حب في الثانوية

124

نهار جديد بعد ليلة طويلة مع آدم نضت شفت الساعة لقيتها 11ونص تاع النهار ، خرجت فايتة للدوش نسمع في عجوزتي تهدر مع دنيا قالتلها شوفي شحال راهي الساعة وهاديك ما ناضت ماقالت عيب من عجوزتي ماقالت نشوف راجلي بالاك يحتاج حاجة .قالتلها دنيا وش دخلنا فيها ماما ياك حتى آدم قالنا ماتنوضوهاش خلي ترقد على روحها . قالتلها هو لي رجعها هكدا  غير من خلي خلي تاعوا  لي يهدر معاه مرتي صغيرة خليها تدلل خلي تشري خلي ترقد خلي تهدر حتى قريب شوي راح تركب على راسوا ما راهي دايرة حساب لا ليا لا ليه . قالتلها دنيا ماما ربي يسهل عليهم انا منزيدش ندخل روحي فيهم  . قالتلها خوك قريب شوي راح يعود يشهد بيها كون يكمل هكدا تشوفي كيفاش توليلوا. كملت للدوش وخليتها تهدر كيما حبت ، كملت ودخلت للكوزينة نشرب حليبي لقيتها لثم قتلها صباح الخير قاتلي وش بقا من صباح الخير راهي 11ونص . قولتلها راحت عليا نومة . خرجت هزيت التلفون عيطت لآدم هز عليا قالي بطة عمري نضتي .قتلوا دوك وين نضت راني نشرب في الحليب . قالي بصحتك وش تحبي نجيبلك معايا راني جاي . قتلوا لا ما تجيب والوا . قالي صحا ملا راني جاي . شوي وجا قالنا وجدو رواحكم نهبطوا ندوروا . وصح وجدنا رواحنا وهبطنا للسونتر فيل بقينا ندورو  من بعد قعدنا في ريسطورو نتغداو ، حتى نشوف في وحدة جات وقفت قاتلوا آدم هدا انت والله منيش مصدقة بلي تلاقيتك . قالها رندة قريب معرفتش علابالك   .ضحكت هيا وعينيها لمعوا  . نشوف فيها ديجا تلاحت عليه تسلم وتعاود وتضحك الطفلة قريب شوي وتنوض تزغرت عليه . هو يقولها هادي شحال ماشفتكش وهي تقولوا والله لا توحشتك وتوحشت ايماتنا بكري راك شافي .قالها كيفاه ننسا . هدا كامل وانا كي اطرش في زفة في نصهم حتى عجوزتي ودنيا كيفي . نطقت انا قتلوا آدم شكون هادي . قالي هادي رندة كانت تقرا معايا بكري في ليسي . زاد شاف معاها قالها وهادي مرتي  اريج هادوا  يما واختي . سلمت علينا وقعدت بلا عرضة   . قاتلوا ملا درتها وتزوجت ياك زعما كنتي واعدني بالزواج يا الغدار . ضحك هو . شافت معايا تضحك  وقاتلي تشوفي راجلك بكري كان خلاط كبير غير لي يقولها نتزوج بيك ونديرك حلالي شحال كانوا ايامات شابين  . انا بقيت نشوف . قالها آدم وانتي راكي متزوجة . ضحكت  قاتلوا لا كنت نستنى فيك بصح مدام تزوجت نروح ندبر  راجل على روحي.   نطقت عجوزتي قالتلها ربي يجيبلك المكتوب بنتي غزالة الله يبارك . قالتلها يبارك فيك طاطا بصح ولدك دارها بيا  كنت نستنى فيه زعما  . مالقري  كانت تقول فيها وتضحك بصح انا والله حسيتها راهي تهدر فيها من قلبها ويقولوا ما يحس بالمرا غير المرأ لي كيفها عينيها كانوا يلمعوا وهيا تشوف معاه . قالتلها عجوزتي مكتوب ربي  . قاتلوا ملا انا نخليكم معرفة خير ان شاء الله . قالتلها عجوزتي والله لا تقعدي تتغداي معانا ياك راكي وحدك . قالتلها منيش حابة نثقلك عليكم . قالها آدم اقعدي علاش حتى ثقلي علينا وياك راكي غير وحدك .قاتلوا ايه راني وحدي . رجعت قعدت حسيتها جاتها على قلبها حتى هيا كانت مزالت حابة تقعد . محبيتش نوسوس روحي من جيهتها . هو عيط على السرفور باه يجيبلها واش تاكل .  قالتلها عجوزتي ملا راكي تخدمي . قالتلها وي كنت نخدم في ابورتوار بريفي من بعد مكملتش حبست ودوك راني شهرين شوماج مزلت نفركت على خدمة.  قالها آدم ملا كملتي بيولوجي كيما كنتي باغية .قاتلوا مزالك متفكر وي كملت بيولوجي بصح بزاف تمرميد في الخدمة سيرتوا عند البريفي وانت ياك خدام. قالها  وي كملت الدكتوراه في امريكا و  فتحت un usine تاع les médicaments . قاتلوا الله يبارك من بكري قراي تستاهل بصح غيبت  علينا الباقي كامل مرة على مرة نتلاقاهم غير انت من سافرت ما رجعت ما تلاقيت بينا  . قالها الظروف مع القراية و الخدمة مكنتش قاع نقعد . قاتلي والله ما صدقت كي شفتك شحال تبدلت رجعتي شباب اكثر من قبل .  