الفوتاي وهو قعد في الكرسي تاعو قتلوا تعبت وقتاه نروحوا للدار قالي شوي برك نكمل الخدمة لي في يدي ونخرجوا . وليت تمددت في الفوتاي لي عندو وبقيت نتفرج عليه وهو يخدم حتى رقدت . فقت وقت لي حسيت بيه يبوس فيا قالي ريجا حبي هيا نوضي نروحوا للدار ، فتحت عينيا خزرت معاه قالي صحا النوم على البطة تاعي . قتلوا يعيشك . وقفت بقا يعدللي في الخمار ، وانا نشوف معاه غمزلي وتبسم قالي واش. قدمت بستوا على رقبتوا قتلوا والوا توحشتك برك . ضحك وقالي اللحمد الله يا ربي ضرك وين قلتي حاجة تصلح . تحضنتوا قتلوا ياك علابالك بلي انا نحبك ونموت عليك . قالي وليت نشك بلي انتي تحبيني .