حب في الثانوية

chapitre 38

Vot ⭐ comment ❤️and flow 😘.

عند ادم في أمريكا فطن من رقاد  وقعد متكي في فراشوا ويخمم في اريج . هادي عادتوا من لي وصل لامريكا اول حاجة يخمم فيها واخر حاجة يخمم فيها قبل ما يرقد هي اريج  . تنهد عندوا خمسة شهر من  لي جا بصح مقدرش يتأقلم حاس روحوا ميت بالحياة ، عمروا لا فكر يرجع لامريكا  بصح هدرة تاع ام اريج نهار لي تلقاها فيه  خلاتوا في دقيقة هديك يبدل رايوا . هدرتها حسساتوا بلي هو احقر انسان على وجه الأرض  قاعد يستغل في مشاعر تاع طفلة صغيرة عمرها 16 وزيد اخت صاحبوا  ، كانت هدرتها كف فيقوا من الاحلام تاعوا شكون لي راح يقبل تكون اريج ليه وتكون بيناتهم علاقة  . خوها لي هو صاحبو وأول حاجة يقولهالوا انت خنت امانتي ليك يا  نكار لعشرة  ولا  باباها ولا ناس لي راح تهدر وتقول تزوج بوحدة كانت تقرى عندو ، ديجا فارق لعمر لي بيناتهم اكبر حاجز.
قعد يخمم زعما صاي اريج نساتوا وراهي عايشة حياتها نورمال ،  ضحك حتى ادا نساتوا ميقدرش يلوم عليها ممكن حبها ليه كان  مجرد تعلق واعجاب كيف ما قالت امها متقدرش تحكم على مشاعر تاع طفلة في مرحلة تاع مراهقة ليوم تحبك انت و غدوة تحب غيرك . 
بصح هو حبها صح من اول يوم شافها فيه دخلت قلبوا ملڨري  في لول كان يقاوم هاد الحب بصح مقدرش . هز التلفون تاعو بقا يشوف في les photos تاعها   هادو les photos هوما لي مصبرينوا على فراقها  . بقا يتفرج معاهم ،  مفهمش وقتاه ولا وعلاه حبها يمكن حبها على البرأة ودلال  تاعها لي كيف تاع لولاد الصغار ولا  على زينها لي كيف لهنودة  ولا على شعرها لي كيف لحرير  ولا على  نظراتها ليه كي تعود تشوف معاه يحس بلي كاين غير هو راجل في هاد الدنيا  تحسسو بالغرور . فاق من التخمام  على التلفون تاعو يصوني لقاها امو عيطتلوا في السكايب . تفكر نهار لي قالها راني مسافر دارت حالة بالبكا و قاتلوا ادا على اريج والله من غدوة نروح نخطبهالك . باسلها راسها قالها عندك  الحق يما اريج عمرها ما راح تكون ليا ، فارق لعمر راح يوقف بيناتنا طول لعمر ، ديجا مستحيل باباه ولا خوها يقبل خليني نروح وننسى ونعيش حياتي نحقق حلمي  . بقات تبكي ومن بعد قاتلوا روح ولدي روح وانسا راني راضية  عليك دنيا واخرة .
هز على امو وبقا يهدر معاها بالاكام قاتلوا وليدي مقريبش ترجع ،ضحك وقالها يايما راني عندي غير خمس شهر من لي جيت حابتني نرجع . قاتلوا والله توحشتك مقدرتش نصبر عليك . تنهد وقالها لازم تصبري يما كيما راني صابر انا هنا .  جات أختوا دنيا بقات تهدر معاه قاتلوا آدم أفتح الفايسبوك راني بعثلك حاجة راح تعجبك ونهار لي تجي تبوسلي راسي عليها . ضحك و قالها علابالي راكي تتمسخري بيا كيف المرة لي فاتت لقيتك باعثتلي صورة تاع القطة تاعك الجديدة . حتى هيا ولات تضحك قاتلوا  والله هاد المرة حاجة راح تعجبك . قالها صاي من بعد نفتح ونشوف .
