حب في الثانوية

chapitre 90

سلام  علابالي طولت عليكم بزاف بصح راكم تعرفوا ظروف الدنيا المهم.
بون انا قريت فتاوي في ڨوڨل على طلاق
بالثلاث في مجلس واحد وحايد يقولوا تحرم  عليه ووحايد يقولوا تحتسب طلقة واحدة ووحايد يقولوا بلي  ادا كان في حالة غضب تحتسب طلقة واحدة واحنا باه نحيو الشك دوك ندير تعديل في البارت ونحط بلي قال طالق مرة واحدة هكدا باه مندخلوش في امور الدين والشبوهات وشكرا ❤️
غير دخلت ماما  هو بعد عليا وخرج  ،قدمت عندي ماما قاتلي وشبيها حالتك هكدا وش صرى ، مسحت وجهي قتلها والوا غير تعبت شوي قاتلي كشما عملك وش كان يدير هنا معاك وحدكم ؟؟ .قتلها ماما وشبيك قتلك غير تعبت . قاتلي شوفي كيفاه ترعشي وحدك وتقوليلي تعبت .قعدتني  فوق الفوتاي قاتلي اقعدي هنا نجيبلك كاس ما تشربي دواك متتحركيش من بلاصتك . درتلها  براسي ايه وانا ساكتة  . شوي ورجعت في يدها الما شربت الدوا وبقيت قاعدة شوي حتى تنحا عليا وقفت لقيت شوي مكياج عدلت مكياجي وعدلت شعري وخرجت انا وماما . لقيتوا واقف مع يماه في الكلوار منعرف وش قاعد يهدر وهي تقولوا منبعد واهدر معاها مشي درك كي شافونا سكتوا .دخلنا للصالة  انا قعدت بعيد وماما راحت وين كان دنيا ومحمد شوي ولبسلها الخاتم ليه ليه قصوا لاتارت ديراكت وخرج لا شطح معاها لا هدر معاها  لا قيمها علابالي راه زعف منها تستاهل وهيا نشوف فيها راح تبكي من تبهديلا قدام الناس . جات ماما عندي وجهة احمر  قاتلي شفتي خوك كيفاش يدير بهدل بينا تقول جايبينوا بسيف عليه هيا نوضي وجدي روحك قالي بلي رانا مروحين . قتلها ايه وقفت لبست عبايتي ودرت الخمار . نشوف في دنيا جات عندي قاتلي برد قلبك كي فسدتي عليا فرحتي  . قتلها انتي لي فسدتيها على روحك انا خاطياتك بصح متخافيش كي تجي عندنا نفسدلك حياتك كاملة مش فرحتك برك.  خرجنا روحنا غير وصلنا للدار . خويا دارلي حالة قالي انتي مش راح تترباي ديما بفضايحك ، كل مرة نسكتلك ونقول صغيرة معليش بصح انتي باقية وتزيدي فيها حابتني نمد يدي عليك ولا كيفاه .قاتلوا ماما وش دارت لاه .حكالها قاتلي ماما انتي صح متحشميش . بقيت ساكتة خايفة نهدر نزيد نخلط الحالة اكثر . قالها علابالي بيها عاجبتها روحها وهي معرية على لحمها قداموا تحساب  هكدا راح يرجعها عندو ، انا نقولها اخرجي وهيا تعرض في روحها قداموا لا حشمت لا والوا  وتزيد تسب وتعيط ، علابالك كون ماجاش على الفضايح اقسم بالله نعطيك طريحة نربيك بيها . بقيت غير ساكتة اول مرة نسمع خويا يهدر هكدا عليا قالي شوفي اريج والله  ونزيد نشوفك لابسة كيف هديك اللبسة ولا  معرية روحك قداموا ولا قدام وحدوخر هكدا غير نزرقك بالسنتورة راكي تعرفيني كي نحلف . درتلوا براسي ايه . قالي طيري عليا للشمبرة تاعك منزيدش نشوف وجهك . دخلت للشمبرة تاعي وانا نبكي . بدلت قشي ودخلت في فراشي ، رقدت ديراكت مفطنتش حتى الغدوة على 12 تع النهار فتحت عينيا قابلتني الشمس ضاربة وراسي راح يتكسر عليا من الرقاد بزاف . نضت دخلت للدوش غسلت وخرجت الكوزينة لقيت ماما وحدها قاعدة ، صبيت قهوة وقعدت نشرب فيها باه يحبس راسي من لوجاع . كملت قتلها ماما راح نخرج ندور شوي قلقت من الدار .قاتلي روحي بصح مطوليش بزاف قتلها ايه . نضت دخلت للشمبرة تاعي هزيت التلفون عيطت لعثمان هز عليا . قتلوا الوا عثمان لباس نقدرو نتلاقاو ليوم . قالي ايه راني روبو  ليوم .قتلوا ملا بعد  ساعة نتلاقاو في الكافي لي مقابل لبحر .قالي اوكي .