حب في الثانوية

chapitre 16

قعدت في الدروج وحدي نستنى في وقت الراحة يفض مش قادرة نهدر ولا نقعد مع حتى واحد حابة غير يفض النهار ونروح ونبكي وحدي حتى نفرغ قلبي ، بقيت نخمم حتى نشوف في جلال جا قعد مقابلني في دروج بقا يشوف معايا قالي اريج علاه نحس بلي راكي تخممي وعندك حاجة مقلقاتك ، قتلوا لالا جيست هدو ليامات راني مريضة قالي متخبيش عليا راني علابالي بلي تحبي واحد ،سكت خزر معايا قالي آدم قتلوا واش بيه آدم قالي يعجبك متقوليليش لا. قتلوا شكون لي قالك شروق. قالي مش شروق لي قالتلي راكي تباني من عينيك كي تشوفي معاه . بقيت ساكتة قالي اريج راه كبير عليك زيد امبوسيبل تكونو مع بعض علاه ضيعي في وقتك عليه .قتلوا هادي الحاجة مش بيدي ،راني حتى انا منيش حابة نخمم فيه ولا نحبو بصح الله غالب .كنت نهدر ونبكي كي هدرلي هكداك زيد طيحلي المورال .قدم عندي وحكملي يدي قالي عندك الحق هدو لحوايج مش بيدنا ،قالي انا راني هنا  اي وقت تحتاجيني تلقايني متنسايش رانا صحاب  ok ، تبسمتلو قتلواok .حانا هكداك ونشوف في آدم جاي وجهو مقلب باين بلي راح يرخسني .
وصل عندنا قالنا وش قاعدين ديرو هنا قتلوا والو جيست قاعدين برك .خزر معايا قالي وش قتلك انا على هدا مش قتلك متزديش تحكي معاه وزيد مخلياتو يحكملك يدك أنتي صح وجهك صحيح وماتحشميش .نطق جلال قالو وانت وش دخلك فيها ادا حكات معايا ولا مع غيري وش يقلق فيك .قالوا صار  هكدا حكمو من تريكو تاعو قالوا شوف مالا من  اليوم  نزيد نلقاك تحكي معاها هدا الليسي متزيدش  فيه دقيقة ندمرلك مستقبلك ولا منسماش آدم فهمت مالا خاف على روحك . شفت جلال وجهو ولا أحمر وتقلق  ولا يرجف وحدو قالوا اشفا عليها مليح  تخلصها غالية وراح .
دار ليا آدم قالي انتي  اسمعيني مليح راني منيش حاب نمد يدي عليك والله يانلقاك تحكي معاه ولا مع واحد اخر غير تدي طريحة تاع الكلاب مايهمني لا باباك لا خوك فهمتي .
بقيت نخزر فيه  ديجا انا منيش حملاتو وزيد يجي يرخسني ويقولي منحشمش مفقتش مع روحي حتى كيفاه قتلوا متسالنيش نحكي مع من نحب وزيد جلال صاحبي منيش راح نعاديه علاجالك ،روح دبر على اختك مدخلكش فيا . هز يدو وضربني على فمي وقالي نزيد نسمع منك كلمة تاع مدخلكش تشوفي وش ندير فيك فهمتي . بقيت ساكتة وهو يعيط ويهدر وجهك صحيح وتقولي فيها نورمال صاحبي باباك باعتك تقراي ولا تصاحبي في الدراري وزيد ترجعيلي في الهدرة وتقوليلي وش دخلك ،المهم كلى روحو محبش يسكت عاد مش عبد .انا بقيت غير ساكتة ونبكي خفت لا نهدر يضربني صح .
فرغ الغش تاعو في العياط باه سكت منبعد شاف معايا لقاني نبكي ،قدم عندي وحكملي يديا قالي اريج راني نهدر في صلاحك راه مكانش طفلة متربية تصاحب دراري ،راني ننصح فيك كي اختي الصغيرة راه حتى حرام عند ربي فهمتي .درتلوا براسي ايه بصح انا قلبي قاعد يتحرق راه مديرني كيف أختوا الصغيرة. قالي ريجا راني مكانش قصدي باه نضربك المرة لي فاتت بصح انتي قلقتيني مش حق عليك ترجعي لشهرة هديك الهدرة راهي كبيرة عليك احترميها . قتلوا هي لي بدات علاه حتى تقول عليا منيش متربية . قالي خلاص درك راهي فضت لحكايا مي متزديش تعاوديها ok . قتلوا ايه منزيدش نعاود قالي صحيتي هكا نحبك .هو  قالهالي وانا عاد قلبي يخبط من الفرحة .خزرت معاه قالي هيا امسحي دموعك وروحي تقراي .قدم عندي يمسحلي في دموعي وانا راح نموت من الفرحة.