ضحك قالها مزالك في عوايدك تاع بكري قاتلوا وي غير انا لي منتبدلش نفس العقلية. من بعد قعدنا يهدروا على الخدمة حتى قالها   ادا حابة على خدمة من غدوة جيبي السيفي تاعك وارواحي راك مقبولة عندي من درك . قالتوا صح قالها وي بيانسور . قاتلوا صاي ملا غير ترجع راني نجيب السيفي ونجي . قالها مرحبا بيك . نسا روحوا معاها الحكايات ڨاع جبدوهم  لي سيفونير تاعهم مع بعضاهم ومن لي قعدت متلفتش ڨاع ليا  بحكاياتها نساتوا  ڨاع فينا . بقاو يحكيو محبوش يسكتوا حتى دنيا وعجوزتي يشاركوا فيهم الهدرة غير انا ساكتة . منيش حابة نوسوس روحي بصح هاد الطفلة والله ما رتحتلها خاطري ماجاش عليها قاع . تلفتلي آدم حكم يدي قالي ريجا حبي شبيك ساكتة .قتلوا والوا راني نسمع فيكم برك . شاف مع الصحن تاعي قالي كولي علاه مراكيش تاكلي معجباتكش؟نجيبلك ماكلة اخرى ولا راكي ساخفة على حاجة  . قتلوا لا شبعت صاي . قالي نقولهم يجيبولك الباتسري لي تحبيها . درتلوا براسي ايه . عيطلهم جابولي . رجع يحكي معاها جبدتوا على يدوا ، تلفتلي قتلوا دومي نروح  للتوالات . قالي صحا هيا . وقفنا مشينا حط يدو على كتافي .غير بعدنا شوي عليهم قتلوا وقتاش تروح هادي من لي قعدت لصقت قالي علاه لاه راهي مقلقاتك وديجا  دوك يفوت الغدا وكل واحد يروح في حالوا  .قتلوا وانت علاه تقولها ارواحي تخدمي عندي . قالي خلي تخدم مسكينة ياك سمعتيها بلي راهي تحوس على خدمة مافيها والوا بلاك رزقها عندي علاه حتا نقطع عليها الخبزة .دخلت للتوالات وخرجت لقيتوا يستنا فيا قدام الباب . رجعنا قعدنا شافت معايا من بعد قالت لآدم مرتك شحال عاقلة وساكتة من لي قعدت مسمعتش صوتها . حسيتوا حكم ضحكتوا بسيف معلابلهاش بيا كي نعود نطير معاه قاتلوا عاقلة تقول نوض  نحكمها من شعر نمرمدها  . قالها وي بزاف عاقلة. قاتلي         تباني صغيرة شحال عمرك . قلتلها قريب عشرين . ضحكت قاتلوا خدمت لافار وجبتها مولات العشرين كلحتنا ڨاع  . ضحكوا كامل ، جبدني لحضنوا قالها لعميرة تاعي هادي . وجها جاب ڨاع ليكولور  قاتلوا ربي يخليكم لبعضاكم . وقفت قاتلوا ملا انا نروح نخليكم هيا مولاقات الخير . قالها آدم متنسايش جيبي سيفي وارواحي . قاتلوا ملا اعطيني النميرو نعيطلك قبل باه نعرف لبلاصة. مدلها النميرو تاعوا وراحت خرجت . قتلوا  اففففف شحال غاملة تقتل متفوتش حتى بكاس عسل .  قالي  علاه راكي تقولي هكدا حرام عليك وش دارتلك الطفلة ضحكت دنيا قاتلوا وقيلا  اريج غارت منها . ضحك قالي قولي والله غرتي منها ، غايرة عليا يا قلبي غير متغيريش غير انتي لي في قلب والكبدة والرية ههههههه   . قلتلها انا نغير من هاديك  والله لا ربحت .
قاتلي عجوزتي وش خصها الطفلة تهبل حلوة عسل سيرتوا هدرتها متبانش تسكن هنا .قالها آدم ايه اصلها مش من هنا . دنيا قدمت عندي تضحك  وقاتلي في وذني ماما وقيلا عجبتها الطفلة قادرة تجبيها لآدم دوزيام فام  نورمال . خزرت فيها وانا مخلوعة . ناضت تضحك بصوت قاتلي وشبيك جمدتي راني نڨصر معاك . قتلها علابالك راكي توسوسي  فيا غير خليني في حالي أصلا انا الطفلة هادي مرتحتلهاش مشفتيهاش كيفاش تتلصق في آدم كي لصقة .قاتلي ملصقت فيه ما والوا انتي لي توسوستي منها برك والطفلة انا بانتلي جونتي تحب تهدر برك . قتلها منعرف ديجا خلينا من سيرتها جات فسدت علينا لغدا . شاف معايا آدم قرصني على خشمي قالي شبيك دايرة الشنوفة   وراكي تتعاركي مع ملايكاتك وقيلا غرتي بصحك . قتلوا منيش مشنفة بصح قريب يفوت النهار وحنا مروحناش للبحر كيما قتلي لبارح . قالي هادي برك لي راهي مقلقاتك دوك ندي عمري للبحر واقعدي حتى تشبعي .