كمل هدرة معاهم وكوبا رجع يتفرج مع صورتها لي كانت لابسة فيها الفاست تاعو دايرها fond d'écran للتلفون . بقا يهدر مع الصورة وقال راني حاس بلي حتى انتي راكي قاعدة تتعدبي كيفي ، مستحيل الحب لي كنت نشوفو في عينيك ليا يكون مجرد اعجاب كيف ما قالت يماك.بصح اسمحيلي كان لازم نبعد ونخرج من حياتك . عمري ما ننساك .
كمل نهاروا مع الروتين قراية وخدمة ، كي روح في الليل  قاعد يتعشى ،تفكر أختوا كي قاتلوا راني بعثلك حاجة . دخل للفايس بوك  لقاها باعتتلوا فيديو وزوج تصاور ما تبثش مع تصاور ، دخل الفيديو  . لقاها مصورة الحفلة تاع التكريم لي داروها في الثانوية . في بالوا بلي مصورة روحها هي  كي كانوا يكرموا فيها بقا يتفرج حتى سمع مقدم تاع الحفلة عيط على اسم اريج   ومن بعد شافها هابطة في الدروج لابسة غوب طويلة مع الخمار قعد حال فموا مش مصدق بلي اريج دارت الخمار  كانت مبدلة زادت زيانت وحلات على من قبل ، رجع يكمل في الفيديو كي طلعت مع المقدم وهو مدلها التكريم تاعها وهي ولات تبكي والكل يصفقولها ، حسها ا تبكي عليه هو مش من الفرحة على خاطر باينة من وجها بلي مش فرحانة . بقا يعاود في الفيديو شحال من خطرة حتى لقا دمعة طاحت من عينوا . راح شاف تصاور لقا زوج تصاور ليها هي وحدة قريبة وحدة من لبعيد باينة بلي ماهيش فايقة بلي دنيا قاعدة تصور فيها . بقا يشوف مع الصورة لقريبة مدورة وجهها تبان قاعدة تخمم ومطلعة يدها حاكمة سنسلة في يدها بقا يكبر في الصورة حتى لقاها حاكمة سنسلة تاعو لي بعتهالها اخر نهار مع دنيا . وقف وقعد يدور فرحان يعني اريج ما نساتوش . هز التلفون يعيط لاختو ملڨري علابالو في الوقت هادا يكون راقدين بصح مقدرش يصبر لازم يتاكد ادا كانت هاديك نفس السنسلة لي بعتهالها ولا لا . هزت عليه دنيا قاتلوا الوا آدم غير الخير ياك راك لباس قالها لاباس لاباس حبيت نسقسيك على حاجة برك . كان يهدر معها وهو يدور مش قادر يقعد من الستراس قاتلوا دنيا آدم تتمسخر معيطلي على الثلاثة تاع الصباح باش تسقسيني . قالها بركاي من الهدرة واسمعيني ، قاتلوا هاني سكتت يا سيدي وش حاب تسقسي . قالها في les photos لي بعثهملي  تاع اريج كانت حاكمة سنسلة . قاتلوا صار لحكاية فيها اريج وضحكت والله عرفتها . قالها دنيا راني نحكي معاك سيريو ، قاتلوا صاي . وش بيها السنسلة . قالها شفتيها كيفاه مدايرة ، قاتلوا ايه ديما لابستها ديما نشوفها ، مكتوب فيها ريجا بالعربية وفيها حجر بيض . ضحك و قالها راكي متأكدة قاتلوا ايه متأكدة ديما لابستها وتحكمها في يدها كي سقسيتها عليها قاتلي جاتني كادو من واحد عزيز عليا بزاف . كوبا مع دنيا وهو فرحان قعد وحكم راسو مش مصدق بلي اريج مزالت تخمم فيه وما نساتوش ، عمرو ما فرح كيما ليوم . ضحك ورما روحو على فوتاي وقال اريج اصبري نرجعلك وواحد ما بقا يبعدنا على بعضانا . واحد ما بقا يوقف في طريقنا راح تكوني ليا وحدي نحارب الناس الكل علاجالك . لازم تصبري هاد ثلاتة سنين لازم .