حب في الثانوية

141

لغدوة راح هدر مع لاونكدرار تاعي قاتلوا خلي تسوتني بشي لي راهي حافظاتو وانا دوك نخرج نسخة تاع الميموار من الجامعة تسوتني بيها . لمزية المعلمة تاعي ناس ملاح وعاقلة محبتش تمكر فيا كملت حفظت الشي لي عندي وكاتباتو في الكراس حفظتو مليح بيسك غير هكا وش راح نهدر من راسي الباقي راح نقراه من تابلو وصل وقت السوتنونس في الصباح راح آدم وحدو وجدلي كلش من القاطو للزينة ولي كادو تاع اللجنة . من بعد رجع للدار عندي وداني الجامعة غير دخلت للونفي بهتت في الديكور كيفاش زينها بالبالونات نوار ودوري والقاطو والباروك مستف على جنب من كل خير وles salées لقيت ماما وبابا ومحمد ديجا جاو وشوي صحباتي دنيا وعجوزتي وفلة بنت خالتوا وبنات خالتي لونفي قريب يتعمر لي سمعوا بلي راح نسوتني كل جاو . سطالالي آدم الداداشو والميكرو وريقلي كلشي وانا غير واقفة نشوف بدا يحكمني ستراس كي نتفكر بلي راح نهدر قدام هاد الشعب كامل نفشل نخاف نغلط ولا ننسى . كمل آدم دور شاف معايا قالي ارواحي نوريلك كيفاه يمشي اونكا يحبسلك بقا يوريلي من بعد قالي صيبو راه كلش واجد ، انتي متخافيش برك . قتلوا بصح كيفاش راح نهدر قدام الغاشي هدا كامل . قالي احسبيهم شغل مكانش كيما علمتك لبارح ،سينو متشوفيش فيهم خلاص . درتلوا براسي ايه قالي سيبو ملا نتكل عليك . قتلوا ايه بربي ان شاء الله قالي هيا مالا حبي شرفيني والحاجة لي تنسايها فوتيها سيبالبال تحبسي عندها نورمال راكي غير انتي لي علابالك وش كاين في الميموار واحد ما راح يتوله قتلوا ايه صيبو . كي دخلوا اللجنة وقعدوا هو راح قعد مع محمد مقابلني . بقيت غير وحدي مقابلة اللجنة والناس . بقاو يستناو فيا نبدا وانا تلفتلي خلاص غير نشوف من ومن حتى تولهت مع ادم دارلي بيدو باه نبدا بديت . بديت شوي خايفة مرة على مرة نغلط بصح نتفكر هدرتوا نكمل مشفتش خلاص جيهة تاع الناس نشوف غير مع اللجنة وصلت الفقرة وين لازم نهدر من راسي تبحرلي كلش كأني ما حفظت والوا قعدت نسيي نتفكر حتى كلمة مقدرتش نسيت كلش من ستراس حبست ملقيت واش نقول بقيت نشوف من ومن نعصر في مخيى باه نتفكر حتى لوكان كلمة والوا تقول مخي تمحا نطق واحد من اللجنة قالي كملي بنتي وشبيك حبستي .شفت مع آدم غير هو لي يسلكني لقيتوا دارلي بيدو تاع بالعقل تنفست بالعقل ستغفرت . شفت مع اللجنة قتلوا معليش نحبس نشرب ما قالي معليش بنتي . هزيت القرعة يدي ترجف مقدرتش فتحت القرعة شربت شوي وانا ندعي في ربي غير نتفكر كلمة نقولها تبهدلت في نص الناس صحاباتي وبنات خوالي . كملت شربت شوي من بعد رجعت لبلاصتي باه نكمل شفت مع آدم تبسملي. علابالي بيه حاب يهديني برك بقيت نقرا كلمة من شرق وكلمة من الغرب المهم نكمل عليا، كي كملت بقاو يسقسيو فيا على الموضوع تاعي كي جيت فاهمة جاوبت على نص الأسئلة بعد ساعة باه كملت قالولي اخرجي حتى يتفاهمو على النقطة وارجعي . خرجت دخلت للاونفي لي مقابل  قعدت لقيت آدم لحقني قالي صاي فاتت شفتي ليه ليه . شفت معاه قتلوا وين ليه ليه حسيت قلبي قريب يحبس قبيل وفسدت كلش شفت كيفاه نسيت وحبست في النص . قالي نورمال الناس كل تصرالها بصح راكي جاوبتي على كامل الأسئلة .   باسني على خدي و فتحلي قرعة تاع جي قالي اشربي وهيا البسي توني  تيعك دوك يعيطولك . شربت الجي ولبست لبسة تاع التخرج . عاودت رجعت  وقفت في بلاصتي بداو يهدرو شوي من بعد قالولي بلي عطاوني 16 على 20 الدنيا تقلبت بالزغاريت بكيت من الفرحة رحت نجري ديراكت عند بابا نعنق فيه مام هو بكا مسكين دارولي وحد لومبيونس كحلة صحباتي الدنيا قلبوها بالزغاريت غير كملت عنقت بابا رحت نجري عند آدم حتى هو نعنق فيه وهو هزني يدور بيا ويضحك قالي شرفتيني يا عمري  .  باركولي الباقي فرحة كبيرة اكبر من فرحة الباك والله دارلي آدم تاارت تاع تخرج قصيتها  وتصورت معاه ومع ريتاج  مع لافامي مع صحباتي نهار جامي ننساه كملنا روحنا للدار . وادم غير يعنق  ويبوس ويقولي مرتي فرحتني وشرفتني ويقولوا مرت آدم ولات  استاذة  وهيا صغيرونة .  ضحكت قتلوا كلو بفضلك انت شحال وانت كنت القدوة تاعي . قالي الحمد الله يا ربي . ريتاج تقعد وتجي تبوسني تقولي ماما مليحة زعما على اللبسة . فات  نهار يهبل في ليل آدم خرجني تعشيت برة  غير انا وياه ريتاج داها عند عجوزتي . قالي مدام كملتي دوك لقراية نروحوا نصيفوا ولالا . قتلوا ايه باينة نروحوا . قالي فرات نروحوا  لجيجل ولا بجاية . قتلوا ويما تروح معانا . قالي لا اي متحبش تروح كي قلتلها قاتلي نروح نقعد يامات عند دنيا نروحوا وحدنا برك. قتلوا معليش .