لبست قشي وخرجت حكمت تكسي وصلني للكافي دخلت دمونديت قهوة وقعدت نخمم في الشي لي راح نديروا حتى شفتوا دخل جا صافح معايا وقعد قالي أهلا الزين صافا .قتلوا صافا .قالي متبانش عليك بلي صافا المهم كيفاش فاتت الفاتحة تاع خوك .قتلوا عادي ، المهم عيطتلك ليوم باه نقولك ادا مزلت حاب تخطبني راني قابلة .قالي تحكي صح .قتلوا ايه قالي اللحمد الله يا ربي بصح وش صرى حتى قبلتي  ياك غير قبل بنهارين كنتي رافضة .قتلوا  ما صرى والوا هكدا برك قبلت انت تستاهل فرصة وانا تستاهل نكمل حياتي . قالي ايه عندك الحق . بقيت شاردة نشوف مع البحر لي مقابلني . حسيت بيه حط يدو فوق يدي قالي اريج تقدري تحكيلي وتفرغيلي قلبك ، تقدري ثوتقي فيا وتحسبيني وحدة من صحباتك .تبسمت قالي هاه احكيلي وشبيك . قتلوا والوا غير هكدا برك . قالي  اريج علابالي بلي صرات  حاجة تخص طليقك . خزرت فيه .قالي احكيلي اريج . قتلوا عرفت لبارح بلي خطب ، راح يعاود حياتوا بعد ما خربلي حياتي وحطمتي راح يعاود حياتوا .. شهقت وانا نبكي ليوم وين حسيت ووفقت من الصدمة تاع الخبر . قالي ششش متبكيش هو ما يستاهلكش مدام هو قرر يعاود حياتوا حتى انتي عيشي حياتك وانسايه صاي يزي ما تعدبتي بسبابوا هو أصلا من لول ماكانش يليق بيك من لول باينة بلي مراحش تتفاهموا هو كبير عليك بزاف مش تتوافق عقليتك مع عقليتوا . قتلوا بصح انا مزلت نحبوا .سكت خزرت معاه قتلوا علابالي جرحتك بصح لازم نقولك الحقيقة انا مزلت نحب ادم مزلت وقت نرقد نحلم بيه مزلت نتمنى حتى خزرة من عينيه . قالي علابالي بلي مزلتي تحبيه بصح تهناي انا راح نسيك فيه . قتلوا ان شاء الله ننساه خاطر صاي عييت من حبوا عييت من كلش ان شاء الله نموت نتهنى . قالي علاه تقولي هكدا وانا لمن تخليني .ضحكت قالي هكدا اضحكي وانساي كلشي ، بابا راه شوي مريض غير يريح شوي نجي نخطب يعني وحد السمانة ونجي .قتلوا ان شاء الله .قالي اريج في هاد السمانة زيدي خممي مليح . قتلوا صاي راني خممت حتى انا من حقي نعاود حياتي ياك ؟؟ قالي ايه من حقك . قالي هيا نروحك راهي قريب الخمسة .قتلوا ايه .وصلني بعيد شوي على الكارتي تاعنا .قتلوا مرسي بزاف عثمان. قالي بلا مزية  الزينة وقت لي تحتاجيني تلقايني في كتافك اوكي حتى ادا ومكانش مكتوب بيناتنا راح تلقايني واقف معاك وقت لي تحتاجيني . قتلوا علابالك ربي بعثلك ليا في الوقت المناسب وقت لي مبقالي حتى واحد نوثق فيه . قالي حشمتيني . ضحكت قتلوا هيا نخليك باي .قالي باي تهلاي في روحك . هبطت مشيت شوي لقيت الطونوبيل تاع خويا حبست بحدايا تخلعت قلت شافني وربي كبير .هبط لكارو قالي اطلعي .طلعت قالي مين جيتي انتي  مشفتكش قتلوا جيت في تكسي  من الطريق الثانية قالي ايه علاه مقلتلوش وصلك للدار قتلوا حبيت نمشي شوي .قالي ايه وش راكي لبارح من رقدتي منضتيش دخلت عندك قداه من مرة نلقاك راقدة .قتلوا كنت تعبانة برك . قالي ايه وين كنتي .قتلوا كنت نحوس قالي مع صحباتك قتلوا لا وحدي قالي علاه ما روحتيش مع صحباتك خير .قتلوا معنديش صحبات ، أصلا وحدي خير  . تنهد قالي اريج علاه راكي ديري هكدا علاه لهاد الدرجة تحبيه.  قتلوا لا منحبوش . قالي متحبيهش شوفي روحك كيفاش عدتي  من لطلقك سمحتي في قرايتك ، لا عندك صحبات كيف لبنات لي في عمرك لا راكي عايشة حياتك كيف لبنات لي في عمرك مكيش عارفة حتى تعيشي حياتك بلا بيه . بقيت ساكتة قالي هو راه خطب وراح يعاود حياتوا انسايه براكة مراكي تعدبي روحك في الباطل . قتلوا علابالي ، وانا صاي نسيتوا . قالي هكدا احسن ليك وليه من لول حنا غالطنا وقت لي زوجناك ليه .